گۇناھكار قەلىب
پوۋىسىت 3- قىسىم
قىزىل تۇمان
ئەركىن بىلەن تاھىرمۇ ناھايتى تېزلا چوپچوڭلا يىگىت بۇلۇپ قالدى .بۇلارنىڭ دوسلۇق مېھىرىمۇ تەڭ چوڭقۇرلاپ باردى ، ئەركىن تاھىردىن سەل پاكارراق بۇلۇپ ، چىرايى سەل سېرىق ئىدى. چېقىر كۆزلىردىن بىر خىل شۇملۇق چىقىپ تۇراتتى ،ئۇ ناھايتى شوخ ئىدى ، كۆڭلىدە ئويلىغانلىرىنى ئوچۇق ئاشكارە دەۋېرەتتى . بىراق ئۇ تاھىرغا ئامراق ئىدى .تاھىر ئۇنىڭ ئەكىسچە بۇغداي ئۆڭ ، قاپقارا كۆزلىرى توختاۋسىز بۇلاقتەك ، قاپقارا بۈدىرە چاچلىق كېلىشكەن يىگىت ئىدى ، ئۇنىڭ مىجەزىمۇ ئېغىر بېسىق ،ناھايتى كەم سۆز ئىدى . مانا بۇلارمۇ دېھقانچىلىققا ئانچە مۇنچە ياردەملىشەلەيدىغان بولدى ، بىراق ئەركىننىڭ ئاتا -ئانىسى تاھىرنى دېھقانچىلىققا يېقىن يولاتمايتى .ئۇلار ئۇنىڭغا « بالام سەن كادىرنىڭ ئوغلى ، سېنىڭ داداڭمۇ سېنى ئىشقا سالماي ، پۇلغا ئادەم سېلىپ ئېتىزنىڭ ئىشىنى قىلدۇردۇ ، شۇڭا سەن بىزنىڭ ئىشىمىزنى قىلساڭ بولمايدۇ » دەيتى . بۇنداق ۋاقىتتا تاھىر ئۇلارغا « كىچىكىمىدىن تارتىپ سىلەرنىڭ ئۆيدە چوڭ بولدۇم ، سىلەرنىڭ تامىقىڭلارنى يېدىم .مەنمۇ سىلەرنىڭ ئۆز ئوغلۇڭلارغا ئوخشاش ، شۇڭا مەن ئاتا ئانامنىڭ ئىشىنى قىلسام نېمىشقا بولمايدىكەن ؟» دەپ ئۇلارنىڭ ئاغزىنى تۇۋاقلاپ قوياتتى . ئۇلار بۇنداق چاغدا ئامالسىز ئىدى ، چۈنكى تاھىر قىلمەن دېگەن ئىشىنى قىلماي قالمايتى .
ۋاقىتنىڭ ئۆتىشىگە ئەگىشىپ ئەركىن بىلەن تاھىرمۇ ئالى مەكتەپكە بېرىشقا چاقىرىق كەلدى . ئەركىن بەك خوشال ئىدى ، بىراق تاھىرنىڭ كۆڭلى يېرىم بولدى ، ئەركىن توپا باسقان يېزا تۇرمۇشىدىن خوشلىشىپ پاكىز ئازادە شەھەر تۇرمۇشىغا قەدەم باسىدۇ ، شۇنىڭ ئۈچۈنلا ئۇ بەك خوشال ، ئۇ نەچچە قېتىم تاھىرغا «مېنىڭ دادامنىڭمۇ پۇلى سېنىڭ داداڭنىڭكىدەك جىق بولغان بولسا ، مەن ھەرگىز بۇ يېزىدا ئوقۇمايتىم »دېگەن ئىدى . تاھىر ئائىلىسىدىن ، مەھەللىسىدىن ، دادىسىدىن ، ھەپتىدە بىر كۆرۈشىدىغان سۆيۈملۈك سىڭلىسىدىن ئايرىلىدۇ ، ئەڭ مۇھىمى مېھىربان بىر ئاتا ئانىدىن «يەنى ئەركىننىڭ ئاتا ئانىسىدىن » ئايرىلدىغانلىقنى ئويلاپ كۆڭلى يېرىم بولماقتا ئىدى ، 10كۈندىن كېيىن ئۇ سۆيۈملۈك يۇرتىدىن ئايرىلدۇ ، ئۇ يۇرتىدىن ئايرىلىش ئالدىدا دائىم بارىدىغان ھېلىقى قېرى سۆگەت تۈۋىگە كېلىپ ئېرىقتىكى لاي سۇغا قاراپ ئولتۇراتتى ، ئەركىنمۇ بۇ يەرگە نەچچە قېتىم كەلگەن بولسىمۇ ، بىراق تاھىرنىڭ نېمە سەۋەپتىن بۇ يەرگە كېلىدىغانلىقىنى پەقەت چۈشەنمەيدۇ ، بۇنى پەقەت تاھىرلا بىلىدۇ، تاھىر كۈندە دېگۈدەك بۇ يەرگە كېلەتتى ، ئەركىننىڭ ئانىسى ئىككى بالىنىڭ نەرسە كېرەكلىرنى يىغىشتۇرۇش بىلەن ئالدىراش ئىدى .
ئاخىر كۈتكەن كۈنمۇ كەلدى ، ئۇلار نەرسە كېرەكلىرىنى يىغىشتۇرۇپ ئەركىننىڭ ئىشىكى ئالدىدىلا ئەركىننىڭ ئاتا ئانىسى بىلەن خوشلىشىپ ھەمدۇللانىڭ ماشنىسىغا چىقتى ، ماشنا قوزغالدى ، ئۇلار يىغلىغىنچە ماشنا كەينىدىن قاراپ قالدى ، تاھىر بۇ مەنزىرنى كۆرۈپ كۆزلىرىدىن بىر تامچە ياش ئېقىپ چىقتى ، ئەركىن بولسا كەينىگە قاراپمۇ قويمىدى ، ھەمدۇللا ئۇلارنى ئۇدۇل بېكەتكە ئەكېلىپ بېلەت ئېلىپ بەردى ۋە تاھىرنىڭ قولىغا 1000يۈەن پۇلنى تۇتقۇزۇپ «بالام بۇ پۇلنى يېنىڭغا سېلىۋال ، ئەركىن ئىككىڭلارغا يوللۇغۇم بولسۇن ، بېرىپ بوپلا تېلفون قىلىۋەت »دېدى ، ئەركىن بۇ مەنزىرنى كۆرۈپ تۇردى ، شۇنداق قىلىپ ئۇلار يولغا چىقتى .
سۆيۈملۈك ئوقۇرمەن ، ئۇلار ئالى مەكتەپتە قانداق قىسمەتكە ئۇچىرايدۇ ؟ خالنۇر دېگەن كىم ؟ ئەسەرنىڭ داۋامىغا قىزىقسىڭىز نەزىرڭىز داۋاملىق ئەسىرىمدە بولسۇن .
ئاپتور ئاقسۇ بايدىن قىزىل تۇمان
ئۈندىدار نومۇرى 15292532364
655 قېتىم كۆرۈلدى | kiziltuman | ئەسەر يوللىغۇچى : | |
2017-1-4 19:28:31 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|