تەقدىر سىمفونىيەسى
( پوۋسىت)
ئابدۇقەييۇمجان ئابدۇسادىرى
كىرىش سۆز
جەمىيەتنىڭ ئۇچقاندەك تەرەققىي قىلىشىغا ئەگىشىپ ، تۇرمۇش ، خىزمەت ، ئۈگۈنۈش ئېلىپ كەلگەن بىسىملار ھايات ئىشتىراكچىلىرى نولىمىش بىزلەرنى ئىغىر دەرىجىدە ھالسىرتىپ قويۋاتىدۇ . بولۇپمۇ بىر قىسىم ياش ئىستۇدىتلىرىمىز ئارىسىدا ئەپيۇن خۇمارىدەك يامراۋاتقان < يۇقۇرى ئۆسۈملۈك ئوقۇغۇچىلار قەرىزى > دولقىنى تىزلىك بىلەن يامراپ ياش ئىستۇدىتلارنى ئۆزىگە قىززىقتۇرۇپ شۇ مېللەتنىڭ كەلگۈسى ،ۋەتەنىڭ ئۈمۈدى بولىمىش ياشلىرىمىزنى مەھپۇسلار كامىرىغا بەنىت قىلسا ، شۇ مۆھتىرەم ، مىھرىبان ئاتا – ئانىلىرىمىزنى تىلەمچىلەر كوچىسىغا ئىتتىرمەكتە .
شۇنى بىلىشىمىز كىرەككى ، يۇقۇرى ئۆسۈملۈك ئوقۇغۇچىلار قەرىزى خۇددى ئەپىيۇن ئۆزىگە رام قىلىپ ئاقىۋەتتە بىر ئوقۇغۇچىنىلا ئەمەس بىر ئائىلىنى يالماپ يەۋەتەلەيدىغان قۇدرەتكە ئىگە . ئىلگىرى < بەگزادىلەرچە > تۇرمۇش كەچۈرگەن شۇ پەرزەنتىڭىزنىڭ ئالۋاستىنىڭ قۇلىغا ئايلىنىپ ، قاراڭغۇ زىمدان ئازابى تارتىشقا قاراپ تۇرالمايسىزغۇ دەيمەن .
< تەقدىر سىمفونىيەسى > ناملىق بۇ چوڭ ھەجىملىك پوۋسىتىمنى شۇ توھىيىتىنىڭ ئەجەل تۇمشۇقلىرىدا گاڭگىراپ يۈرۈپ ، ئۆزى ۋە ئائىلىسىنى تۈگۈمەس ئازاپ ھاڭلىرىغا ئىتتىرۋاتقان قۇرداشلىرىمغا ، شۇنداقلا ئۆز پەرزەنتىنىڭ ھالىدىن بىخەۋەر يۈرۈپ بىراقلا ئازاپ دەرياسىغا چۆمۈلىدىغان شۇ خىزىر سۈپەت ئاتا – ئانىلارغا بىغىشلايمەن .
بۇ ئەسىرىم ئىلگىركى ئەسەرلىرىمگە قارىغاندا ھەجىمىنىڭ چوڭلىقى ، پىرسۇناجلىرىنىڭ كۆپلىكى ، ۋەقەلىكلىرىنىڭ كۆپ لىنىيەلىكلىكى بىلەن كەڭ ئوقۇرمەنلەرنى گاڭگىرتىپ قويىشى مومكىن ، لېكىن ئىشىنىمەنكى ، ئەقىللىق مىھنەتكەش شۇ ئوقۇرمەنلىرىم بۇ ئەسەردىكى ۋەقەلىكلەردىن ئىبەرەت ئىلىپ ئۆز تەقدىرى ، ۋە شۇ پەرزەنتىنىڭ كىلەچىكى ئۇستىدە باش قاتۇرىدۇ .
قەدىرلىك ، مېھنەتكەش ئاتا – ئانىلار ، ھەمساۋاق ئاكا – ئۇكا ، ئاچا – سىڭىللىرىم شۇنىڭغا دىققەت قىلايقىكى ، قولدىن بىرىدىغىنىمىز ئالتۇن جاۋاھىرات ، ئىرىشىدىغىنىمىز قۇرۇق شال پاخىلى بولۇپ قالمىسۇن !!!
- ئاپتۇردىن
2017- يىلى 3- ئاينىڭ 27- كۈنى ئۈرۈمچى
بىرىنچى باب : يۈرەك تەپچەكلىمەكتە
بىرىنجى قىسىم
ياز كۈنلىرىنىڭ بىرى ، مانا ، تەقاززالىق بىلەن كۈتكەن كۈن ئاخىرى يىتىپ كەلدى . يۈرەكلىرىم سالماقتا ، كاللامدا شۇ ئىشتىن باشقا ئۆزگە ھىچ قانداق ئىشنى ئويلىيالمايمەن ...
