بىز
ئالمىرە ئەخمەت
"مال ئىگىسىنى دورىمىسا ھارام " دەپتىكەن كونىلىرىمىز . ھايات ئەگەر راستىنلا شۇ پەلسەپىگە چۈشسە مەن ئۆزۈمنىڭ ھالال ئىنسانلىقىمدىن گۇمانلىنىمەن . ئۆزۈملا ئەمەس ئەتراپىمدىكى دوست-بۇرادەرلىرىمدىنمۇ ھەم شۇنداق . چۈنكى بىز ھازىرقى زاماندىكى بەزى بىر ياشلار ئەينى ۋاقىتتىكى ئەجدادلىرىمىزنى ئاددىيسى بىزگە زور ئۈمۈدلەر بىلەن قاراپ تۇرغان ئاتا-ئانىلىرىمىزنىمۇ دورىيالمىدۇق .
دائىم ئۆيدە تاماق ۋاقتىدا دادامدىن ئاڭلايدىغان :"بالام بىز كىچىكىمىزدە بىر پارچە نانغا بىر كۈن ئىشلەيتۇق ، يەيلى دىسەك تاماق يوق ، ئوقۇيلى دىسەك يا شارائىتىمىز يوق ، سىلە ھازىر جەننەتتە ياشاۋاتىسىلە بالام ، شۇڭا مۇشۇ تاماقنىڭ ئۇۋالىغا قالمىساڭلار بولاتتىغۇ "دىگەنگە ئوخشاش بىر قاتار گەپلەر دائىم تەكرارلانغاچقا ماڭا يادا بولۇپ كەتكەن ئىدى . ئەمما مەن شۇ دادامنى دورىيالمىدىم ، تاماقنى قەدىرلەش ئەمەس تاللاشنى ، تاللىغىنىمنى يەنە ئاشۇرۇشنى ئۆگەندىم .
تاكى بۈگۈنگىچە ئاپامنىڭ كۈندە ئەتىگەن خۇددى كىچىك بالىغا جىكىلىگەندەك :" بالام دەرسنى ياخشى ئاڭلا ، قالايمىقان يەرلەرگە بارماي ئۆيگە ئۇدۇل يېنىپ كەل " دىيىشلىرىدىن شۇ قەدەر بىزار بولۇپ كەتتىمكى بەزىدە ئاپامنىڭ گىپىنىڭ ئايىغى چىقماي تۇرۇپلا ماقۇل ماقۇل دەپ غىپلا تىكىۋىتەتتىم . لىكىن ھېلىھەم شۇ ئاپامنىڭ ياخشى ئوقۇ دىگەنلىرىنى دوراپ بولالماي ، كىچىسى تېلىفون ياكى كومپيۇتېر ئوينىغاندا كەلمەيدىغان ئۇيقۇلىرىمنى دەرسكە ئەكىرىپ ئۇخلاشنى ئۆگەندىم .
ئەمىليەتتە بىز ھەممىمىزنىڭ پىسخىكىسى ئوخشاش ، دەل شۇلارنى دورىيالمىغىنىمىزنى ، ياخشى بالا بولالمىغىنىمىزنى بىلىمىزيۇ يەنە ھەر سەۋەپ باھانە بىلەن ئۆزىمىزنى ئاقلاپ تەسەللىي تاپىمىز . ئەمىليەتتە بىز بىلمەيمىز ئەمەس بىلىمىز ، بىلىپ تۇرۇپ قىلىمىز .
بۈگۈن ئەڭ يېقىن دوستۇم ئەكرەمنىڭ تۇغۇلغان كۈنى ، سىنىپتىكى بىر نەچچەيلەن كەچتە بىللە تەبرىكلىمەكچى بولدۇق ، ئاپامدىن تىل ئاھانەت ئاڭلىساممۇ چىداپ 130يۈەن پۇلنى ئېلىپ ،يېڭى ئالغان ھېلىقى ماركىلىق چاپىنىمغا ماسلاشتۇرۇپ ئاپام يۇيۇپ دەزماللاپ قويغان ئىشتىنىمنى كىيىپ ئاپام- دادام بىلمەستىلا ئاستا ئۆيدىن چىقتىم . كەچتىكى ئولتۇرۇش خېلى قىززىدى . يېشىمىز كىچىك بولسىمۇ ئۆز كۆڭلىمىزدە خېلى خېلى چوڭلاردىن پەرقلەنمەيتۇق ، شۇنداق كۆڭۈللۈك ئولتۇردۇق تېلفۇنۇمنىڭ ئىكرانىدا ئاپامدىن كەلگەن 7 قېتىم ئېلىنمىغان تېلىفون ئۇچۇر ئەسكەرتىلمىسى كۆرىنىپ تۇراتتى ، مەن بۇ ئىشلارغا كۆنۈك ئىدىم ،ئادەتتە جىددىي ئىشىم بولمىسىلا ئۆيدىن كەلگەن تېلفۇننى ئالدىراپ ئالمايتىم . بۇنىڭ ئاقىۋىتى شۇ پەقەت ئۆيگە بارسام