شېئىرلار(بىلىقىز سۇلايمان)

kizilgul

	ئاشىقلارنىڭ دىلى بىر (بىلىقىز سۇلايمان) تومۇرلاردا ئاققان قان، يۈرەككە تۇتاش كېلىدۇ. ئاشىقلارنىڭ دىلى بىر، مەڭگۈ سىرداش كېلىدۇ. دۈشمەن قىلىچى ئايرىيدۇ، ئېزىز باشنى تېنىدىن. ئاشىقلارنىڭ سىرىنى، كىم ئايرىيدۇ دىلىدىن؟ 2007-يىل 13-فىئۇرال ئۈرۈمچى ئىت ئامراق سۆڭەككە (بىلىقىز سۇلايمان) كېتىپ باراتتىم مەنزىلىمدە بىمالال، قاياقتىندۇر ئىت ھاۋشىپ چىقىپ كەلدى. قىلدىم شۇنچە غەيرەت ئۆتۈپ كېتەي دەپ، لېكىن بەكمۇ يامان بۇ ئىتنىڭ پەيلى. توساتتىنلا كەچتى كاللامدا بىر خىيال، «ئەمەسمىدى راست، ئىت سۆڭەككە ئامراق». ھەي ئېسىت ،ئۆتكۈزۈپتىمەن ۋاقىتنى، بەرمەي باشتىلا نېسىۋە تېزراق. لوقمىنى كۆرۈپلا قۇيرۇق شىپاڭشىتىپ، ئەركىلەپ پۇتۇمنى سۆيدى ئۇ مەخلۇق. يىرگەندىم ۋە لېكىن،بولدى يول راۋان، يوقالغاچ پۇتلاشقان لەنىتى شۇملۇق. 2007-يىل 10-مارت ئۈرۈمچى سوخەنچىنىڭ ئادىتى (بىلىقىز سۇلايمان) ئالدىڭدا ماختىسا ،كەتمە كېرىلىپ، تىللايدۇ بۇرۇلۇپ كەينىڭگە ئۆتۈپ. سوخەنچى ئاتايمىز ئۇنىڭ ئېتىنى، يۈرمىگىن ئۇنىڭدىن ياخشىلىق كۈتۈپ. كۆرەلمەس ئۆزىدىن ئېشىپ كەتكەننى، ماختايدۇ ئەيىبى ئوچۇق قالغاننى. سۆيۈنەر گەر سېنى باسسا پالاكەت، ئاھ ئۇرار گەر كۆرسە ئىنئام ئالغاننى. 2007-يىل نويابىر ئاشىقلىق (بىلىقىز سۇلايمان) ئۇچراشساق گەر ناۋادا، تىلىم سۆزگە كەلمەيدۇ. كەتسەڭ مەندىن يىراقلاپ، كۆزۈڭ ھەرگىز كەتمەيدۇ. ئايلار ئۆتتى،يىل ئۆتتى، چاچلار تال-تال ئاقاردى. بەل پۈكۈلدى ۋە لېكىن، بۇ مۇھەببەت ياشاردى. 2007-يىل نويابىر .ئۈرۈمچى.

مەرۋەرى

	بىلىقىز ھەدە، ئېسىل شېئىرلىرىڭىزنى داۋاملىق كۆرۈپ تۇرۇشنى بەكمۇ خالايمىز!

جۇلالىق

	ئاشىقلىقنىڭ سىرى، قەلبنىڭ چوڭقۇر قېتىدا مەڭگۈ ساقلىنامدىكىن دەپ ئويلايمەن. يۇمشاق لوقمىنى يېگەن ئىت، سېنىڭ سۆڭىكىڭنى غاجىلاشنى نىشان قىلماسمۇ؟ بىلىقىز ھەدىمىزنىڭ شېئىرلىرىغا تەشەككۈر.

گۈلسەنەم

	بىلىقىز ھەدىمىزنىڭ ئېسىل يازمىلىرى بىلەن يۈز كۆرۈشۈشكە مۇيەسسەر بولغانلىقىمغا تولىمۇ خوشالمەن:victory:

otkankunlar

	تىلى يىنىك،رېتىملىك ،خەلق تىلى بىلەن يېزىلغان بۇ شىېرلارنى تولىمۇ سۈيۈنۈش ئىچىدە تۇرۇپ ئۇقۇپ چىقتىم. بىلىقىزنىڭ ئىجادىيىتىگە بەرىكەتلىك يار بولغاي!

دىلداش

	ئىسىل تىمىلىرىڭىزدىن ھۇزۇرلاندىم. ئېلھامىڭىز ئۈزۈلمىگەي

مودەن

	لوقمىنى كۆرۈپلا قۇيرۇق شىپاڭشىتىپ، ئەركىلەپ پۇتۇمنى سۆيدى ئۇ مەخلۇق. يىرگەندىم ۋە لېكىن،بولدى يول راۋان، يوقالغاچ پۇتلاشقان لەنىتى شۇملۇق    ئادىڭدا  ماختىسا ،كەتمە كېرىلىپ،تىللايدۇ بۇرۇلۇپ كەينىڭگە ئۆتۈپ. سوخەنچى ئاتايمىز ئۇنىڭ ئېتىنى، يۈرمىگىن ئۇنىڭدىن ياخشىلىق كۈتۈپبۇ  مىسىرالار  بەكلا   بەكلا  ياخشى   يىزىلىپتۇ تۇرمۇشتىكى  ڭشلاركەن  بىلىقىز   ھەدە  بەكلا   چۇزۇر  ئالدىم  جۇمۇ

kizilgul

	مودەن يوللىغان ۋاقتى  2012-يىلى 7-ئاينىڭ 5-كۈنى 17:22 لوقمىنى كۆرۈپلا قۇيرۇق شىپاڭشىتىپ، ئەركىلەپ پۇتۇمنى س ... رەھمەت سىڭلىم،ياقتۇرغىنىڭىزدىن خۇش بولدۇم.

گۇلخان

	بېلىقىز ھەدىمىزنىڭ يىڭى يىغىلىش،ئۇچىرىشىشلاردىن   ئالغان تەسىراتلىرىنى ئاڭلىساق،ئوقۇساق بۇلاتتى ئەمدى................