مىكرو ھىكايە
                 « پۇلنىڭ سۆھبىتى  »

ئاپتۇرى :سىراجىدىن جەۋلانى

ھارام دۇنيا كۆزلەپ بەزىلەر ،
ئاقنى ساتار پۇلنى دەپ .
ھالال ئ‍شلەپ دىھقانمۇ ،
كەتمەن چاپار پۇلنى دەپ .

مىنىڭ ئىتىم پۇل ، مىنى ھەممە ئادەم تونۇيدۇ ، زامان تەرەققىي قىلىپ مىنى ھەتتا بۆشۈكتىكى بوۋاقلارمۇ تونۇيدىغان بولۇپ كىتىپتۇ .
ۋاھ ……
دەپ خىيال سۈرۈپ كەتتى پۇل ، شۆھرىتىم ھەممىگە تارالغان ، قولدىن قوللارغا ئۆتۈپ بايلارنىڭ يانچۇقىدا ئويناپ يۈرۈيمەن ، ئ‍وينۇشۇم چوڭ - چوڭ  رىستۇران  قاۋاقخانىلاردا ،دەپ مەيدىسىنى كىرىپ ئاچچىق كۈلۈپ قويدى پۇل .
ئۇنۇڭغا يەنە بىر پۇلمۇ قىتىلىپ سۆزلەشكە باشلىدى .
بۇرادەر ئادەملەر تولىمۇ رەھىمسىز  بولۇپ كىتىپتۇ دىدى ئۇ ، يەنە بىر پۇلغا قاراپ .
تۈنۈگۈن بىر باينىڭ يانچۇقىدا رىستۇرانغا بىللە بارغان ئىدىم ، دىدى ئۇ  سۆز باشلاپ .
رىستۇراندا ئولتۇرۇپ «رستۇرانمۇ- رستۇران چاپتۇرغانمۇ پۇل» دەپ ناخشا توۋلاپ يۈرۈيدۇ ، بەك ئاچچىقىم كەلدى . توغرا دەپ ئۇنىڭ سۆزىنى قۇۋۋەتلىدى يەنە بىر پۇل ، ئادەملەر بىزنى يامان دەپ ناخشا توۋلاپ قويۇپ ،ئۆزىنى ياخشىچاق كۆرسىتىپ ، بىزنى توختىماي يامان يوللارغا سەرپ قىلىۋاتىدۇ ، دىدى ئاچچىقلانغان ھالدا .ئادەملەر ئەقىللىق ئىنسان ، تەپەككۇر قىلالايدۇ ، لىكىن بىزچۇ ؟ دىدى ئۇ ، ئادەملەرنىڭ يانچۇقىدىكى بىر قەغەزدىنلا ئىبارەت خالاس ، پەقەت بىزنىڭ پۇل دەپ ئاتىلىدىغان ئۇلۇغ ئ‍ىتىمىز بولغاچقىلا ئەتىۋارلىق ، ئادەملەر ئەقىللىق ئىنسان تۇرۇپ ، نىمە ئۈچۈن بىزنى ياخشىلىققا ئ‍ەمەس يامانلىققا سەرپ قىلىدۇ ، يەنە تىخى بۇ يامانلىقلارنى بىزگە ئارتىپ قويۇپ ، ئۆزلىرى ياخشىچاق بولۇۋالغىنى نىمىسى؟  دىدى ئۇ ئاچچىقلانغان ھالدا . توغرا دىدى يەنە بىر پۇلمۇ  ،  بىزنى ياخشىلىققا ئ‍شلەتمەي يامانلىققا ئ‍شلىتىدىغانلار  كۆپىيىۋاتامدىكىن دەپ ئويلاپ قالىمەن بەزىدە ، لىكىن بىز پۇللارنىڭ ئىجتىمائىي تۇرمۇشتىكى مۇھىم رولىمىزنى ئىنكار قىلىشقا ئەسلا بولمايدۇ . مېنىڭچە ، كۆپىنچە خۇشاللىقنىڭ بىز پۇللار بىلەن مۇناسىۋىتى ئانچە چوڭ ئەمەس دەپ ئويلايمەن ، ئەمما كۆپىنچە خاپىلىق بىز پۇللار بىلەن مۇناسىۋەتلىك .
