ئەردوغان مۇبارەكتىن خەلقنىڭ سۆزىنى ئاڭلىشىنى تەلەپ قىلدى

ulughbik

	تۈركىيە باش مىنىستىرى ئەردوغان مىسىر پىرىزدېنتى مۇبارەكنىڭ خەلقنىڭ ساداسىنى ئاڭلىشىنى ھەمدە يېڭى ئىسلاھات ئېلىپ بېرىشقا دەۋەت قىلغان. ھەر قايسى چوڭ گېزىتلەر مىسىر مەسىلىسىدە تۈركىيە ھۆكۈمىتىنىڭ سۈكۈتتە تۇرۇۋالغانلىقىنى تەنقىد قىلغاندىن كېيىن، 1-فېۋرال، تۈركىيە ئاخىرى مىسىر كىرزىسىدىن كېيىنكى سۈكۈتتە تۇرۇۋېلىشىنى بۇزغان. تۈركىيە باش مىنىستىرى ئەردوغان ھەققانىيەت ۋە تەرەققىيات پارتىيىسىنىڭ پارلامېنت يىغىنىدا:« مۇبارەك ئەپەندىم، مەن سىزگە ناھايىتى سەمىمىيلىك بىلەن تەكلىپ بەرمەكچى، تۈزلا قىلىپ ئاگاھلاندۇراي... بىز ھەممىمىز ئۆلۈپ كېتىمىز، مۇسۇلمان بولۇش سۈپىتىمىز بىلەن، بىزنىڭ ئاخىرقى بارار جايىمىز ئىككى كىۋادىرات مېتىرلىق گۆر » دېگەن. ئەردوغان:« سەن چوقۇم خەلقنىڭ ساداسىنى ئاڭلىشىڭ كېرەك، بىخەتەرلىك ۋە مۇقىملىق بەرپا قىلىشىڭ كېرەك. ئالدى بىلەن، سەن مىسىر ئۈچۈن ياخشى قەدەم باس، ئاممىنىڭ تەلىپىنى قاندۇرغىن » دېگەن.

دىلەيسەم

	مۇشۇنداق سىياسى خەۋەرلەرنى ئوقۇيمەن، ئەمما ئايال كىشى بولغانلىقىم ئۈچۈنمۇ ياكى ئىقتىدارىم شۇنچىلىكمۇ بىرەر ئېغىز پىكىر قاتناشتۇرالمايمەن، ئۇلۇغبىكنىڭ دۇنيا خەۋەرلىرى بىلەن بىزنى خەۋەرلەندۈرگىنىگە كۆپ رەھمەت!

ئاھۇ

	سىياسىي سەھنىدىكى بەندىلەرنىڭ نۇتۇقلىرىغا،كەچۈرمىشلىرىگە ئەزەلدىن قىزىقىمەن. ئەردوغان:" سەن چوقۇم خەلقنىڭ ساداسىنى ئاڭلىشىڭ كېرەك، بىخەتەرلىك ۋە مۇقىملىق  بەرپا قىلىشىڭ كېرەك...."

ulughbik

	مىسىردىكى ئىككى ھەپتىلىك ھۆكۈمەتكە قارشى نامايىشتىن كېيىن، نەچچە ئون مىڭلىغان نامايىشچىلار بىلەن مىسىرنىڭ قاتمۇ قات قورشاۋدا قالغان پىرىزدېنتى مۇبارەك ئوتتۇرىسىدىكى قاتمال ۋەزىيەت يەنىلا داۋاملاشماقتا. 6-فېۋرال، قاھىرەدىكى نامايىش 13-كۈنىگە قەدەم قويدى، نامايىشچىلار قارشىلىق كۆرسىتىش ھەركىتىنىڭ مەركىزى بولغان تەھرىر مەيدانىدا كېچىنى يامغۇر ئىچىدە تۈنەپ چىقتى.       قاتار يېرىم ئارال تېلىۋىزىيە ئىستانسىسى مۇخبىرىنىڭ دېيىشىچە، تەھرىر مەيدانى نىسبەتەن تىنىچ بولۇپ، 6-فېۋرال ئەتىگەن « چېدىرلىق شەھەر » گە ئايلىنىپ قالغان. بىرلا ۋاقىتتا، قاتمال ۋەزىيەتنى ئاخىرلاشتۇرۇش ئۈچۈن، مىسىردىكى ئاساسلىق ئۆكتىچى تەشكىلات مۇسۇلمان قېرىنداشلار تەشكىلاتى ھۆكۈمەت بىلەن سۆزلىشىش سېپىگە قوشۇلىدىغانلىقىنى جاكارلىغان. ئۆكتىچىلەر مۇبارەك تەختتىن چۈشمىگىچە بارلىق سۆزلىشىشلەرنى رەت قىلغان ئىدى. مۇسۇلمان قېرىنداشلار تەشكىلاتى رېيتىر ئاگېنتلىقىنىڭ مۇخبىرىغا سۆھبەتنىڭ 6-فېۋرال باشلىنىدىغانلىقىنى ھەمدە ھۆكۈمەتنىڭ « خەلقنىڭ تەلىپىنى قوبۇل قىلىشىنى خالايدىغان خالىمايدىغانلىقى » غا باھا بېرىدىغانلىقىنى ئېيتقان. مۇسۇلمان قېرىنداشلار تەشكىلاتى بىلەن ھۆكۈمەتنىڭ بۇ قېتىمقى سۆھبىتى ھۆكۈمەت مەزكۇر تەشكىلاتنى چەكلىگەندىن بۇيانقى تۇنجى سۆھبىتى بولۇپ قالىدىكەن. مۇبارەك نامايىشچىلارنىڭ ھازىرلا چېكىنىپ چىقىش تەلىپىنى رەت قىلغان.

