گۇناھكار قەلىب
(پوۋىسىت) 6- قىسىم
پەرھات ئەركىنگە دېدى :«ئەركىن ئاداش بىز تونۇشقىلىمۇ خېلى ئۇزۇن بولدى ، نەچچە كۈندىن بۇيان مېنىڭكىنى يېدىڭ، مېنىڭكىنى چەكتىڭ، مېنىڭكىنى ئىچتىڭ ، مەن ئۇنداق ئىچى تار ئوغۇللاردىن ئەمەس دېگىنە، بىراق سەن ماڭا بىر ياردەم قىلىشىڭ كېرەك، بۇ مېنىڭ سەندىن تۇنجى ئۆتۈنۈشۈم »، ئەركىن نېمىش بولغىننى ئاڭقىرالماي ئۇنىڭغا دېدى :« ئاداش بۇ نېمە دېگىنىڭ؟ گېپىڭنى ئوچۇق دېگىنە؟ ساڭا قانداق ياردەم قىلىمەن ؟» دېدى .پەرھات ئۇنىڭغا تىكىلىپ تۇرۇپ چىڭقىلىپ سۆزلىدى :« ئۆتكەندە تاھىرنىڭ مېنى قانداق ئەيىپلەپ كەتكىنى ئېسىڭدە باردۇ؟ مېنى دادامدەك تەنبىھلەپ كېتىشلىرىنى سەنمۇ ئاڭلىغانغۇ ؟ ئۇنتۇپ قالدىڭما؟ مەن بۇ ئىشنىڭ ھېسابىنى ئالىمەن ، ئۇنىڭ مېنى تەنبىھلىگىننىڭ قىساسىنى ئالىمەن ، ئۇنى پۇشايمان قىلدۇرۋېتىمەن » دېدى . ئەركىن پەرھاتقا :« ئاداش بۇ نىيتىڭدىن يان ، تاھىر ئوبدان بالا ، ئۇمۇ ساڭا ياخشى بولسۇن دەپ بۇ گەپلەرنى دېگەن ئۇنىڭ ئورنىدا مەن ساڭا ناماقۇل بولاي ماقۇلمۇ ؟ بۇ ئىشنى ئۇنتۇپ كەت » دېدى .پەرھات ئەركىننىڭ ياقىسىدىن سىقتى دە قاتتىق ۋارقىردى « مەن بولدى قىلمايمەن ، ماڭا ئۇنى مەكتەپ سىرىتىدىكى ھېلىقى قاۋاققا چاقىرىپ بەر ، بولمىسا سېنى ھەرگىز بوش قويۇۋەتمەيمەن » دېدى ، ئەركىن قورقىقىندىن ئەتە كەچ كەچلىك تەكرارغا كېلىشتىن ئىلگىركى بىر سائەت ۋاقىت ئىچىدە تاھىرنى دەل ۋاقتىدا قاۋاققا چاقىرىپ بېرىدىغان بولدى .
ئاھ تەغدىر ، دوس دېگەن شۇنداق بولامدۇ ؟ ئەركىن يالغۇز مەكتەپ باغچىسىدا تاھىرغا قانداق يالغان سۆزلەش ، تاھىرنى قاۋاققا قانداق ئاپىرىش توغرىسىدا پىلان تۈزمەكتە ئىدى . ئۇبىر تەرەپتىن تاھىرنىڭ بارمايمەن دەپ تۇرۇۋېلىشىدىن ئەنسىرسە ، بىر تەرەپتىن پەرھاتنىڭ ئۆزىنى بوش قويۇۋەتمەسلىكىدىن ئەنسىرمەكتە ئىدى . ئاخىرى بۈگۈنمۇ كەچ بۇلۇپ يەنە تاڭ ئاتتى ، سەھەردە پەرھات ئەركىننىڭ سەمىگە بۇ ئىشنى يەنە تاپلىدى . ئەركىن پەرھاتقا خاتىرجەم بول دېگەن مەنىدە باش لىڭىشتىپ قويدى .
