ئوتتۇرا مەكتەپتىكى ساۋاقداشلىرىڭىزنى ئەسلەپ بېقىڭ!

دىلەيسەم

	ۋاقىت بەك تېز ئۆتۈپ كەتتىمۇ قانداق؟ باھار بايرىمىغا يەتتە كۈن قويۋېتىدىكەن دېسە شۇنداق خوش بولۇپ كەتكەن ئىدىم، ھېچ ئىش قىلماي بۇ يەتتە كۈنمۇ كۆزىنى يۇمىدىغانغا تەييارلىق كۆرۋېتىپتۇ ئەمەسمۇ . پېقىر بۈگۈن ئولتۇرۇپ ئوتتۇرا مەكتەپتىكى ئەشۇ ساۋاقداشلىرىمنى مۇنبەردە دوستلار بىلەن بىرلىكتە ئەسلەشنى لايىق تېپىپ ئولتۇرۇپتىمەن. باشلانغۇچتىكى بالىلىقىمنى ئاياقلاشتۇرۇپ يەنە شۇ بىر سىنىپ ساۋاقداشلار بىلەن ئوتتۇرا مەكتەپكە چىقتۇق، چۈنكى ناھيە، يېزىلاردا باشلانغۇچ ۋە ئوتتۇرا مەكتەپتىن بىردىنلا بولغاچ چوڭ شەھەرلەردىكىدەك ئوتتۇرا مەكتەپتىلا ئايرىلىش ئازابىنى تارتمايتتۇق . بىراق ئوتتۇرا مەكتەپكە چىققاندىن كېيىن ئۇ يەر، بۇ يەردىن يېڭى ساۋاقداشلارمۇ كېلىپ قالاتتى. مەن دەل تولۇقسىز ئوتتۇرىنىڭ بىرىنچى يىللىقىدىكى يېكى قوشۇلغان بىر ئوغۇل ساۋاقدىشىمنى سېغىنىش بىلەن ئەسلەپ ئولتۇرۇپتىمەن. چۈنكى ئۇ ئىككىمىزنىڭ تونۇشىشى ئۇرۇش جىدەل بىلەنلا بولغاچقىمىكىن . بىز بۇرۇنقى تونۇش ساۋاقداشلار يەنە بىر سىنىپقا يىغىلىشىپ ئولتۇراتتۇق، سىنىپ مەسئۇلىمىز بويى ئىگىزرەك كەلگەن، قارامقۇمچاق بىر ئوغۇل بالىنى باشلاپ كىردى. - بۇ يېڭى ساۋاقدىشىڭلار <***> بولىدۇ، ئۆزى بۇرۇن خەنزۇچە ئوقۇغان ئىكەن، شۇڭا ئۇيغۇر تىلىدا بىز مەزگىل قىيىنىلىشى مۆمكىن سىلەر كۆپرەك ياردەم قىلىڭلار بولۇپمۇ، سىنىپ ھەيئەتلىرى . سىنىپ ھەيئەتلىرى دېگەندە شۇنداق ئاچچىقىم كەلدى، مەكتەپ ئوقۇغىلى كەلگەن ئادەم ئۆزى تىرىشىپ ئۆگەنسۇن مېنىڭ نىمە كارىم، دەپ ئىچىمدە غۇدۇراپمۇ ئۈلگۈردۈم،  بۇ يېڭى كەلدىراخۇن بىلەن ئىچكى ئۇرۇشنى جايىمدا ئولتۇرۇپلا باشلىۋەتتىم. قېرىشقاندەك بۇ يېڭى كەلدىراخۇننى مېنىڭ ئارقامغىلا ئولتۇرغۇزۇپ قويدى، نىمىسىنى دەي بۇ كاساپەت شۇنچىلىك ھاكاۋۇر ئىكەنكى.................. بۇ كەلدىراخۇن توغۇرلۇق سەل تۇرۇپ يازاي، مۇھىم بىر ئىش بىلەن سىرتقا چىقىدىغان بولۇپ قالدىم، قەتئى كەچۈرگەيسىلەر!!

peacelife212

	داۋامىنى

Jilwe

	خەپ دىلەيسەم ، دائىم ئادەمنى گەپكە سەپ قويۇپ ئۆزى يوق ....