تىلفۇندا كېلىشىپ قويغىنىمز بويىنچە دوستۇم يارمۇھەممەد بىلەن ناھىيە مەركىزىدىكى سەل چەتراق بىر كوچىغا جايلاشقان < يىڭى زامان توخانىسى > ئالدىدا ئۇچراشتۇق . ئۇنىڭ بىلەن قىزغىن ئەھۋاللاشقاندىن كېيىن تور خانىغا كىردۇق ، مېنىڭ تورخانىغا تۇنجى قىتىم كېرىشىم بولغاچقا سەل قورۇنۇپ تۇرۇپ قالدىم . لېكىن يارمۇھەممەد بۇ يەرنىڭ < دائىملىق مىھمىنى > دەك بەھۇزۇر كىرىپ كىتىپ باراتتى . دىمىسىمۇ راس ، ئۇ دائىم ئىغىزىدىن تورغا ئائىت جاھان يىڭىلىقلىرى ، ئويۇن تۈرلىرىنى چۈشۈرمىگەچكە بىز ئۇنى < كىچىك دوكتۇر > دەپ چاقىراتتۇق ، شۇنىڭ ئۈچۈنمۇ بۈگۈن مەن بارلىق ئىشلىرىمدا مۇشۇ < كىچىك دوكتۇر > غاتايىناتتىم . شۇنداق قىلىپ بىز رورخانىغا كىردۇق ، مەن تۇنجى قىتىم كىرگەن بۇ ماكانغا قىزىقىش ۋە ياتسىراش ئىلكىدە قاراپ چىقتىم ، توغرا ئەلۋەتتە شۇنداق بولىشى كېرەك،مەن تۇغۇلىشىمدىن بۇماكانغا تەۋە ئەمەس ئەتراپ سەل قاراڭغۇ ، ھەممە ئۆز ئىشى بىلەن مەشقۇل . بەزىلەر قايسى بىر دۆلەتنىڭ فىلىمىنى كۆرۈش بىلەن ئالدىراش ، يەنە بەزىلەر بولسا < كىچىك دوكتۇر > ئىيتقان ئويۇنلارنىڭ ھەلەكچىلىكىدە . يىراققا كۆز يۈگۈرتۈپ چىقتىم ، ھەممە ئۆز ئىشى بىلەن مەشقۇل ھىچ كىشىنىڭ ھىچ كىم بىلەن كارى يوق، چەت بىر ئورۇندا بىر ئاكا دىمەتلىك ئادەم ماتىريال كۆرۈپ ئولتۇرۇپتۇ .
_ رەھمۇتۇللا ، يۈرە بىر ياققا بىرىپ ئولتۇرايلى . دوستۇم يارمۇھەمەدنىڭ چاقىرشى بىلەن خىياللار ئىلكىدىن قۇتۇلۇپ ئۇنىڭغا ئەگەشتىم . بىز چەت بىر رەتتىكى ئورۇنغا كېلىپ ئولتۇردۇق . يارمۇھەممەد كومپىيوتىرنى ئېچىپ قانداقتۇر بىر نومۇرنى كىرگۈزۈپ تورنى قوزغاتتى . ئىكراندا بۇ يىللىق ئالىي مەكتەپ ئوقۇغۇچىلىرىنىڭ ئىمتاھان نەتىجىسىنى تەكشۈرۈش توربىتى ئىچىلدى . مانا ، دوستۇم ئىككىمىز بىر – بىرىمىزگە قاراپ تۇرۇپ قالدۇق.
كىلىشكە نومۇرىمىزنى سالساقلا بىزنىڭ تەقدىرىمىزنى بەلگىلەيدىغان ، نەچچە يىل مابەينىدىكى تىرىشچانلىقىمىزنىڭ نەتىجىسى بولغان قوبۇل قىلىش ئۇقتۇرىشى چىقاتتى . يۈرەكلىرىم تەپچەكلىمەكتە ، ئىختىيارسىز يارمۇھەممەدنىڭ قولىغا قارىدىم ، ئۇنىڭ ماۋۇس تۇتقان قوللىرىمۇ يىنىك تىتىرمەكتە ئىدى .
