شادىمان ؛ قىلتاقتىن ھەزەر ئەيلەڭ

شادىمان

	بىر بۈركۈت دائىم باشقا بۈركۈتلەرنىڭ ئۆزىدىن ئېشىپ كېتىشىنى خالىمايدىكەن . شۇنىڭ بىلەن بىر كۈنى ئۇ بىر ئوۋچىغا : << مەن سېنىڭ ئاسماندا ئەركىن پەرۋاز قىلىپ يۈرگەن باشقا بۈركۈتلەرنى ئېتىپ چۈشۈرۈۋېتىشىڭنى ئۈمىد قىلىمەن >> دەپتۇ . ئوۋچى : << ئەگەر سەن ماڭا پېيىڭدىن ئازراق بەرسەڭ، مەن سېنىڭ تەلىپىڭ بويىچە ئۇلارنىڭ ھەممىسىنى ئېتىپ چۈشۈرۈۋېتىمەن >> دەپ بۈركۈتكە شەرت قويۇپتۇ . بۈركۈت ئۇنىڭغا ماقۇل بولۇپ، بىر قانچە تال پېيىنى يۇلۇپ بىرىپتۇ . ئەمما ئوۋچى باشقا بۈركۈتلەرنى ئېتىپ چۈشۈرۈۋېتىشىنىڭ ئورنىغا ئۇنىڭدىن قايتا _ قايتا پەي تەلەپ قىپتۇ . بۈركۈتمۇ مەقسىدىگە تېزرەك يېتىش ئۈچۈن بەدىنىدىكى پەيلىرىنى ئاز _ ئازدىن تاكى بەدىنىدە پەي قالمىغىچە يۇلۇپ ئوۋچىغا بىرىپتۇ . نەتىجىدە ئوۋچى بۇ ئۇسۇل بىلەن ئۇنى ناھايىتى ئاسان قىلتىقىغا چۈشۈرۈپ ، ئاخىر ئۆزىنىڭ بىر ۋاخلىق مەزىلىك تامىقى قىلىپ يەۋېتىپتۇ .              ھېكمەت :  ھەسەتخورلۇقنىڭ ئادەمگە قىلچە پايدىسى يوق ، ئۇنىڭ ئورنىغا ئۆزىڭىزدىكى كەمچىلىكلەرنى تۈگىتىشگە تىرىشىڭ ، كۆڭلى _كۆكسىڭىزنى كەڭ تۇتۇڭ ؛ باشقىلارغا قىلتاق قۇرۇش ئورنىغا ھەر دائىم ھوشيار بولۇپ ، باشقىلار قۇرغان قىلتاققا چۈشۈپ كېتىشتىن ھەزەر ئەيلەڭ! << ئۈرۈمچى كەچلىك گېزىتى >> دىن

گۈلسەنەم

	ھەسەتخورلۇق داۋاسى يوق يامان سۈپەتلىك  بىر خىل كېسەل

月花

	ھازىر ھەسەتخورلۇق دەستىدىن نۇرغۇن كىشىلەرنىڭ ئتپاقلىقىغا تەسىر كورسەتمەكتە.

neyime

	شۇ بۇ خىل كىسەل بۇرۇندىن بۇرۇن خۇددى ئاياللاردىلا باردەك ھىس قىلاتتى كىشلەر ،لىكىن ئەرلەردىمۇ بۇ خىل كىسەل بەك ئېغىركەن ،ھازىر ئەرلەر ئاياللارنى بىسىپ چۇشكىدەك  دەھشەت ھەسەتخور بۇلۇپ كىتىپتۇ ....بۇ ئىللەتنى تۈزىتەيلى دوستلار !!!!

anar

	ھەسەتخورلۇق ئادەمنى ئېتىقاتىدىن ئايرىۋېتىدۇ ....

saye

	باشقىلاردىن ئېشىپ كېتىش ئۈچۈن،  ئۇلارنىڭ "ئەۋرەت"لىرىنى ئىزلەپ ئېچىۋېتىشنى ئەمەس، بەلكى ئۇلارنىڭ ئارتۇقچىلىقىنى تونۇپ ئېشىپ كېتىش ئۈچۈن ئۆزىنى مۇكەممەللەشتۈرۈش كېرەك. 10 ئادەمنى يىقىتىشتىن كۆرە، بۇ 10 ئادەمدە يوق بىر ھۈنەرنى ئۆگىنىپ ئالغا بېسىش كېرەك!

جۇلالىق

	ئالىمنىڭ ئىلمىغا ھەسەت قىلساڭ بولىدۇ، چۈنكى بىلىم چەكسىز بايلىقتۇر. مىليونىرنىڭ بايلىقىغا ھەسەت قىلما! ئۇنىڭدا قانچىلىك بىلىم بار؟ تارىخ توغرۇلۇق نەچچىلا سوئال سورىساڭ كۇپايە قىلىدۇ. ھەسەتخورلۇق ئىنساننى نۇرغۇن خۇشاللىقلاردىن مەھرۇم قىلغاندىن باشقا يېقىن تۇققانلىرىغا، دوستلىرىغىمۇ ئاۋارىچىلىق ئېلىپ كېلىدىكەن. يېقىندا مەن بىر ھەسەتخور ئىچى تارنىڭ ئاۋارە قىلىشى بىلەن خېلى كۆپ دىشۋارچىلىق تارتىۋالدىم.بىراق، بۇ ھەسەتخورغا نەپرەتلەنمىدىم، ئۇنىڭ قەلبىدىن ھەسەتخورلۇق ئوتىنىڭ ئۆچۈپ كېتىشىنى ئۈمىد قىلدىم. ئېغىر-بېسىقلىق، كەڭ قورساقلىق ئادەمنى ھەممە يەردە ھۆرمەتكە ئىگە قىلىدىكەن. "ھەقىقەت ئىگىلىدۇ سۇنمايدۇ" دېگەن سۆزنىڭ مەنىسىگە يەنە بىر قېتىم يەتتىم.

Wapadar23

	ھەسەتخورلۇقنىڭ ئەڭ يامان ئاقىۋىتى ئۆزىنى ۋەيران قىلىش ،بۇنداق كىشلەر ئىللىق كۈلۈمسىرەشتىن مەھروم قالىدۇ،تاتلىق ئۇخلاشتىن مەھرۇم قالىدۇ ،ئەتراپىدىكى كىشلەردىن بارا -بارا ئايرىلىپ قالىدۇ ،  ئەڭ ئاخىرى ئېغىر كېسەل تېپىپ ،كېسەل ئازابىدا ئۈتۈپ كېتىدۇ ... كەڭ قورساقلىق ئىسىل پەزىلەت !