dilroh

	مەن  بۈگۈن 5 - 6 - يىل كۆرۈشمىگەن تولۇق ئوتتۇردىكى ساۋاقداشلىرىم بىلەن كۆرۈشۈپ كەلدىم  ```   يېڭى توي قىلغان بىر ساۋاقدىشىمىز ئۆيگە چاقىرىپتىكەن بىر يىزىغا بىرىپ كەلدىمدە مۇشۇ باھانە بىلەن يەنە تىخى 20 گە يىقىن ساۋاقداشلىرىم بىلەن كۆرۈشۋالدىم بىر تۈركۈم ساۋاقداشلىرىمىز ئالدىمىزدا قايتقان بىر ساۋاقدىشىمىزنىڭ كۆڭلى بۇزۇلۇپ يېڭى ئوقۇش پۇتتۇرگەن چاغدىكى كەيپىياتتا يىغلىۋەتكىلى تاس قالدى ئۇلارنى خوش دېگەچ   ۋاھ  ئىشقىلىپ   ساۋاقداشلىرىمنى كۆرسەم  ئاجايىپ خۇش بولۇپ كىتمەن  كۈلكە چاقچاقلار بىلەن ئالامەت ئۆتتى بۈگۈن ئاللاھ خالىسا 5 - ئايدا ئالىي مەكتەپتىكى ساۋاقداشلىرىم بىلەن كۆرۈشىمەن ```` مەن تولۇقسىز ئوتتۇر مەكتەپنى باشلانغۇچتىكى ساۋاقداشلىرىم بىلەن بىر مەكتەپتە ئۇقىمىغان  مەن شەھەردىكى ياخشى دەپ قارالغان مەكتەپكە دادامغا تولا كاپىشىپ چىقىۋالغان   ...   تولۇقسىز ئوتتۇر مەكتەپتىكى ئوقۇتقۇچىللىرىمغا بەك ئامراقتىم ...   تولۇقسىز ئوتتۇرا مەكتەپتىكى ساۋاقداشلىرىمنى ئەسلىسەم تولۇقسىز 3  - يىللىققا چىقىدىغان يازلىق تەتىل مەزگىلى بىر ساۋاقدىشم قاتناش ۋەقەسى بىلەن بىزدىن مەڭگۈلۈك ۋىدالاشقان ئويلىسام كۆڭلۈم يىرىم بولىدۇ ....   نەچچە يىل ياقى ئالدىراشچىلىق يەنە مەن بىر مەزگىل ئۆيگە بىكىنىۋالغان مەزگىللىرىمدە ساۋاقداشلىرىم بىلەن ئالاقىلىشالمىغان ``` بۇ يىل خۇدايىم ئاجايىپلا ئۇچۇراشتۇرۇپ قويدى تولۇقسىز تولۇقتىكى  مەن ئىزدەپ مېنى ئىزدەپ تاپالمايۋاتقان ساۋاقداشلىرىمنى ............

dilroh

	ھە راست  تولۇقسىزدىكى ساۋاقداشلىرىمنى ئويلىسام  بىر ساۋاقدىشىم بولىدىغان  رەسىم سىزىشقا ھۆسىنخەت يىزىشقا كارامەت ئۇستا ..  بىر كۈنى خىمىيە دەرىس ۋاقتىدا  كىتاۋىنىڭ ئاستىغا بىشىنى تىقىۋاپ ھۆسىنخەت يىزىپ ئولتۇرۇپتىكەن ئوقۇتقۇچىمىزنىڭ كۆزى دەھشەتتە كۆرۈپ قىلىپ ھۆسىنخەت بىلەن توشۇپ كىتەي دىگەن دەپتىرىنى تارتىۋالدى ھىجىىيىپ كۈلۈپ  شۇ سائەت يازغان بىر پارچە خىتىنى ئوقۇغانتى  مۇنداق يىزىپتىكەن   ئەگەر ئوقۇتقۇچى غۇرۇرۇمغا تەگسە مەن ئۇ چاغ  ئوقۇغۇچى ئەمەس  بىر ئىسيانكار دەپ ...  بۇ ئوقۇتقۇچى دەپتەرنى كۆتۈرۈپ ئىلمىي مۇدىرنىڭ مەكتەپ مۇدىرىنىڭ يىنىغا كىرسە بولىدۇ ...........   بۇ مەكتەپ باشلىقلىرى ئوقۇتقۇچىمىز ھەممىسى ئايال كىشىتى ...  بىزنى قوشۇپ تىللاپ  ئىسيانكارمىش ئاقمىش  دەپتىگەن  دەرىسنى ئوبدانلا  دەرىس قىلغان

