ئاھ سۆيگىنىم (ھېكايە)
-د . قەلبىدىن
مۇھەببەت ھەقىقەتەن ئاجايىپ نەرسە ، گاھىدا سىزنى ۋىلىق-ۋىلىق كۈلدۈرۈپ جاھاندا ھېس قىلىپ باقمىغان تاتلىق ھېس-تۇيغۇلارغا چۆمدۈرسە ، گاھىدا تۈگىمەس سەۋدالارغا سېلىپ سىزنى ئېغىر ئازاپلارغا تاشلايدۇ .
بەزەن ئىللىق قۇياشتەك قەلبىڭىزنى ئىللىتسا بەزەن قىشتىكى ئاچچىق جۇدۇن كەبى ياپراقتەك نازۇك دىلىڭىزغا نەشتەردەك سانجىلىپ يۈرەك-باغرىڭىزنى ھەسرەت پىغانغا ئەسىر قىلۋېتىدۇ .
بۈگۈن مەدىنە ئىنتايىن خوشال ، كەيپىياتى باشقىچە جۇشقۇن ئىدى ، خۇشال بولغاندىمۇ ئىچ-ئىچىدىن ، پۈتكۈل ۋۇجۇدىدىن شادلىق ھېسلىرىغا چۆمىۋاتىدۇ …
نەچچە ۋاقىتنىڭ ياقى كۈلۈشنى تامامەن ئۇنتۇپ قالغان كۆكۈش لەۋلىرى ئەمدىلىكتە قىپقىزىل رەڭدىن بوياپ قويغاندەك قىزىرىپ باھاردىكى شاپتۇل چېچىكىدەك ئېچىلىپ كەتكەن ئىدى ، ھەر تەبەسسۇمىدا شەكىل ھاسىل قىلغان بىر جۈپ زىنىقى كۈلكىسىگە ھۆسىن قوشۇپ پارقىراق سىلىق يۈزلىرىدە جۇلالىنىپ تۇراتتى .
بۈگۈن ئۇنىڭ ھاياتىدىكى ئەڭ ئۇنتۇلغۇسىز بىر كۈن بولدى ؛ شۇ تاپتا ئۆز سۆيگۈنى بىلەن قول تۇتۇشۇپ باغچىدا سەيلە قىلماقتا ، گىرەلەشكەن قوللاردىن تارقىلىۋاتقان ئاجايىپ بىر ئىسسىق ھارارەت ئۇلارنىڭ بەدەن بەدەنلىرىگە تاراپ ۋىسال شادلىقىدا مەسخۇش بولۇشۇپ كېتىپ بارىدۇ .
مەدىنە پات-پاتلا سۆيگۈنىنىڭ نۇر يىغىپ تۇرغان چىرايىغا ، مۇھەببەتلىك خۇمار كۆزلىرىگە تويماي قاراپ كېتەتتى ؛ قارىغانسىرى يېنىدىكى بۇ يىگىت شۇ قەدەر يېقىملىق ،شۇ قەدەر سۆيۈملۈك كۆرنىۋاتاتتى .قىسقىسى ئۇنىڭ ھازىرقى ھالىتىنى ، روھىي دۇنياسىنى تىل بىلەن تەسۋىرلەش ئاجىزلىق قىلاتتى ئىشقىلىپ بۈگۈن ئۇنىڭغا ھەممە ھەممە نەرسە بۇرۇنقىدىن باشقىچە گۈزەل كۆرۈنمەكتە ، ئۆزىنى دۇنيادىكى ئەڭ بەخىتلىك قىزدەك ھېس قىلماقتا ئىدى .
ئۇلار باغچىنىڭ چەترەك يېرىدىكى بىر تۈپ چىنار دەرىخى تۈۋىدىكى بىر ئورۇندۇققا كېلىپ ئولتۇردى .
ئولتۇردىيۇ ئىككەيلەن سۈكۈتكە چۈمۈپ قالدى قارماققا بىر بىرىگە دەيدىغان يۈرەك سۆزلىرى باردەك ئەمما جۈرئەت قىلالمايۋاتقاندەك كۆرنەتتى .
ئاخىرى مەدىنە چوڭقۇر بىر نەپەس ئېلىۋىلىپ يوشۇرۇن بىر كۈچنىڭ تەسىرىدە يىگىتكە ئېغىز ئاچتى :
-مەن سىزنى ياخشى كۆرمەن ، سىزمۇ مېنى ياخشى كۆرەمسىز؟
يىگىت قىزغا قاراپ بىر ھازا ئۆتكەندىن كېيىن دېدى :
كەچۈرۈڭ ، راسلا مېنى كەچۈرۈڭ ! سزنى ياخشى كۆرەلمەيۋاتىمەن ، كۆزئەينىكىم ئۆيدە ئۇنتۇلۇپ قاپتۇ ………
/::D/::D/::D/::D/::D/::D/::D
555 قېتىم كۆرۈلدى | kalbidin | ئەسەر يوللىغۇچى : | |
2016-11-1 20:34:11 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|