شادىمان؛ قېيىنئانىڭىز بىلەن ئەپ ئۆتەي دېسىڭىز...

شادىمان

	قېيىنئانىڭىز بىلەن ئەپ ئۆتەي دېسىڭىز... تۇرمۇشتا قېيىنئانا بىلەن كېلىننىڭ مۇناسىۋىتى ھەر خىل زىدىيەت ۋە كۆڭۈلسىزلىكلەردىن خالىي بولالمايدۇ. بۇ خىل زىدىيەت ۋە كۆڭۈلسىزلىكلەر مەيلى چوڭ ياكى كىچىك بولسۇن ئادەمنىڭ روھىي كەيپىياتىغا تەسىركۆرسەتمەي قالمايدۇ.   قانداق قىلغاندا كېلىن قېيىنئانا بىلەن ئەپ ئۆتەلەيدۇ؟ قېيىنئانىڭىزنىمۇ ئۆز ئانىڭىزدەك ياخشى كۆرۈڭ، چۈنكى سىز ئوتىدا كۆيۈپ،سۈيىدە ئېقىپ تەگكەن ئامراق ئېرىڭىزنى ئەشۇ قېيىنئانىڭىز تۇغۇپ، بېقىپ چوڭ قىلغان. قېيىنئانىڭىز بار سورۇندا گەپ-سۆز، يۈرۈش-تۇرۇشتا، ئېغىر-بېسىق، ئېھتىياتچان بولۇڭ، چۈنكى قېيىنئانىڭىز سىزنىڭ دوستىڭىز ئەمەس. كۆڭۈلگە تېگىدىغان گەپلەرنى قىلماسلىقنى، '' ئاچچىق'' نى ئىچىڭىزگە يۇتۇۋېتىشنى ئۆگىنىۋېلىڭ. كىيىنىشكە،بولۇپمۇ ئۆي ئىچىدىكى كىيىنىشكە ئالاھىدە دىققەت قىلىڭ. قېيىنئاتا-قېيىنئانىڭىزنى پات-پات يوقلاپ تۇرۇڭ. قېيىنئانىڭىز گەپ قىلىۋاتقاندا كۆڭلىڭىزگە ياقسۇن-ياقمىسۇن ئېغىر-بېسىقلىق بىلەن ئاڭلاڭ ، ئالدىراپ گەپنى بۆلمەڭ. بىرەر ئىش قىلماقچى بولسىڭىز ئېرىڭىزدىنلا رۇخسەت سوراپلاقالماي، قېيىنئانىڭىزغىمۇ مەسلىھەت سېلىڭ. قېيىنئانىڭىز بىلەن ئۆز ئانىڭىزدەك مۇڭدىشىڭ، سىردىشىڭ، تەسەللىي بېرىڭ. بەزى ئىشلاردا قېيىنئانىڭىزنى باشقىلارئورنىدا ياكى ئۆزىڭىزنى ئۇنىڭ ئورنىدا قويۇپ ئۆتكەن-كەچكەن ئىشلار ئۈستىدە ئويلىنىپ كۆرۈڭ.     مەنبە: ئۈرۈمچى كەچلىك گېزىتى .

جۇلالىق

	بىر قىز يات بىر ئۆيگە كېلىن بولۇپ كىرگەندىن كېيىن، قېيىنئانىنىسى ئۆز ئانىسىدەك كۆرەلمەيدۇ. بۇ ھەممەيلەنگە ئايان بىر ھەقىقەت. لېكىن، قېيىنئانىسىنى ھۆرمەتلىشى، ئاسرىشى كېرەك. چۈنكى كۈنلەرنىڭ بىر كۈنى ئۇمۇ قېيىنئانا بولىدۇ ئەمەسمۇ!؟