ئاپام-دادامدىن ھارغىچە تىل ئاڭلاش بىلەن ۋە ياكى تېلفۇنۇمنى مۇسادىر قىلىۋىلىش بىلەن تۈگەيتى ، بۇ چاغلاردا ھېچ ئەنسىرەپ كەتمەيتىم ، 2 كۈن ئۆيگە كىيىن كەلسەملا ئارتۇق گەپ چىقسىلا تېلفۇنۇم بولسا ئاندىن سىلەرگە ئەنسىرمە دەپ قويالايتىم دەپ بىر باھانە بىلەنلە ئىشنى جۆندەپ تېلفۇنۇمنى قايتۇرۋالاتتىم . شۇنداق قىلىپ تۇغۇلغان كۈن ئاخىرلاشتى ، ھەممىمىز قايتىشتۇق . ئەكرەم بىلەن ئىككىمىزنىڭ ئۆيى بىر يۆلىنىشتە بولغاچقا تەڭ قايىتتۇق ، ئەكرەم ئەزەلدىن باشقىچە پوزۇر يۈرەتتى ، كىيىملىرىمۇ بىر قاراشتىلا قىممەت باھالىق ئىكەنلىكى كۆرۈنۈپ تۇراتتى . بۈگۈنمۇ باشقىچىلا ئاخسا تۇراتتى . ئىككىمىز پاراڭلىشىپ مېڭىۋاتساق بىرىنىڭ ئەكرەمنى توۋلىغان ئاۋازى ئاڭلاندى ، قارىسام چاقلىق ھارۋىدا ئولتۇرغان ئىككى پۇتى يوتىسىدىن ئۈزۈلگەن قارىماققا ئۆسۈملۈك ئادەمگە ئايلىنىپ قالغاندەك بىر ئەرنى ئىتتىرىپ تۇرغان بېشىدىكى ياغلىقىنىڭ ئارىسىدىن پاخپايغان چاچلىرى كۆرۈنۈپ تۇرغان ، كىيىملىرىنىڭ رەڭگى ئۆچكەن 45 ياش چاممىسىدىكى ئايال بىزنى شەرەتلەپ تۇراتتى . ئەكرەمنىڭ چىرايى دەرھاللا ئۆزگۈرۈپ نىمە دىيىشىنى بىلەلمەيلا تۇرۇپ قالدى . ئايال ئىللىق تەبەسسۇم بىلەن ئەكرەمگە قاراپ :"جېنىم بالام مەكتەپتىن ئەمدى ياندىڭمۇ ، بىر كۈن دەرس ئوقۇپ قورسۇقۇڭمۇ ئاچتى ھەقىچان ، قارا ساڭا نىمە ئەكەلدىم "دەپ يىرتىق چاپىنىنىڭ يانجۇقىدىن ئىككى تال سامسىنى چىقىرىپ ئەكرەمگە تۇتقۇزدى ، ئەكرەم خۇددىي پۇتى كۆيگەن توخودەك نىمە قىلىشىنى بىلمەيلا تۇراتتى ، مەنمۇ دەرھال ئۆزۈمنى بىلىپلا ئۇنى خىجىل قىلماي ئۆيگە قايتاي دەپ خوشلۇشۇپ ئۇلاردىن ئۇزاقلاشتىم . يولدا ماڭغاچ ئويلۇدۇم ، ھەر كۈنى مەكتەپتىن يانغۇچە دۆڭكۆۋرۈك تەرەپتە كۆرىدىغان بۇ ئەر-ئايال تىلەمچى بوۋاي مومايلار ئەسلى سىنىپىمىزدىكى چوڭ يەپ چوڭ ئىچىپ ، ئاخسا باللا قاتارىدا يۈرىدىغان ئەكرەمنىڭ ئاتا- ئانىسى ئىكەن ئەمەسمۇ ، ھەي خۇدا ....... بۇنىڭدىن ئارتۇق ئويلاشقا پېتىنالمىدىم . قورويىمىزنىڭ ئالدىغا قانداق كىلىپ قالدىم بىلمىدىم قارىسام بىنانىڭ ئالدىدا دادام كىمنىدۇر ساقلاۋاتقاندەك ئەتراپقا قاراپ تۇراتتى . ئۇچىسىدا يەنە شۇ ھېلىقى 4 يىل ئاۋالقى قارا ياقىلىق چاپىنى كىيىگلىك ئىدى . ئاستا ئۇچامغا قارىدىم ، يېڭى ئالغان بۇ چاپىنىم بۇ يىلقى ئالتىنجى يېڭى چاپىنىم ئىدى . ئاستا يانجۇقۇمغا قولۇمنى سالدىم ، ئېشىپ قالغان يەتتە يېرىم كويۇمغا ئاپامغا 3 تال سامسا ئالدىمدە دادامنى چاقىردىم ."دادا مەن كەلدىم !"
330 قېتىم كۆرۈلدى | almira | ئەسەر يوللىغۇچى : | |
2016-12-3 0:47:42 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|