پـــــــەرىشتەم
(پوۋسىت)
ئاپتورى : ئابدۇللا ئابدۇلمەجىد ئۇچقۇن
9. قىسىم
سېستىرا قىز ئېغىر قەدەملەر بىلەن ئىشىكتىن چىقىپ كەتتى . ئۇنىڭ سۆزلىرىمگە ھېچقانداق ئىنكاس بىلدۈرمىگىننى كۆرۈپ يۈرۈگۈم ئەنسز سوقۇپ كېتۋاتاتتى . ئۇ سۆزلىرىمگە نىمە دەپ جاۋاپ قايتۇرار دېگەنلەرنى ئويلايتتىم . ئۆزۈمنىڭ سەل ئاشۇرۋەتكەنلىكىمنى ھېس قىلدىم ، چۈنكى ئۇنىڭ بىلەن تونۇشقىلى ئاران ئىككى كۈن بولدىدە ! تونۇشقىلى ئىككى كۈن بولغان ئادەمگە ، ماڭا كۆڭلىڭىزدىكنى ئېيتىپ بېرىڭ دېگنىم ھەقىقەتەن سەل ئېشىپ كەتكەن ئىدى . دېمسەم بوپتىكەن دېگەنلەرنى ئويلىدىم . بىراق نىمە ئامال ، يا دىن چىققان ئوق قايتىپ كەلمىگەندەك ، ئېغىزدىن چىقىپ بولغان سۆزنىمۇ قايتۇرۋالغىلى بولمايدۇدە ! بوپتۇلا ، نىمە بولسا مەيلى ، ئىشقىلىپ سۆزۈمنى ئۇ ئاڭلىدى ، ئەمدى ئۇنىڭ قانداق ئىنكاس قايتۇرشىغا قاراپ بىر ئىش قىلاي . دېگەنلەرنى ئويلدىم . ئۇزۇن ئۆتمەي سېستىرا قىز قولىدا ئوكۇل بوتۇلكىسىنى كۆتۈرگىنچە كىرىپ كەلدى ، كۆزلىردىن قايغۇ - ھەسرىتنىڭ ، ئازابىنىڭ قانچىلىك چوڭقۇلىقىنى كۆرۋالغىلى بولاتتى . ئۇ ئوكۇل بوتۇلكىسىنى ئالماشتۇرۇپ بولغاندىن كېيىن قارىشى تەرەپتىكى بىمارلار كارىۋىتدا ئولتۇردى ۋە ماڭا قاراپ مۇلايىملىق بىلەن :
- سىزنىڭ راسلا مەن بىلەن تونۇشقىڭىز بارمۇ ؟ مېنىڭ ئازابىمنى بىلمەكچىمۇسز ؟ ماقۇل سىزگە دەپ بېرەي بەلكىم ئازابىم يېنىكلەپ قالار ، بەلكىم سىز ماڭا تەسەللىي بېرەسز !
- ئەلۋەتتە تونۇشقۇم بار ! مەن مۇشۇ كەمگىچە بىرەر قىزغا تونۇشۇپ قالايلى دەپ باقمىغان ، سىزگە ناھايتى تەسلىكتە دېدىم . شۇڭا تەلىپىمنى رەت قىلمىغان بولسىڭىز . دېدىم مەن ئۇنىڭغا ئۆتۈنۈش نەزىردە قاراپ تۇرۇپ .
- ماقۇل مەن سىزگە قىسقىچە قىلىپ ئۆزۈمنىڭ ۋە ئاشۇ ياشلىق باھارى ۋاقىتسز توزۇغان دوسلىرىمنىڭ ھېكايىسنى ئېيتىپ بىرەي . دېدى ئۇ ماڭا قاراپ تۇرۇپ .
زېھنىمنى مەركەزلەشتۈرۈپ ئۇنىڭ ھېكايىسنى ئاڭلاشقا تەق بولۇپ تۇردۇم .
