ياش شائىرە چىمەنگۈل ئاۋۇت

قەھۋە

	ئىقتىدارلىق شائىرىمىز چىمەنگۈل ئاۋۇتنىڭ قەلىمىگە بەرىكەت تىلەيمىز!    چىمەنقۇشنى سېغىندۇق...

Aychiwer

	چىمەنگۈلنىڭ قەلىمى كۆپ قىسىم ئاياللارنىڭ يۈرىكىدىكىنى يازىدۇ .كەمتەرلىكى ئىقتىدارىنى بېسىپ چۈشكەن . شۇڭا چوڭقۇر ھۆرمىتىم بار بۇ شائىرەگە .

جۇلالىق

	ئايچىۋەر ھەدەم، بەكلا ئورۇنلۇق گەپ قىلىپتۇ. كەمتەرلىك شۇ كىشنى، باشقىلارنىڭ قەلبىدە يۈكسەك ئورۇنغا ئىگە قىلىدۇ. چىمەنگۈل ھەدەم، ئۆزىنىڭ قابىلىيىتىگە ۋە ئىقتىدارىغا تەمەننا قىلمايدىغان كەمتەرلىكى گەپ-سۆزلىرىدىنلا چىقىپ تۇرىدىغان ئايال. بۇ مېنىڭ ئۇنىڭ بىلەن پاراڭلىشىش جەريانىدا ھېس قىلغانلىرىم، چىمەنگۈل ھەدەمنىڭ ئىشلىرى ئۇتۇقلۇق بولسۇن!

زەپەر

	ئايال شائىرەلەر ئىچىدە مەن ئەڭ قول قويىدىغان، مەن ئەڭ ياقتۇردىغان شائىرەلەرنىڭ بىرى دەل چىمەنگۈل ئاۋۇت. مەنمۇ بۇ قەلەم ئىگىسىنىڭ ئىشلىرىغا بەركەت تىلەيمەن! [ زەپەر بۇ يازمىنى  2011-يىلى 1-ئاينىڭ 30-كۈنى 22:25  دە تەھرىرلىگەن. ]

Jilwe

	sansiz0903 بۇ يازمىنى 2011-يىلى 1-ئاينىڭ 29-كۈنى 16:33 دە يوللىغان چىمەنگۅل ئاۋۇ (چىمەنقۇش) ھەدىمىزنىڭ قەلىمىگە زور بەرىكەتلەر تىلەيمەن. حاتالاشمىسام چىمەنگۅل ھەدىمىزمۇ مۇشۇ  ... گۇگۇم پەيتىدە خانەڭدىن قىيا باققىن كۈلۈپ جانىم ، كىيىكتەك چۈشكىنە يۈگرەپ پاياندازدۇر ساڭا ساچىم . ئۈزۈلمەس بىر ئۇلۇغ كۈينىڭ ئىزىلمەس ناتىۋانى بىز ، سېغىنچىڭغا تولۇپ قات-قات چاراسلايدۇ كۆيۈك باغرىم . لېۋىمدە گۈل سۆيۈپ ئۆتسەم سېنى سۆزلەيدۇ دولقۇنلار ، دېڭىزنىڭ دەردىنى يۇتقان ئوماقىمسەن مېنىڭ ئاھىم . سەۋىر سەيناسىدا سەندەك چېچەك ئاچقانلار بار قايدا ؟ ئويۇمدا سەن،دىلىمدا سەن كېچە ئاي ئىزدىگەن چاغىم . ئۈرۈك پىشقاندا قوشماق دەپ مېغىزنى تەڭ بۆلۈپ يەيلى ، ۋاپا-دوستلىققا بوي ئەگكەن ئۇنۇتما بۇ ئۆمۈر تاغىم . سېنىڭ بەختىڭنى پەي قىلسۇن باھار قالغاچلىرى ئەركەم ، ئارامىڭغا ئارام قاتقاي نى سەۋدالىق ئەزىز باشىم .....           _چىمەنقۇش [ ئاھۇ بۇ يازمىنى  2011-يىلى 2-ئاينىڭ 2-كۈنى 14:52  دە تەھرىرلىگەن. ]

Jilwe

	يۇلقۇنۇش چىمەنگۇل ئاۋۇت تۇتام - تۇتام ياۋا چېچەكتەك يېقىپ قويدۇم خانەمگە ئاق شام. شامغا ئوخشاش يىغلىيالمىدىم، قوللىرىمدا تۇتقىنىمچە شام، كۆزلىرىڭدەك سوغۇق دېرىزەم ھەسرىتىنى سىڭدۇرەر تامغا. سۇنۇق - سۇنۇق يۈرىكىم بىلەن بويۇغۇم بار ئالەمنى قانغا. ئۇنتۇپ كەتكۈم كېلەر ھەممىنى، ئۇنتۇشلىرىم بولسىمۇ بەربات. يالغۇزلۇققا كۆنۈك ھېسلىرىم، ئەركىمنى بەر چەكمىگىن پەرياد.