گۈلسەنەم

	مەن ئوتتۇرا مەكتەپتىكى ساۋاقداشلىرىم بىلەن ئالاقىلاشمىغىلى شۇنچە ئۇزۇن ۋاقىت بوپتۇ، بۈگۈن بۇ تېمىنى ئوقۇپ مەنمۇ بىر نەچچە ساۋاقداشلىرىمنى ئەسلەپ قالدىم. مەن باشلانغۇچتىن تارتىپلا ھەممە دەرىسلەردە شۇنداق ياخشى ئىدىم، ئەمما شۇ تەنتەربىيەگە كەلگەندە زادىلا ئۆتەلمەيتتىم، يۈگرۈش، سەكرەش دېگەنلەر بىلەن زادىلا خوشۇم يوق ئىدى، باشلانغۇچتىكى مۇئەللىملىرىم باشقا نەتىجىلىرىمنى ئاساس قىلىپلا تەنتەربىيەنى ئانچە سۈرۈشتۈرمەيلا <<ئۈچتە ياخشى ئوقۇغۇچى>> قىلىىۋېرەتتى، ئۆزۈمچە تولۇقسىزدىمۇ شۇنداق بولىدۇ دەپ ئويلاپ خىيالىمدا يوق يۈرسەم، بىرىنچى مەۋسۈم ئاياقلىشىپ نەتىجە ئېلان قىلىنىپ، ئارقىدىنلا <<ئۈچتە ياخشى ئوقۇغۇچى>>لار تىزىملىكى ئېلان قىلىندى، قارىسام مېنىڭ ئىسمىم يوق، شۇ يەردىلا يىغلاپ كەتتىم، بۇنى كۆرگەن بىر ئوغۇل ساۋاقدىشىم ئورنىدىن تۇرۇپلا، <<گۈلسەنەم باشلانغۇچ مەكتەپتە ئۇدا ئۈچتە ياخشى ئوقۇغۇچى ئىدى، بۇ قېتىم نېمىشقا ئۇنداق بولۇپ قالدى؟>> دەپ سورىۋېدى، سىنىپ مەسئۇلىمىز: -- گۈلسەنەمنىڭ تەنتەربىيە نەتىجىسى بەك تۆۋەن ئىكەن، -دېدى. --ئۇنداقتا مەن تەنتەربىيەدىكى 98 نومۇرۇمنى گۈلسەنەمگە بېرەي، شۇنداق قىلساق بولامدۇ؟ سىنىپ ئىچىدە، پاراققىدە كۈلكە ئاۋازى كۆتۈرۈلدى، بۇ بايامقى ئوغۇل ساۋاقدىشىم ئىدى. ئارقىدىن بىر نەچچە مەرت ساۋاقداشلىرىممۇ ئۆزلىرىنىڭمۇ تەنتەربىيەدىكى يۇقۇرى نەتىجىلىرىنى ماڭا بېرىدىغانلىقىنى دىيىشتى. مانا شۇ ساۋاقدىشىمنىڭ شۇ سۆزى سىنىپ مەسئۇلىمىزنى تەسىرلەندۈردى بولغاي، مەكتەپ مۇدىرىغا ئەھۋالنى ئېيتىپ مېنى يەنە <<ئۈچتە ياخشى ئوقۇغۇچى>>قىلىپ سايلىدى، مەن بىر تەرەپتىن خۇشال بولساممۇ يەنە بىر تەرەپتىن تەنتەربىيە دەرىسىگە مۇنچە سەل قارىغانلىقىمدىن بەك ئەپسۇسلاندىم ۋە شۇنىڭدىن باشلاپ تەنتەربىيە دەرىسىدىمۇ تىرىشىپ خېلى يۇقۇرى نەتىجىلەرنى قولغا كەلتۈردۈم. ئۇ ساۋاقدىشىم بىلەن خېلى ئۇزۇن يىللار بوپتىكەن كۆرۈشمىگىلى يېقىندا، بىر تۇققانلارنىڭ تويىدا كۆرۈپ ھەيران قالدىم، ئۇ شۇنچىلىك قېرىپ كەتكەن ئىدىكى، ئۆزى تونۇشلۇق بەرمىسە راستىنلا تونۇماي قالاركەنمەن. ساۋاقداشلىق مېھرى دېگەن ئاجايىپ دېسە!!!!!!

جۇلالىق

	باشلانغۇچتىكى ساۋاقداشلارنى ئەسلىسەڭلار ئەسلىشىپ بېرەي.

قەھۋە

	جۇلالىق قىززىقتە. مەن كېيىنرەك ئەسلەي...

ماھىتابان

	مەن يەسلىدىكى ساۋاقداشلىرىمنى ئەسلەيمىكىن ، دىلەيسەم تېمىنىڭ داۋامىنى يېزىپ بولمىغىچە مەن ئەسلىمەيمەن