غېرىپ ئاتا فىلىمىدىن پارچە ( تەسىرلىك )

دەرتمەن

جۇلالىق

	دادا سېنى كۆرگۈم كەلدى، سېنى سېغىنىپ ياشاۋاتقىلى ئون بىر يىل بوپتۇ. كوچىدا ياشانغانراق ساڭا ئوخشايدىغان ئاپئاق ساقاللىق بوۋايلارنى ئۇچرىتىپ قالسام سېنى كۆرگەندەك بولىمەن. شۇ بوۋاي يېنىمدىن ئۆتۈپ كەتسە كەينىدىن ئۇنىڭ قارىسىى يۈتكىچە قارايمەن. كۆزلىرىم نەملىشىدۇ. سېنىڭ مېنى قىزىم دەپ ئەركىلەتكەن ۋاقىتلىرىڭ، بازارغا بارساڭ يانچۇقلىرىڭغا مەن ياقتۇرىدىغان ئۇششاق يىمەكلىكلەرنى سالغاچ كېلىپ بەرگەنلىرىڭنى سېغىنىمەن............

saye

	توۋۋا . راست ھە ... بۇ ئالەمدىن كەتمىگەن كىم بار. ئاللاھ خالىسا ئاتام ۋە ئاپامنىڭ سالامەتلىكى شۇنداق ياخشى. ئاتام كەچلىك بازاردا تىجارەتكە چىقىدۇ. ھەر كۈنى ئىشتىن چۈشۈپ ئاتامغا ياردەملىشىپ كاۋابچىلىقمۇ قىلىمەن. ھەر كۈنى ئىشتىن چۈشۈپ ئۇدۇل كەچلىك بازارغا بارسام ئاتام ئەشۇ تىجارەت ئورنىدا بولىدۇ. مەڭگۈ شۇ يەردە تۇرمايسەن دە ئاتا . ھازىر ئۆيدە قايتقىنىمدا ھە قىچان ئۆينىڭ بۇلۇڭىدا تىزگىنەكنى تۇتۇپ ئولتۇرغىنىڭچە تېلىۋىزوردىن خەۋەر كۆرىۋاتقانسەن، ئەمما شۇنداق بىر قورقۇنۇچلۇق كۈنلەر كېلىپ شۇ بۇلۇڭدا سېنىڭ سىمايىڭ ئەبەدىي يوق بولسا . . . يۈرىكىم قارت قىلىپ كەتتى. ئاللا ئىگەم جاھاندىكى بارلىق ئاتا-ئانىلارنىڭ تېنىنى سالامەت، ئۆمرىنى ئۇزۇن، ئۆي ئىچىنى خۇشال خۇرام قىلسۇن، ئامىن .

مەرۋەرى

	ئۈچ يىل ئىلگىرى ئەجەپمۇ يىغلاپتىكەنمەن، دوختۇرخانىنىڭ سوغۇق كارىدورىدا سىمۇنتتا تىزلىنىپ ئولتۇرۇپ ئاللاھتىن دادامنىڭ ئۆرە ماڭالمىسىمۇ ئىككى كۆزىنى پاقىرىتىپ بولسىمۇ بىز بىلەن بىللە تۇرۇپ بېرىشىنى يىغلاپ تۇرۇپ تىلىگەن ئىدىم، بىمارلار ماڭا: -قىزىم رەھمەت سىزگە، ئاللاھ ئۆمىرىڭىزنى بەرسۇن دېسە، شۇ بىمارلار ئالدىدىلا ئاللاھ شۇ ئۆمۈرنى كېسەل كارۋېتىدىكى دادامغا بەرسۇن دەپ ئۈن سېلىپ يىغلاپ كەتكەن ئىدىم، ئاللاھتىن قىلغان ياخشى ئەمەللىرىم بولسا، ساۋاپ ئىشلىرىم بولسا شۇنىڭ ئەجرى ئۈچۈن دادامغا ئۆمۈر تىلىگەن ئىدىم، مانا ئىنسان چىن قەلبىدىن ئىلتىجا قىلسا ئاللاھ تىلىكىنى يەردە قويمايدىكەن، دادام ئىككى پۇتىدىن ئايرىلغان بولسىمۇ،  ئەمما زېھنى ناھايتى ئوچۇق، ناھايىتى روھلۇق. كىرسەك كۈلۈپ قارشى ئېلىپ، ماڭساق كۈلۈپ ئۇزۇتۇپ ياتىدۇ، بۇ كۈنلەرگە مىڭ، مىڭ ، مىڭ قەترە شۈكرى، بارلىق ئاتىلارنى ئامان قىلسۇن، توغراق يېشىدا ياشىسۇن، بارىدا قەدرىگە يېتەيلى دوستلار!!!