ئويغىنىش
پۇشكىن (普希金)
(مەممەتجان باش كارۋان تەرجىمىسى)

ئەي چۈش، گۈزەل چۈش،
شېرىنلىكىڭ قايەردە سېنىڭ؟
كېچىدىكى خۇشھاللىق،
قايەردە سەن؟ قايەردە؟
گۈزەل چۈشنىڭ يوقالدى ئىزى.
مەن يالغۇز، كېچىدە ئويغانغان.
جىمجىت كېچىگە مەنلا تالىق.
مۇھەببەتلىك خىياللار سوۋۇپلا كەتكەندەك،
تۇيۇقسىزلا ئايرىلىپ، ئۇچۇپلا كەتكەندەك.
ئەمما ئارمان يېلىنجايدۇ ئاۋۋالقىدەكلا،
تۇتۇپ قالغان ئۇ چۈشتىكى ئەسلىمىلەرنى.
ئەي مۇھەببەت، مۇھەببەت!
ساڭا ئىلتىماسىم؛ مېنى قايتا،
قايتا ئېلىپ كىر شۇ چۈشكە،
قىلساڭمۇ قايتا يۈرەكنى سونۇق.
كەلگەندە تاڭ، مەن خالايتتىم ئەمما ئۆلسەممۇ،
ئويغانماسلىقنى پەقەت.