سېستىرا قىزنىڭ ھېكايىسى
مېنىڭ ئىسىم شەھىدە ، ئۆزۈم يىراق بىر سەھرادا چوڭ بولغان ، دادام مەن 12 ياشقا كىرگەن يىلى قاتناش ۋەقەسىگە ئۇچراپ قازا قىلغان ئىدى . دادام تۈگەپ كېتىشتىن ئىلگىرى ھال كۈنىمىز خېلى ياخشى ئىدى ، بىراق دادام بىزنى تاشلاپ كەتكەندىن كېيىن ئائىلىمىز ۋەيران بولدى . چۈنكى بىر ئۆينىڭ تۈۋرۈكى بولغان ئەر يىقىلسا ئەلۋەتتە ئۇ ئۆي ئۆرۈلۈپ چۈشىدۇ ئەلۋەتتە . بىز ئۈچ بالا ئىدۇق ، مەن بالىنىڭ ئەڭ چوڭى ئىدىم . دادام تۈگەپ كەتكەندە بولسا مەن 12 ياشتا ، مېنىڭ چوڭ سىڭلىم بولسا 6 ياشتا كىچىك سىڭلىم ئاران 3 ياشتا ئىدى . مەن بۇ چاغدا باشلانغۇچ مەكتەپنىڭ ئالتىنچى يىللىقدا ئوقۇيتۇم . ئائىلىمىزگە كەلگەن بۇ بەخىتسزلىكلەردىن ھەممىدىن بىچارە ئانامنىڭ ئازابى ئەڭ چوڭ بولدى . ئانام دائىم بېشمىزنى سىلاپ يىغلاپ تۇرۇپ ، بىزگە ھەم دادا ھەم ئانا بولدى . ھەم نۇرغۇن جاپالارنى تارتىپ بىزنى مەكتەپتە ئوقۇتتى . مەن كۈچۈمنىڭ يېتىشچە تىرشتىم ، ئانامنىڭ كۆزدىن ياش ئاققۇزماسلىقنى ئويلايتتىم . ئۇنىڭ ئازابىنى بىرئاز بولسىمۇ يېنىكلىتىشنى ئويلايتتىم . ھەش پەش دېگۈچە تۆت يىل ئۆتۈپ تولۇقسز ئوتتۇرا مەكتەپنى پۈتتۈردۈم . تولۇق ئوتتۇر مەكتەپكىمۇ ئۆتتۈم ، بىچارە ئاپام بىزنى ئوقۇتۇش ئۈچۈن ، كېچە كۈندۈز تىنماي ئىشلەيتتى . چارچىدىم ، ھاردىم دېمەي ئۆيىمىزنىڭ بەختى ، بىزنىڭ كەلگۈسىمىز ، خوشاللىقمىز ئۈچۈن بارلىقنى ئاتايتتى . مەن تىرىشىپ تولۇق ئوتتۇرا مەكتەپنى پۈتتۈردۈم . ئىمتاھان بېرىپ شىنجاڭ تېببىي ئۇنىۋېرسىتېتىنىڭ چاقىرىق قەغىزنى كۆتۈرۈپ ئۆيگە كەلگىنىمدە ئۆيىمىز شۇنچىلىك خۇشالىققا تولدى . ئانام يىغلاپ تۇرۇپ پېشانەمگە سۆيدى ، سىڭىللىرىم مېنى ماختاپ ، ماڭا مەدەت بەردى . بىراق بىر خوشاللىقنىڭ ئارقىسدىن بىر قايغۇ ئەلەم بار دېگەندەك ئارىدىن ئىككى كۈن ئۆتكەندىن كېيىن ئانامنىڭ سالامەتلىكى ياخشى بولماي قالدى . ئانام يېقىننىڭ ياقى قورسىقنى تۇتۇپ ۋايجانلاپ قوياتتى . بىراق بۇ نەچچە كۈندىن بېرى ئانامنىڭ ئەھۋالى پەقەت ياخشى ئەمەس بولۇپ بەزىدە ئاشقازىننىڭ پىچاق سانچىغاندەك ئاغرىيدىغانلىقنى دەيىتتى . يەنە ئانامنىڭ تامىقىمۇ شۇنداق ئازلاپ كەتكەن ئىدى . ئانامنىڭ ئەھۋالىدىن بەكلا ئەنسىرەپ قېلۋاتاتتىم . دېگەندەك بىر بازار كۈنى چوڭ سىڭلىم بىلەن بازاردىن لازىمەتلىكلەرنى سېتىۋېلىپ ئۆيگە قايتىپ كەلسەك ، ئانام ياتاق ئۆيدە يىغىلىغان پېتى قورسىقنى قاماللاپ ۋايجانلاپ ياتاتتى . كىچىك سىڭلىم ئانامنىڭ يېندا توختىماي يىغلايتتى . سىڭلىم بىلەن ئىككىمىز قولىمىزدىكى نەرسىلەرنى تاشلاپ تېزلىك بىلەن ئانامنىڭ يېنىغا كىردۇق .
توققۇزىنچى قىسمى تۈگدى .
سېستىرا قىزنىڭ ئانىسغا زادى نىمە بولغاندۇ ؟ ئۇ بىچارە قىزنىڭ ئائىلىسنى يەنە قانداق بەخىتسىزلىكلەر كۈتۋاتقاندۇ ؟ بۇنىڭغا قىزىقسىڭىز دېققىتڭىز ئەسەرنىڭ داۋامىدا بولسۇن ...
داۋامى بار ......
260 قېتىم كۆرۈلدى | uqkuni | ئەسەر يوللىغۇچى : | |
2017-3-20 4:43:10 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|