پۇرىغان جەسەت
ئابدۇقەييۇمجان ئابدۇسادىرى
( پوۋسىت )5 - قىسىم
سەن ئۇ سۈرەتكە قاراپ ئويلاپ ، خىيال سۈرۈپ شۇ يەرگە كەلگىنىڭدە پاكار ئىشىك غىرىچلاپ ئىچىلدى دە ياشانغان بىر موماي كىرىپ :
ـ بالام ، ئۆيدە بار قوناق ئۇنىدا ئازراق سىقماق ئەتكەن ، ئاز بولسىمۇ...
مۇشۇ كۈنلەردە ساڭا مۇشۇ مومايدىن باشقا ھىچ كىشى قارىمايۋاتاتتى . سەن كۆڭلقڭدە « ھىلىقى دوختۇر ھەممە ئىشىمنى دىگەن ئوخشايدۇ » دەپ ئويلىدىڭ ۋە ھەمىنى ئۆزىڭدىن كۆرۈپ ئۆتكۈزۋەتتىڭ .
ئۇ موماي چىقىپ كەتتى ، سەن ئۇ ئەكىرگەن سىقماقنى شۇنچىلىك ھۇزۇر ئىچىدە ئىچتىڭكى ، رەھمەتلىك ئاناڭ ۋاپات بولغاندىن كىيىن بۇنداق ئۆخشىغان تاماق ئىغىزىڭغا چىقىپ باقمىغاندەك ئىدى . سەن ئاشنى ئىچتىڭ دە ، يەنە خىيالغا كەتتىڭ ...
2
شۇنداق قىلىپ ئاسىخان ھەدە بۇ دۇنيا بىلەن ۋاقىتسىز خوشلاشتى . بۇ ئىشچان ، ئاقكۆڭۈل ، مىھنەتكەش قوشنىسىنىڭ مۇسىبەت ئىشلىرىغا مەھەللە ئىچىدىكى قىرى ـ ياش ، ئەر ـ ئايال بولۇپ ھەممە ئادەم ھاشىم ئاكىنىڭ ئۇنىمىغىنىغا قارىماي ، پۇلى بارلىرى پۇل ، كۈچى بارلىرى كۈچ چىقىرىپ بۇ رەھمەتلىكنىڭ قىرىقنىمۇ ئۆتكۈزۈپ بولۇشتى . لېكىن ، شۇنىڭدىن كىيىن ھاشىم تاغىمۇ خوش، ئەركە ،ئوماق رەھىمجان، ئۆمۇرلۇك ھەمراھى ئاسىخان ھەدىنىڭ ۋاپاتىدىن كىيىن ئورۇن تۇتۇپ يىتىپ قالدى . ئۆينىك بارلىق ئىشلىرى شۇ ئوماق قىز رازىيەنىڭ بىشىدا ، رازىيە تەڭتۇشلىرى مەكتەپكە چىرايلىق بوغچىلىرىنى ئىسىپ ماڭغىنىدا خالتا ، كەتمەنلەرنى كۆتۈرۈپ ئىتىز ـ ئىرىق بويىلىرىغا باراتتى . كەچتە بولسا بالىلار تاقلىشىپ ، بىر ـ بىرىنى قوغلىشىپ ئۆيلىرىگە قايتقاندا بولسا ئۇ بىر خالتا ئوتنى كۆتۈرۈپ ئۇلارغا ئۇچراتتى .
مەرەمنىسا خىنىممۇ ئاچىسىنىڭ ۋاپاتىدىن كىيىن بۇ ئۆيدىكىلەرنى ھەر ئۈچ ـ تۆت كۈندە بىر دىگىدەك يوقلاپ چىقاتتى ، ھەر قىتىم بىرمۇنچە نەرسىلەرنى كۆتۈرۈپ چىقاتتى دە ، ھاشىم ئاكا بىلەن رازىيەنى يوقلاپ، رەھمەتلىك ئاسىخان ھەدىنىڭ تۇپراق بىشىنى يوقلاپ ، قۇران تالاۋەت قىلىپ قايتاتتى . كۈنلەر شۇنداق ئۆتتى ، كىيىنكى كۈنلەردە ھاشىم ئاكىنىڭ كىسىلى ئىغىرلاپ بۇ ئائىلىگە تەۋە بولغان بارلىق يەرلەرنى بۇ مەھەللىگە يېىدىن كۆچۈپ كەلگەن بىر ئەر ـ خوتۇنغا ئىجارىگە بەردى .
شۇنىڭ بىلەن بۇ ئاتا ـ بالىنىڭ تامىقىنى مەھەلىدىكىلەر ئۆز ئىختىيارلىقى بىلەن ئۈستىگە ئىلىشتى .
.... داۋامى بار
889 قېتىم كۆرۈلدى | AHTAR | ئەسەر يوللىغۇچى : | |
2017-1-3 19:43:24 | :يوللانغان ۋاقتى |
2017-2-16 22:57:57 | گۈلنەزەر |
بۇ ئەسەر بەك ياخشى يىزىلىپتكەن....نىمىشقا داۋامىنى يوللىمايسىلەر...؟؟؟؟؟كۈندە مۇشۇ سالونغا بەكلا قاراپ كىتىۋاتىمەن |
2017-1-16 7:12:32 | ياقۇپجان |
بۇ ئەسەر بەك ياخشى يېزىلىپتىكەن قىزىقىپ ئوقۇۋاتقانتىم نىمىشقا داۋامىنى يوللىمايسىلەر |
2017-1-14 3:09:13 | لالە |
ياخشى يېزىلىپتۇ،داۋامى نىمىشقا چىقمايدۇ، ئاپتۇرنىڭ قولىغا دەت كەلمسۇن |
2017-1-7 2:50:55 | رەيھانگۈل |
مەن ھېكايىنىڭ ئاخىرىغا بەكلا قىزىقىۋاتىمەن …داۋامىنى تېزراق كۆرسەم دەيمەن |
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|