ulughbik

	مىسىر دۆلەتلىك تېلىۋىزىيە ئىستانسىسىنىڭ خەۋەر قىلىشىچە، مىسىرنىڭ شىمالىي سىناي رايونىدىكى  El-Arish تا، ئىسرائىلىيە ۋە ئىئوردانىيەگە ئۇزۇتىلىدىغان تەبىئىي گاز تۇربا يولى سالاھىيىتى نامەلۇم كىشىلەرنىڭ ھۇجۇمىغا ئۇچرىغان. تېلىۋىزىيە ئىستانسىسىنىڭ خەۋەر قىلىشىچە، ئىسرائىلىيەنىڭ Ashkelon رايونىغا بولغان تەبىئىي گاز تەسىرگە ئۇچرىمىغان، ئەمما ئىئوردانىيەگە بارىدىغان لىنىيە 5-فېۋرالدىكى پارتىلاشتا بۇزغۇنچىلىققا ئۇچرىغان. پارتىلاشتا ئادەملەرنىڭ ئۆلگەن يارىلانغانلىقى ھەققىدە ھېچقانداق خەۋەر يوق ئىكەن. تېلىۋىزىيە ئىستانسىسىنىڭ مۇخبىرى:« بۇزغۇنچىلار بىخەتەرلىك ۋەزىيىتىنىڭ جىددىيلىكىدىن پايدىنلىنىپ، تەبىئىي گاز تۇربا يولىنى پارتىلتىپتۇ » دېگەن. تېلىۋىزىيە ئىستانسىسى ئەمەلدارنىڭ سۆزىنى نەقىل قىلىشىچە: ۋەزىيەت ناھايىتى خەتەرلىك بولۇپ، بىر جايدىن يەنە بىر جايغا قاراپ تۇربا لىنىيىسى بويىچەداۋاملىق پارتىلاۋېتىپتۇ. تېلىۋىزىيە ئىستانسىسىنىڭ مۇخبىرى:« بۇ بىر چوڭ تېرورلۇق قىلمىشى » دېگەن. مەزكۇر رايوندىكى ئاھالىلەرمۇ قاتتىق پارتىلاش ئاۋازىنى ئاڭلىغانلىقىنى، ئوت يالقۇنىنىڭ بۇ رايوندا يامراۋاتقانلىقىنى بىلدۈرگەن. بىخەتەرلىك قىسىملىرىنىڭ سۆزىگە ئاساسلانغاندا، مىسىر ئارمىيىسى ئاساسلىق گاز تۇربا يولىنى ئېتىپ تاشلىغان.

ulughbik

	نيورك ۋاقىت گېزىتى تورىنىڭ خەۋەر قىلىشىچە، مىسىردىكى نامايىش بارغانسېرى كەسكىنلىشىۋاتقان بولۇپ، مۇبارەك ئۆزگەرتىشكە ۋەدە بەرگەن تەغدىردىمۇ، ۋەزىيەتنى بۇرىغىلى بولمايدىكەن، تەختتىن چۈشۈش تەغدىرىدىن قېچىپ قۇتۇلالمايدىكەن. مۇبادا مۇبارەك تەختتىن چۈشسە، ھاكىمىيەت رەھبەرلىكىدىكى بوشلۇقىنى كىم تولۇقلايدىغانلىقى ھەققىدە شۈبھە تۇغۇلغان. قانداق قىلىپ ھاكىمىيەتنى ئامېرىكا قوللىشىدىكى ھۆكۈمراندىن ئوڭۇشلۇق ھالدا يەرلىك خەلق قوللىشىدىكى رەھبەرگە ئۆتكۈزۈپ بېرىش، بىرلا ۋاقىتتا ئىسلاھات ئېلىپ بارماقچى بولغان بارلىق ئەرەب دۆلەتلىرى دۇچ كەلگەن قىيىن مەسىلە بولۇپ قالغان. مىسردىكى ھۆكۈمەتكە قارشى كەيپىيات داۋاملىق ئۇلغىيىپ، بايلار، نامراتلار، دىنسىزلار، دىندارلارنىڭ ھەممىسى نامايىش قوينىغا كىرىپ كەتكەن، ئەمما ئۇلار ئوتتۇرىسىدا ئەسلىدىنلا ئىختىلاپ ئېغىر بولۇپ، بۇ خىل ئىتتىپاقلىقنى ئۇزۇنغا داۋاملاشتۇرالىشى تەس ئىكەن. ئەڭ چوڭ ئۆكتىچى پارتىيە مۇسۇلمان قېرىنداشلار تەشكىلاتى نامايىشتا گەۋدىلىك ئورۇندا تۇرغان، ئەمما مەقسىتى گۇمان قوزغىغان؛ بارادىنىڭ نامايىشچىلارغا ۋەكىل بولىشىمۇ تالاش-تارتىش قوزغىغان، بەزىلەر ئۇ ئۇزۇن مۇددەت چەتئەلدە تۇرغان، ھەرگىزمۇ مىسىرلىق ئەمەس دەپ قارىغان. ئىنسانىي ھوقوق تەشكىلاتى ھۆكۈمەتكە قارشى كۈچلەرنىڭ كەلگۈسى ئېنىق ئەمەس، ھازىرغىچە تەشكىللىكى يوق دەپ ئەنسىرەشكەن.