دىلەيسەم

	يائاللاااااا مۇشۇ مۇنبەردە بىر نەچچە دوستلىرىمىز بار، تېمىغا جان كىرگۈزۋېتىدىغان، سەنسىز ئۇكام سوراپ بولغۇچە بۇ شېئىر تەييار بوپتۇ مانا:) ، رەھمەت جىلۋە!!!

Jilwe

	دىلەيسەمگىمۇ ، مەرۋەرىگىمۇ ، چىمەنگۈلگىمۇ رەھمەت !! ئىمىن تۇرسۇن ئاكىنىڭ < شېئىر ۋە شائىر > دىگەن كىتاۋىنىڭ 166 -بېتىدە بىر بوۋاينىڭ چىمەنگۈل ئاۋۇتقا يازغان يۈرەك سۆزى باركەن كۆرۈپ بېقىڭلار : قىزىم چىمەنگۈل ئاۋۇت ، ياخشىمۇ سىز ؟ سالامەت تۇردىڭىزمۇ ؟ خۇدا ئامان قىلسۇن . مېنڭ دېمەكچى بولغىنىم ، سىزنىڭ < تەتۇر چېقىن> دېگەن توپلىمىڭىزنى ئوقۇۋېرىپ- ئوقۇۋېرىپ ، يەنە ئوقۇۋېرىپ ، ئاخىرىدا يىرتىلىپ ئىككى ۋارىقى قالدى . ئۇنى مەن ، < قۇرئان > نىڭ ۋارىقىدەك پاكىز ساقلايمەن . ئەپسۇسكى ، ئىككى -ئۈچ يىل بولدى . < ئىلى دەرياسى > ژورنىلىدا سىز يازغان شېئىرلارنى ئوقۇدۇم ... بۇرۇنقى < كېگىز ياماپ ئولتۇرغان بوۋاي >، < ئۇمىچىكنىڭ تۇزىنى تېتىپ ئولتۇرغان موماي > ،<  سۈيى يوق ئېتىزدا زاغرا چىلاپ ئولتۇرغان ئاتا >، ، بىلەي سىتىۋاتقان بوۋاي > لار نەگە كەتكەندۇ ؟ سىز بەزى بىر توشقان تەپتى قىلىپ شېئىر يازىدىغانلارغا ئوخشاپ قالسىڭىز بولمايتتى . خەير قىزىم، مەن سىزدىن ئايرىلىپ قالماي ! دەپ يازغۇچى 70 ياشلىق بوۋاي ( غۇلجا شەھىرى ئوقۇرمىنى ) 2006 -يىلى 4- ئاي مەن بۇ قىزنىڭ بىزدەك نازۇك مەسۇمەلەرنىڭ دىلىدىن ئالغان ئورنىغا ئەمەس ، پۇتۇن خەلقنىڭ دىلىدىن ئالغان ئورنىغا چوقۇنىمەن . :kiss: :loveliness: [ Jilwe بۇ يازمىنى  2011-يىلى 2-ئاينىڭ 2-كۈنى 15:13  دە تەھرىرلىگەن. ]

ئاھۇ

	رەھمەت ،جىلۋە! ئۇ بوۋاينى مەن بىرنەچچە يىل ئىزدەپ ئاخىرى تاپتىم.ھەمدە 2010-يىلى 6-ئايدا غۇلجىدا تىچ -ئامان يۈز كۆرۈشتۈم.ھاياتتىكى مۇشۇنداق گۈزەللىك،سەمىمىيلىكلەرگە باغلىنىپ ياشاش مېنىڭ تەلىيىم.:loveliness:

گۈلسەنەم

	چىمەنگۈل ئاۋۇتنىڭ بۇنىڭدىن كېيىنكى ئىجادىيەتلىرىگە ۋە شۇ ئىجادىيەتلىرىنىڭ خەلىقىمىزنىڭ قەلبىدىن چوڭقۇر ئورۇن ئېلىشىغا تىلەكداشلىقىمنى بىلدۈرىمەن! يۇقارقى بوۋاينىڭ سۆزى ۋە سىزنىڭ ئۇ بوۋاي بىلەن يۇز- تۇرانە كۆرۈشكلەنلىكىڭىزدەك بۇ تەسىرلىك سۆزلەرنى ئوقۇپ بەك ھاياجانلاندىم، ئىشلىرىڭىز تېخىمۇ روناق تاپقاي خانىم! [ ئاھۇ بۇ يازمىنى  2011-يىلى 2-ئاينىڭ 2-كۈنى 23:15  دە تەھرىرلىگەن. ]