دەرىس باشلاندى ، ئەركىننىڭ كاللىسىغا دەرىس پەقەت كىرمىدى . ئۇنىڭ ئەس يادى بۈگۈن كەچ بولماسلىقىنى تىلەيتى بىراق ئىش ئۇنىڭ كۈتكىنىدەك بولمىدى ، ۋاقىت ئۆتۈۋەردى ، چۈش بولدى ، چۈشلۈك ئارامدا ئەركىن تاھىر بىلەن كۆرۈشۈپ بۇ ئىشنى ئەينەن دېمەكچى بولغان ئىدى بىراق ئۇ دېيەلمىدى . ئاخىرى ئۇ تاھىرغا «ئاداش كەچتە قىز دوستۇمنىڭ تۇغۇلغان كۈنى بولماقچى ئىدى ،كەچلىك مۇزاكىرگە كىرىش ئالدىدا ئۆتكۈزمەكچى ، قاتنىشىپ بەرگەن بولساڭ » دېدى . تاھىر ھەيران قالدى ۋە ئۇنىڭدىن سورىدى :« ئەركىن سەن قىز دوست تۇتتۇڭما ؟ ئۇ كىمۇ ؟ » ئەركىن نېمە دېيىشىنى بىلەلمەي يىراقتىن تاھىر ئىككىيلەنگە قاراۋاتقان خالنۇرنى كۆرسەتتى «ئاداش ئاۋۇ قىزنى كۆردۈڭمۇ ؟ ئۇ مېنىڭ قىز دوستۇم » دېدى كۆرەڭلىك بىلەن . تاھىر ماقۇل بولدى ۋە ئەركىن بىلەن دەرىس ئاياقلىشىشقىلا ئۇنىڭ بىلەن بارماقچى بۇلۇپ كېلىشتى . يېرىم سائەتتىن كېيىن تاھىرغا بىرەيلەن ئىچىملىك سۇندى .«ئۇسساپمۇ قالغانسىز؟» .تاھىر بېشىنى كۆتۈرۈپ قارىغان ئىدى خالنۇرنى كۆردى ۋە خىجىل بولغان ھالدا دېدى :«رەھمەت ، ھەراس تۇغۇلغان كۈنىڭىزگە مۇبارەك بولسۇن !» خالنۇر ھەيران قالدى «نېمە تۇغۇلغان كۈن ؟ مېنىڭ تۇغۇلغان كۈنۈم يانۋاردا بولىدۇ ، ھازىر مېنىڭ تۇغۇلغان كۈنۈم ئەمەس ، سىز خاتالىشىپ قاپسىز ،كىم سىزگە شۇنداق دېدى ؟ » تاھىر :«ھېچكىم ، كەچۈرۈڭ ، » دېدى .خالنۇر كەتتى ، تاھىرنىڭ قەلبىنى بىر خىل چۈشەنگۈسىز سو ئاللار قاپلىدى :« ئەركىن نېمىشقا شۇنداق دەيدۇ ؟ كەچتە مېنى نەگە ئاپىردۇ ؟ خالنۇر راستىنلا ئەركىننىڭ قىز دوستىمۇ ؟» دېگەندەك سوئاللار قاپلىدى .
كۈن كەچ بۇلۇپ دەرىس ئاياقلاشتى ، دەل پەيتىدە ئەركىن تاھىرنى ئېلىپ گەپ سۆز قىلمايلا ئالدىراپ ماڭدى . تاھىر ئۈنسىز ئۇنىڭغا ئەگەشتى . بەلكىم تاھىر دوستىنىڭ ئۆزىنى نەگە ئاپىردىغانلىقىنى بىلىپ باقماقچى بولغاندەك ، خۇددى چىۋىن يەۋالغاندەك كۆڭلى غەش ئىدى ، ئەركىن بولسا تاھىرغا يۈز كېلەلمەيدىغاندەك ھېسىياتتا بولىۋاتاتتى .
سۆيۈملۈك ئوقۇرمەن ، ئەركىن تاھىرنى راستىنلا قاۋاققا ئاپىرامدۇ ؟ پەرھات تاھىرنى نېمە قىلماقچى ؟ بۇ ئىشلار بىلەن خالنۇرنىڭ قانداق مۇناسۋىتى بار ؟ داۋامىغا قىزىقسىڭىز نەزىرڭىز داۋاملىق ئەسىرىمدە بولسۇن !
ئاپتورى ئاقسۇ بايدىن قىزىل تۇمان
ئۈندىدار نومۇرى 15292532364
477 قېتىم كۆرۈلدى | kiziltuman | ئەسەر يوللىغۇچى : | |
2017-1-23 5:42:11 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|