ئ‍ۇلار شۇنداق پاراڭلار بىلەن چوڭ كوچىغا چىقىشتى ، شۇئان بىر قىزچاقنىڭ پارىڭى ئۇلارنىڭ دىققىتىنى تارتتى ، ئاداش دىدى ئۇ قىز يىنىدىكى دوستىغا قاراپ ، ئالدىنقى ئايدا يىگىرمە يۈەنلىك تور ئالسام بىر ئ‍اي يەتمىدى ، بۇ ئ‍ايدا ئەللىك يۈەنلىك تور سىتىۋالاي ئادەم ئۆيدە يالغۇز ۋاقىتلىرىدا زىرىكىپ ئۈندىدار ئ‍وينىمىسا نىمىش قىلىدۇ، بۇ ئ‍ايدا جىقراق تور ئ‍ىلىۋالاي دەيمەن  . بۇ پاراڭنى ئ‍اڭلىغان پۇللارنىڭ غەزەپتىن چىشلىرى غۇچۇرلاپ كەتتى ، ھەي ئىسىت…!  دىدى بىر پۇل سۆز ئىلىپ ، ئۆيدە بىكار زىرىكىپ ئۈندىدار ئ‍وينىغىچە ئەللىك يۈەنگە ياخشى كىتاپتىن بىر پارچە سىتىۋالغان بولسا ھە …
كاشكى كىتاپتىن بىرەر بىلىمگە ئىگە بولغان بولاتتى ، ۋاقىتمۇ ئۈندىدار ئويناپ بىكار ئ‍سراپ بولمايتتى . توغرا دەپ سۆز قوشتى يەنە بىر پۇلمۇ ، بىز پۇللار ئۈچۈن جىنىدىن كىچىدىغان ئ‍ىنسانلارمۇ ئ‍از ئەمەس، لىكىن ياخشىلىبققا ئ‍شلىتىدىغانلار ئ‍از ، مەلۇم مەنىدىن ئىيتقاندا بىز پۇللار بىر يالغان نەرسە ، بۈگۈن بىرىنىڭ قولىدا بولساق ، ئ‍ەتە يەنە بىرىنىڭ قولىغا ئۆتۈپ كىتىۋىرىمىز ، گەپ بىزنى قانداق خەجلەشكە باغلىق ، بىزنى ياخشىلىققا ئشلىتىدىغانلارمۇ ئ‍از ئەمەس، دىدى يەنە بىر پۇل ، ئ‍ىنسانلار بىزنى گۆرگە ئىلىپ كەتكىلى بولمايدىغانلىقىنى بىلىدۇ، پەقەت ئسسىق جانلا ھەقىقىي نەرسە ، « جان بولسا جاھان ، ئ‍اش بولسا قازان » ئىنسانلار بۇنى بىزدىن ياخشى بىلىدۇ، شۇڭا ئىنسانلار بىز پۇللارنىمۇ تىپىش كىرەك تاپقاندىمۇ ھالال يول بىلەن تىپىش لازىم .لىكىن ، پۇلنى يولىدا خەجلەش ، خەيىر  - ساخاۋەت ئىشلىرىدا قولى ئوچۇق بولۇش ، بىز پۇللارنى دەپ جىنىدىن كىچىدىغان ئشلارنى قىلماسلىق ، توغرا  دىدى بارچە پۇللار ئ‍ۇ پۇلنىڭ سۆزىنى قۇۋەتلەپ ، ياخشى گەپ بولدى ، يەنە پۇلنى دەپ  ھالال -ھارامنى ئ‍ايرىمايدىغان ، قانۇنسىزلىق قىلىدىغان ، باشقىلارنى قاقتى -سوقتى قىلىدىغان ئشلارنى قىلماسلىق كېرەك ،
توغرا ……توغرا !!!
پۇللارنىڭ ئ‍القىش سادالىرى ياڭرىدى ، مانا بۇ پۇللارنىڭ ئارزۇسى ئېدى …

2017 -يىل 5 -ئاينىڭ  16-كۈنى  گۇما 

مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589