گۇناھكار قەلىب
(پوۋىسىت) 9- قىسىم
ئەركىننىڭ تۈزگەن پىلانى بولسا تاھىرنى خالنۇردىن يىراق قىلىش ، ئەگەر يىراقلاشمىسا ئوقۇشتىن چېكىنىپ يۇرىتقا ھەيدىۋېتىش ،ئاندىن خالنۇرغا تەلەپ قويۇش بولدى .
تاڭ سەھەر ئەركىن تاھىرنى ئىزدەپ تېپىپ ، ئۇنىڭغا :«چۈشتە ساڭا دەيدىغان گېپىم بار » دېدى .تاھىر ئۈندىمىدى ، دەرسنى تۈگىتىپ چۈشلۈك ئارامدا ئەركىن تاھىرنى ھېلىقى ئۇرۇندۇقتىن تاپتى .ۋە ئۇنىڭغا :
- سەن مېنى ئالداپسەن .خالنۇر بىلەن مۇناسۋىتىم يوق دەپ يەنە ئۇنىڭ بىلەن ئاپپاق چاپپاق بۇلۇپ يۈرۈپسەن ، سېنىمۇ دوس دېگىلى بولامدۇ ؟ ئاتا ئانامنىڭ ساڭا قانچىلىك ياخشىلىق قىلغانلىرىنى ئۇنتۇپ قالدىڭما ؟
-ئەركىن ئۇنداق دېمە ، مەن ئۇنتۇپ قالمىدىم .
-ئۇنداقتا سېنى ئاگاھلاندۇرۇپ قوياي ، خالنۇر مېنىڭ ، مەن خالنۇرنى چىن دىلىمدىن سۆيىمەن ، بۇنىڭدىن كېيىن سېنى خالنۇر بىلەن بىللە كۆرۈپ قالماي ، ئەگەر كۆرۈپ قالسام ئاتا ئانامنىڭ يۈزى ئۈچۈن بولسىمۇ سەندىن ئۆتۈنەي بۇ مەكتەپتىن كەت !
ئەركىن بۇ گەپلەرنى تەھدىت تەلەپپۇزدا دېدىمۇ ياكى يېلىنىش تەلەپپۇزىدا دېدىمۇ بىلگىلى بولمايتى ، ئەركىن ئارقىسىغىمۇ قارىماي گەپنى دەپ بۇلۇپلا كەتتى .تاھىر كۆڭلىدە ئويلىدى ، ئۇمۇ خالنۇرنى ياخشى كۆرۈپ قالغان ،بىراق ئەركىنمۇ ئۇنى ياخشى كۆرىدىكەن ، ئۇنىڭ ئۈستىگە ئۇ ئەركىننىڭ ئائىلىسىگە قەرىز ،چۈنكى ئۇ شۇ ئۆيدە چوڭ بولغان ، شۇنىڭ ئۈچۈن بولسىمۇ ئۇ خالنۇردىن ۋاز كېچىشى كېرەك . ئۇمۇشۇلارنى ئويلاۋاتقاندا خالنۇر كەلدى .ۋە ئۇنىڭغا :
-بۇيەردە نېمىش قىلىۋاتىسىز ؟ چۈشلۈك تاماق يېدىڭىزمۇ ؟ -دەپ سورىدى .تاھىر ئۇنىڭغا مۇنداق دېدى .
-مېنى ئۇنتۇپ كېتىڭ ، ئەركىن ياخشى بالا ،مەن بەرىبىر سىزنى ياخشى كۆرمەيمەن .ئەركىن چوقۇم سىزنى بەخىتلىك قىلالايدۇ .
-نېمە دەۋاتىسىز؟ مەن ئويۇنچۇق ئەمەس ، مەندىكى يۈرەك تاش ئەمەس ، يۈرۈكۈم پەقەت سىزنىلا ياخشى كۆرىدۇ .
-بولدى قىلىڭ !-تاھىر قاتتىق ۋارقىردى .
-مەندىمۇ يۈرەك بار ، مەن مەڭگۈ سىزنى ياخشى كۆرەلمەيمەن ، مېنىڭ يۇرۇتتا قىز دوستۇم بار .
تاھىر شۇنداق دەپلا كېتىپ قالدى . خالنۇر ئاۋاز چىقىرىپ يىغلاپ كەتتى . ئۇنىڭ يىغىسنى تاھىر ئاڭلىدى .تاھىر ئارقىغا بۇرۇلۇپ قارىغۇسى بولسىمۇ قارىيالماي ئىچ ئىچىدىن ئۆكسۈپ كەلگەن بىر ئازاپ بىلەن تەڭ كۆزلىرىدىن توختىماي ياش قۇيۇلاتتى ئۇ ئىچىدە مۇنداق تەكرارلايتى .«نېمىشقا بۇنداق بولىدۇ ؟ زادى نېمىشقا ؟».