_ رەھمۇتۇللا ، باشتا سېنىڭكىنى تەكشۈرەيلى ، دەپلا قولۇمدىكى ئىمتاھان كىلىشكەمنى كاپلا قىپ ئىلۋالدى . مەن ئۈنسىز تۇرۇپلا قالدىم ، نىمە دەيتتىم ، بەرىنىر بۇ رىئانلىق ھامان يۈزلىنىشىم كېرەك . كۆزلىرىمنى يۇمۇۋالدىم ، ئۆزۈم خىلى جۈرئەتلىك بولغىنىم بىلەن راسلا قورقاتتىم ، كىم ، كىملەر قورۇقمايدۇ دەيسىز ؟ تەقدىر ئالدىدا كىممۇ باش ئەگمىگەن .
_ ۋاھ ، يارايسەن ئاداش ، شىنجاڭ ئۇنۋىرىستىتىنىڭ جەمىيەتشۇناسلىق كەسپىگە قوبۇل قىلىنىپسەن مۇبارەك بولسۇن ! يارمۇھەممەد بۇ گەپلەرنى زوق شوخ بىلەن ئىيتتىكى ئۇنىڭ ياڭراق ئاۋازىدىن كۈرەكلىرىم يايراپ كەتتى .
دەرھال كۆزۈمنى ئىچىپ كومپىيوتىر ئىكرانىغا قارىدىم ، ئىكراندا راسلا شۇنداق ئۇقتۇرۇش تۇراتتى .
_ شۈكرى ! دىدىم ئىچىمدە ، راس ، بۇ بىزدەك بىر تولۇق ئوتتۇرا مەكتەپ ھاياتىنى تاماملاپ ، تەقدىرىنى شۇ ئىككى كۈنلۈك ئىمتاھاننىڭ خۇلالسىسىگە قاراپ قالغان تەۋەكۈلچىلەر ئۈچۈن ئنىتقاندا بولسا بۇ راسلا خوشخەۋەر ئىدى .
شىنجاڭ ئۇنۋىرىستىتىغۇ ھەمىمىزگە تونۇش ، لېكىن جەمىيەتشۇناسلىق قانداق كەسىپ بولغىتتى ؟ ئىشقىلىپ نىمىلا بولمىسۇن بىر ئاتاققا ئىرىشتىم ، قالغىنى ئۆزۈمنىڭ تىرىشچانلىقىغا باغلىق ... تۇيۇقسىز بىر ئىش يادىمغا كېلىپ دوستۇمغا قارىدىم ، قارىدىميۇ ئەندىكىپ كەتتىم ، ئۇنىڭ بۇنداق تۇرىقىنى تۇنجى قىتىم كۆرۈشۈم ، ھەر كىمگە خۇشچىراي ، ئىللىق كۆزلەردە قارايدىغان دوستۇمىڭ شەيتان كۈلكۈلىرىنى نەلەگە ئۇچۇرۇپ ، ئىپادىلىگۈسىز بىر ھالەتكە كەلتۈرۈپ قويغان نىمىدۇ ؟ دەرھال ئىكرانغا قارىدىم ، ئىكراندا مېنىڭ ئۇچۇرلىرىمنىڭ ئورننىغا ئۇنىڭ ئۇچۇرلىرى ، ئاستى تەرەپتە بولسا < مەزكۇر ئارخىپ تىخى ئىشلەنمىدى > دىگەن خەت تۇراتتى . تىلىم كالۋالاشتى . ئەسلىدە ئۇ مەن خىيال قىلۋاتقان ۋاقىتتا ئۆزىنىڭ ئۇچۇرلىرىنى تەكشۈرگەن ئىدى . دىمەك ئۇ بۇ قىتىملىق ئىمتاھاندىن ئۆتەلمىدى دىگەن گەپ . تىنىم شۈركىنىپ كەتتى ، مىڭەم قالايمىقانلىشىپ تۇرۇپلا قالدىم .
تورخانىدىن قايتىپ چىقتۇق ، دوستۇم يارمۇھەممەد شۇنچە تەسەللىي بىرىشىمگە قارىماي ئۇچقاندەك چىپىپ كەتتى . خىياللىرىم چىچىلاڭغۇ ، بىر تەرەپتىن ئۆزۈمنىڭ شىنجاڭ ئىچىدىكى ئەڭ چوڭ بىلىم يۇرتى ئۆتكەنلىكىمدىن ئىپتىخارلانسام ، يىقىن دوستۇم يارمۇھەممەدنىڭ ئۆتەلمىگىنى مىڭەمنى قالايمىقانلاشتۇرۋەتتى .
كىتىپ بارىمەن ، ياق ، تىنىم كىتىپ بارىدۇ خىيالىم روھىيتىم بىلەن ئۇرۇش قىلماقتا ........
ئاخىرى بار ...
184 قېتىم كۆرۈلدى | AHTAR | ئەسەر يوللىغۇچى : | |
2017-3-28 3:03:03 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|