ياسىنجان توخنىياز

ARKZAT · ۋاقتى: 2012-4-6 14:55:15


	ياسىنجان توخنىياز توغراق 1972- يىل8-ئايدا ئونسۇ ناھىيەسىنىڭ قىزىل يېزىسىدا ئوقۇتقۇچى ئائىلىسىدە دۇنياغا كەلگەن.1990- يىل9-ئايدا ئاقسۇ ۋىلايەتلىك پېداگوگىكا مەكتىپىنى پۈتتۈرۈپ، ئونسۇ ناھىيەسىنىڭ تاغلاق چارۋىچىلىق فېرمىسى ئوتتۇرا مەكتىپىگە خىزمەتكە تەقسىم قىلىنغان.2004-يىل 10-ئايدا شىنجاڭ مائارىپ ئىنىستىتۇتىنىڭ مائارىپ مەمۇرىي باشقۇرۇش كەسپى بويىچە تولۇق كۇرس ئوقۇش تارىخىغا ئىگە بولغان. 1999-يىل6- ئايدا« شىنجاڭ ئۆسمۈرلىرى» گېزىتىدە ئېلان قىلىنغان ‹‹مەكتىپىم››ناملىق شېئىرى بىلەن تۇنجى ئىجادىيىتىنى باشلىغان. ھازىرغا قەدەر ‹‹جۇڭگو مىللەتلىرى››،‹‹شىنجاڭ مەدەنيىتى››،‹‹شىنجاڭ ياشلىرى››،‹‹شىنجاڭ ئاياللىرى››،‹‹‹پەن ۋە تۇرمۇش››، ‹‹كىرورەن››، ‹‹تەربىيەچى››،‹‹ھاياتلىق››، ‹‹پەرۋاز››، ‹‹تارىم غۇنچىلىرى››،‹‹ئاقسۇ ئەدەبىياتى››، ‹‹شىنجاڭ مائارىپ ژورنىلى››، ‹‹شىنجاڭ مائارىپ ئىنىستىتۇتى ئىلمىي ژۇرنىلى››،‹‹بىلىم كۈچ››، ‹‹شىنجاڭ گېزىتى››،‹‹ ئشچىلار ۋاقىت گېزىتى››،‹‹شىنجاڭ ئىقتىسات گېزىتى››، ‹‹شىنجاڭ مائارىپ گېزىتى ››،‹‹شىنجاڭ قانۇنچىلىق گېزىتى››،‹‹ئۈرۈمچى كەچلىك گېزىتى››، ‹‹شىنجاڭ ئۆسمۈرلىرى››، ‹‹ئاقسۇ گېزىتى›› قاتارلىق گېزىت-ژۇرناللاردا 300 پارچىدىن ئارتۇق ھەر خىل ژانېردىكى ئەسەرلىرى ئېلان قىلىنغان.‹‹سېنى ئۇنتالمايمەن›› ناملىق كوللېكتىپ توپلامغا ئىككى پارچە ھېكايىسى كىرگۈزۈلگەن. 2005-يىل10-ئايدا ‹‹يېڭى دەرس ئىسلاھاتىدا ئىدىيە-سىياسىي دەرس ئوقۇتقۇچىلىرىغا قويۇلىدىغان بىر قانچە تەلەپ›› دېگەن ئىلمىي ماقالىسى، 2010-يىلى 4-ئايدا« ئوتتۇرا مەكتەپ ماتىماتېكا ئوقۇتۇشىدا ساقلىنىۋاتقان قىيىن مەسىلە ۋە ئۇنى بىر تەرەپ قىلىش ئۇسۇلى توغرىسىدا» ناملىق ماقالىسى ئاپتونۇم رايونلۇق ئوقۇتۇش تەتقىقات ئىشخانىسى ۋە مائارىپ ئىلمىي جەمىئيىتى تەرىپىدىن ئىككىنچى دەرىجىلىك مۇكاپاتقا ئېرىشكەن. ئۇ ئاخبارات-ئۇچۇر تەشۋىقات خىزمىتى بىلەن يېزىقچىلىق خىزمىتىنى تەڭ ئېلىپ بېرىۋاتقان ئىقتىدارلىق ياش يازغۇچى ۋە مائارىپ تەتقىقاتچىسى بولۇپ، ھازىرغىچە 40 پارچىدىن ئارتۇق ئىلمىي تەتقىقات ماقالىسى ۋە500 پارچىدىن ئارتۇق خەۋەر ماقالىسى ئېلان قىلىنغان. توخۇلا يېزىلىق ئوتتۇرا مەكتەپنىڭ مەكتەپ دەرسلىكى«تۆمۈر چوقا ئېتىكىدىكى گۈرۈچ ماكانى-توخۇلا يېزىسى» دېگەن كىتابنى ئۆزى مۇستەقىل تۈزۈپ چىققان. ئۇنىڭ «گۈلخان ئويۇنى»،«مەشرەپ ئويۇنى»،«قاپاق تېرىدىم»،« قول توپ ئويۇنى»،«تاش تەرمەك ئويۇنى» قاتارلىق بالىلار ئەدەبىياتىغا دائىر نەسرىي ئەسەرلىرى نەشىرىياتقا يوللانغان. ئۇ ھازىر ئونسۇ ناھىيە توخۇلا يېزىلىق ئوتتۇرا مەكتىپىنىڭ ئوقۇتقۇچىسى، «شىنجاڭ ئۆسمۈرلىرى» گېزىتىنىڭ تەكلىپلىك مۇخبىرى، ئاقسۇ ۋىلايەتلىك يازغۇچىلار جەمىيىتى ۋە شىنجاڭ ئويغۇر ئاپتۇنۇم رايونلۇق يازغۇچىلار جەمىيىتىنىڭ ئەزاسى.