بۈگۈن كەچ ئۈچەيلەن ئۇيقۇدىن بىدار ، ئەركىن پەرھات بىلەن ھاراق ئىچىپ ئۆزىگە سۆزلەپ ، ئۆزىگە كۈلۈپ ، ئۆزىگە يىغلاپ قاچانلاردا ئۇخلاپ قالغىنىنى سەزمەيلا قالدى.
تاھىر بولسا ئىچ ئىچىدىن ئازاپلىنىپ ، ىالنۇرغا دېگەن گەپلىرىگە پۇشايمان قىلدى ، ۋە ئۈن تىنسىز يوقاپ كەتمىگىنىگە پۇشايمان قىلدى.
خالنۇر بولسا تاھىرنىڭ «يۇرۇتتا قىز دوستۇم بار » دېگەن گېپى قۇلاق تۈۋىدىن كەتمىدى . ئۇ تاڭ ئاتقۇچە يىغلاپ چىقتى ، ياتاقداشلىرى ئۇنىڭدىن نېمىش بولغانلىقىنى سورىسىمۇ دەپ بەرمىدى . بۇ كېچە ئۈچەيلەنگە نىسبەتەن ئەڭ ئازاپلىق كېچە بولدى .
ئەتىسى سىنىپقا كىرگەن تاھىر ئىختىيارسىز ھالدا خالنۇرنىڭ پارتىسىغا قارىدى ، خالنۇر پارتىدا بىھوش ئادەمدەك ئولتۇراتتى ، ئۇنىڭ چاچلىرى ئازراق چۇۋۇلغان ، كۆزلىرى قىزىرىپ ئىششىپ كەتكەن بۇلۇپ تاھىرنىڭ يۈرىكى ئېچىشىپ كەتتى . دەرىس باشلاندى چۈشلۈك ئارامدا تاھىر ئىختىيارسىز ھېلىقى ئۇرۇندۇق قېشىغا كەلدى ، ئۇرۇنداقتا خالنۇر يىغلاپ ئولتۇراتتى . خالنۇر تاھىرنى كۆرۈپلا تاھىرغا ئۆزىنى ئاتتى .دەل شۇ پەيىتتە ئەركىن پەيدا بولدى دە ئاچچىقىدا تاھىرنى بىر مۇشت سالدى .ۋە ئۇنىڭغا :
-ھۇ تۇزىكور ، مەن سېنى ئاگاھلاندۇرغان ئىدىم ، سەن يەنە قىلدىغىنىڭنى قىپسەن ، ئۇ دېگەن ماڭا تەۋە قىز ، سەن نېمىشقا ئۇنىڭغا چاپلىشۋالسەن ؟
ئۇنىڭ ئاۋازى بارغانسىرى يۇقىرلاپ كېتىۋاتاتتى ، ئۇ تاھىرغا يەنە مۇشت ئاتقىلى تەييار بولىۋاتقاندا خالنۇر تاھىرنىڭ ئالدىغا ئۆتىۋالدى ۋە غەزەپ بىلەن ئەركىنگە قارىدى . ئەركىن ئۇنىڭ قاراشلىرىغا بەرداشلىق بېرەلمەي بىردىنلا بوشاپ كەتتى .
خالنۇر ئەركىنگە مۇنداق دېدى .
-سەنمۇ ئوغۇلبالىما ؟ مەن تاھىرنىلا ياخشى كۆرىمەن ، سېنى ياخشى كۆرۈشۈم مۇمكىن ئەمەس . تاھىر يوق بولغان تەغدىردىمۇ مەن سېنى مەڭگۈ ياخشى كۆرمەيمەن .مەن ساڭا ئۆچ ، سەندىن نەپرەتلىنمەن .
ئەركىن خالنۇرنىڭ يىغا ئارلاش ئېيتقان سۆزلىرىنى ئاڭلاپ كېتىپ قالدى. شۇ كۈندىن باشلاپ ئەركىن مەكتەپ قوينىغا قەدەم باسمىدى. ئۇ نەگە كەتكەندۇ ؟
ئەركىن نەگە كەتتى ، تاھىر بىلەن خالنۇر مۇھەببەتلەشتىمۇ ؟ پەرھات ئەركىننى قانداق قايمۇقتۇردى ؟ داۋامىغا قىزىقسىڭىز نەزىرڭىز ئەسىرىمدە بولسۇن
ئاپتور قىزىل تۇمان
ئۈندىدار نومۇرى 15292532364
467 قېتىم كۆرۈلدى | kiziltuman | ئەسەر يوللىغۇچى : | |
2017-2-24 2:29:57 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|