قەھۋە

	بىر قىز يات بىر ئۆيگە كېلىن بولۇپ كىرىپ، قېيىنئانا بولغۇچىنى ئۆز ئانىسىدەك كۆرەلمەيدۇ، ھەر قانچە بولسىمۇ شۇنداق. ئەمما كېيىنكى كۈنلەرنىڭ ئۇزىرىشى بىلەن ئۆز ئانا-ئۆز قىزدەك بولۇپ كېتىشى مۇمكىن، ئەمما ناھايىتى ئاز. ئەمما ئامال بار ئۆزىمىنى تۇتىۋېلىپ ئىش-ھەرىكەت، گەپ-سۆزلەر كۆزىمىزگە، قۇلىقىمىزغا سىغمىسىمۇ سىغدۇرۇپ، بىر كۆزىمىزنى يۇمىۋېلىپ تۇرۇپ ياشايمىزدە. كېلىن بولغانلارنىڭ ھەممسى شۇنداق ئويلىشى مۇمكىن. ئەمما قېينئانا بىلەن كېلىننىڭ مەڭگۈ چىقىشالمايدىغىنى ئېنىق.   قېيننئانا بولغۇچى ئەڭ باشلىنىشتا كېلىننى ئۆز ئىچىگە ئېلىپلا كەتسە بۇنىڭغا گەپ كەتمەيدۇ. شۇنداق قېيىنئانىلارمۇ باكى، كېلىننى ئۆز قىزىدىن چارە كۆرىدىغان. مېنىڭ بىر دوستۇم شۇنداق. ھەممەيلەننىڭ بەكمۇ ھەۋىسىمىز كېلىدۇ. ئۆيلىرى تازلىنىپ قالغان، تاماقلىرى ئېتىلىپ تۇرغان. ئىككى بالىسىنى بىر قوللۇق بېقىپ بەردى. بىز دەيمىز."قېينئانا بولار، سىزنىڭكىدەك بولماس. قانچىلىك قىلىسڭىز ئەرزىيدۇ"دەپ. ئۇ قىزمۇ باشچىلاپلا كىرىكلىك ئۇ  ئائىلىگە.     شۇنىڭدەك ”سۇنىڭ بېشى لاي بولسا، ئارقىسىمۇ لاي“ دېگەندەك، چوڭلار ئىشنىڭ بېشىنى ياخشى باشلاپ بەرسە، بىز چوقۇم ياخىشى داۋام ئېتىپ كېتەلەيمىز.    ئامال بار ئايال بولغۇچى، كېلىن بولغۇچى ھوشيارلىق بىلەن بۇ خىل زىل مۇناسۋەتنى توغرا بىر تەرەپ قىلىپ مېڭىشىمىز كېرەك. قېيىنئانا بىلەن كېلىن بولغۇچى ئوتتۇرىسىدا ئەر بولغۇچى-ئوغۇل ناھايىتى مۇھىم رول ئوينايدۇ. شۇنداق دەيدىكەنمىز، نۇرغۇن پەلسەپە سۆزلەيدىكەنمىز، ئەمما بۇ تەرەپتىن بىز كۆپ بەدەل تۆلىگۈچى بولىدىكەنمىز.ئۆز تۇرمۇشۇمنى ئېلىپ ئېيىتسام، ئۆزەمنىڭ چىدامچانلىقى ۋە ئاپامنىڭ تەسەللىسى، شۇنداقلا يولدۇشۇمنىڭ ياخشى ئەر بولۇشى سەۋەبلىك تۇرمۇشنى داۋاملاشتۇرىۋاتقانلاردىن بولىمەن. ئوغلىنى ياخشى كۆرگەندىكىن، ئانىسىنىمۇ ياخشى كۆرۈش كېرەك، ”ھەسىنىكام ئاچچىق، ئامۇتى تاتلىق“ قىلماسلىقىم كېرەك دەپ ئۆز-ئۆزەمگە ھاي بېرىپ ياشاپ كەلدىم. مانا ھازىر خۇداغا شۈكرى، ياخشى. بۇرۇنقىدەك ئازابلىنىدىغان كۈنلىرىم بارغانسىرى ئازلىدى. ئۇلارمۇ مېنى چۈشەندى ھەم ئۆزلىرىنىڭ مىجەزىنى ئۆزگەرتتى دېسەممۇ بولىدۇ. ئەمما شۇنى ئېيتىپ قويغۇم كېلىدۇ. خارەكتىرى ئوخشىمايدىغان ئىككى ئائىلە ئامال تويلاشماسلىق كېرەك. قەشقەرلىقلەر قەشقەرلىق بىلەن، خوتەنلىكلەر خوتەنلىك بىلەن، ئۈرۈمچىلىكلەر ئۈرۈمچىلىك بىلەنلا تويلاشسۇن.. ........ (بەزىلەر ئۆزەڭلارغا ئېلىپ كەتمىگەيسىلەر)    قېينئانىمىز بىلەن ئامال بار ئەپ ئۆتەيلى، جان-جىگەر ئوغلىنىڭ-سۆيگەن ئېرىڭىزنىڭ  دىلى ئازار يەپ قالمىسۇن!

گۈلسەنەم

	ئەپسۇس ماڭا قېيىنئانىنىڭ خىزمىتىنى قىلىش نىسىپ بولماپتىكەن