مەلىكە مۇھەممەت · ۋاقتى: 2012-4-6 15:12:04


	پەرۋازدىكى ئەسەرلىردىن كۆپ ئىلھام ئالغان ئىدىم.ياسىنجان ئەپەندىمنىڭ ئىجادىيىتىگە ئەزىزلىك يار بولسۇن!

تۇرسۇنگۈل ساۋۇت · ۋاقتى: 2012-4-6 15:36:35


	ياسىنجان توخنىياز مۇئەللىمنىڭ ئوقۇتۇش تەتقىقاتى ۋە ئەدەبىي ئىجادىيەت جەھەتتىكى ئىزدىنىشلىرى قايىللىقىمىزنى قوزغايدۇ.ئۇنىڭ بالىلار ئەدەبىياتى تۇپرىقىغا تىككەن ئەجىر كۆچەتلىرنىڭمۇ كۆپلەپ مىۋە بىرىشنى تېلەيمەن.

ئەمەتجان سەمەت · ۋاقتى: 2012-4-6 16:15:44


	توغراق ئاكىنىڭ بۇ خىل ئىزدىنىش روھىدىن ئۈگۈنۈشكە ئەرزيدۇ، مۇمكىن بولسا توغراق ئاكا ئالاقىلىشىپ تۇرايلى.

ئەمەتجان سەمەت · ۋاقتى: 2012-4-6 16:19:59


	مۇمكىن بولسا توغراق ئاكا كى كى نۇمرىڭىزنى قالدۇرۇپ قويسىڭىز ئالاقىلىشىپ تۇرساق بوپتىكەن!

خەنجەر · ۋاقتى: 2012-4-6 16:44:52


	توغراق ئەپەندى، ئىجادىيىتىڭىزگە بەرىكەت تىلەيمەن. مەن ئالاقىلىشىش نومۇرۇمنى قالدۇرۇپ قوياي، تېلېفون: 13999304569 : چ چ نومۇر: 1821547014

ي.ت.توغراق · ۋاقتى: 2012-4-6 19:33:35


	خەنجەر ئەپەندى نومۇرىڭىزنى خاتىرلىۋالدىن بۇندىن كېيىن ئەدەبىيات ساھەسىدە ياخشى ئالىشىپ، ئۆزئارا پىكىرلىشىپ تۇرايلى

تۇرسۇنجان ھەسەن · ۋاقتى: 2012-4-6 19:41:54


	ياسىنجان توخنىيازنىڭ تېنىگە سالامەتلىك، ئائىلىسىگە خاتىرجەملىك، ئىجادىيىتىگە مۇۋەپپاقىيەت يار بولسۇن!

يانغىن · ۋاقتى: 2012-4-6 19:59:56


	ياسىنجان ئاكامنى تۇلۇقسىز ئوتتۇرا مەكتەپتە ئۇقۇۋاتقان ۋاقىتلىرىمدا شىنجاڭ ئۆسمۈرلىرى گېزىتىدىن تۇنۇغان ئىدىم . كىيىن توردىمۇ پاراڭلىشىپ يۈرگەن ئىدۇق ، ئاكامنىڭ ئەستايىدىل ،خۇشپېئىل مىجەزىنى ياقتۇرىمەن . بالا چاغلىرىمدا دائىم ئەسەر ئەۋەتىپ تۇرۇشىمنى ئېيتىپ مېنى رىغبەتلەندۈرۈپ تۇراتتى . كىيىن كۈرۈشۈش پۇرسىتى بولغاندا رەھمىتىمنى بىلدۈرۋالىمەن .

قەھرىمان تۆمۈر · ۋاقتى: 2012-4-6 21:09:57


	توغراق دوستۇم ئوبدان تۇردۇڭمۇ ؟ئىجادىيىتىڭگە ئۇتۇق بولسۇن ،ئاللقىلىشىپ تۇرايلى .