بۇ كىتابخانا ھەرگىز تاقىلىپ قالمىسۇن

دۇرۇس ئېيتتىڭىز. تىجارەتمۇ بىر سەنئەت. نىمىنىڭ مۇلازىمەت ئىكەنلىكىنى بىلمىگەنلەر كەسىپ ئالماشتۇرسىمۇ بولىدۇ. « بولمىساڭ  ئىللىق چىراي ،ئاچمىغىن دوكان- ساراي  ! »

توغرا، قاۋاقخانىلارمۇ ئېچىلىپ تۇرىدۇ، بازىرى ياخشى بولمىسا تاقىلىپ تۇرىدۇ. لىكىن ھازىرقى كۈندە كىتابخانا ئېچىش قاۋاقخانا ئېچىشقا ئوخشاش ئاسان ئىش ئەمەس  ھەم ئاددى ئىش ئەمەس!... بىركىتابخانا ئۆز  نۆۋىتىدە مەكتەپتۇر.

ياخشى تەكلىپىڭىز ئۈچۈن تەشەككۈر  !

كۆپنىڭ تىلىكى كۆكلەم،  سەمىمىي تىلەكلىرىڭىزدىن ئالەمچە سۆيۈندۈم. مەرھابا !....

پىكرىڭىز تولىمۇ  ئورۇنلۇق،  سەمىمىي تەشەككۈرۈم سىزگە يەتكەي !...

ئېيتقىنىڭز  دورۇس، سەمىمىي تىلەكلىرىڭىزدىن سۆيۈندۈم ئادىلجان، كۆڭۈل بۆلگىنىڭىزگە رەھمەت.

توغرا،  ئەمما  بۇ  دەل  شۇ  رايۇندىكى  ئەقلى ئويغاق ، كىتابخۇمار ۋە كىتابنىمۇ بايلىق  دەپ  قارايدىغان  كىشىلەرنىڭ ئاز-كۆپلىكىگە،  ئەمەلىي قوللاپ- قۇۋۋەتلىشىگە باغلىق !
  خەلقىمىزدە «بىر كىتابخانا قۇرۇلسا  بىر  تۈرمە  ئازلايدۇ » دىگەن گەپ بار . مۇشۇ نۇقتىدىن ئېيقاندا كىتابخانىلار قانچە كۆپ قۇرۇلسا  شۇنچە ياخشى دەپ قارايمەن.

كىتاب بىلىم بۇلقى .كىتاپخا بولسا دەريا .  ئامەت يار بولسۇن .

ھەپتىدە ئىككى ئۈچ قېتىم قاۋاقخانىلارغا كىرىپ بىرە ئىككى يۈز يۇەن خەجلەشكە رازىمىزكى ئايدا بىر قېتىم كىتابخانىغا كىرىپ 50 يۇەنلىك كىتاب سېتىۋېلىشقا چىدىمايمىز. بۇ بىزدىكى ئەجەللەك خاتالىق.

بۇ كىتابخانا، ئۇچتۇرپاندىكى يازارلارنىڭ، ھەۋەسمەنلەرنىڭ، ياخشى كىتاب ئىزدىگۈچى كىتابخۇمارلىرىمىزنىڭ ئۇچرىشىشى نوقتىسى بولۇپ قالدى. نىيتىمىز خالىس. سالامەت بولساق بۇ يەرنى ئاۋاتلاشتۇرۇپ تۇرىمىز. دوستىمىز ئابدىناسىرنىڭ تىجارەت تەپەككۈرىنىڭ ئۆزلۈكسىز يېڭىلىنىشى بىلەن بۇ كىتابخانىنىڭ تاقىلىپ قالمايدىغانلىقىغا ئىشىنمەن.

تەكلىپ: مۇمكىن بولغاندا پۈتۈن شىنجاڭدا شەخسىي كىتابخانا ئاچقانلار بىر ئۈندىدار توپىغا جەم بولسا ئۇچۇر يوللىرىنى كېڭەيتىشكە تېخىمۇ ياخشى ئىمكان بولامدىكىن دەيمەن...

«تىزگىن كىتابخانىسى» تاقىلىپ قالدىمۇ؟

سەمىمىي تېلەكلىرىڭىزگە، ئۆزگىچە تەكلىپىڭىزگە تەشەككۈر. سىلەردەك ئەمەلىي قوللاپ تۇرىدىغان دوستلىرىمدىن پەخىرلىنىمەن. كىتابخانامنى ئاۋاتلاشتۇرۇپ  تۇرغىنىڭلاردىن؛ بىر كۈتۈبخانىغا، شۇنداقلا ئىلىم سورۇنىغا ئايلاندۇرغىنىڭلاردىن سۆيۈنىمەن.

سەمىمىي تېلەكلىرىڭىزگە، ئۆزگىچە تەكلىپىڭىزگە تەشەككۈر. سىلەردەك ئەمەلىي قوللاپ تۇرىدىغان دوستلىرىمدىن پەخىرلىنىمەن. كىتابخانامنى ئاۋاتلاشتۇرۇپ تۇرغىنىڭلاردىن؛ بىر كۈتۈبخانىغا، شۇنداقلا ئىلىم سورۇنىغا ئايلاندۇرغىنىڭلاردىن سۆيۈنىمەن.
...........................................................
..............................................................................................
..........................................................................................................................................

ماۋۇ گېپىڭىزنىڭ پىيىزى يوقتۇ دوستۇم ،ھە...(چاقچاق)...دەرۋەقە بەزىدە كۈنلەپ-كۈنلەپ كىتاب ئوقۇپ كىتابخانىنى كۈتۈبخانىغا ئايلاندۇرۋالغان چاغلىرىمىزمۇ كۆپىيىۋاتىدۇ....  قانداق قىلىمىز ئەمدى، يانچۇق بوش، <<تاپقان پۇلنى كىتابقا تېگىشسە>>ك  خوتۇن تىللايدىغان چاغلىرىمىزمۇ بولۇپ قالىدىكەن(كۈلكە)،شۇڭا ھازىرچە كىتابخانىڭىزنى بىز ئۈچۈن كۈتۈبخانا دەپ چۈشىنىپ تۇردۇق ھەم چۈشىنىڭ....  بۇمۇ كىتابخانىڭىزنىڭ ئارزۇيىمىزدىكى خاس تەرىپى.

تۇررپ شۇنداق ئويلاپ قالدىم: يېقىندا ئاقيار ئوتتۇرىدىكى بىر تۈركۈم ئايال ئوقۇتقۇچىلار ‹‹كىتاب چېيى ››دەپ بىر چاينى پەيدا قىپتۇ. 200سومدىن 10ئايال ئايدا 2000سومنى چاي ساھىبخانىغا بىرىدىكەن. ساھىپخان كيىنكى نۆۋەتلىك چاي سورۇنىغا چوقۇم 2000سومغا سېتىۋالغان ئەڭ سەرخىل  كىتابلىرىنى، كىتاب تالۇنىنى ھەم شۇ بىر ئاي ئىچىدە مۇشۇ كىتابلاردىن خالىغان ئىككى ياكى ئۈچ كىتابتىن ئوقۇپ ئالغان تەسىراتلىرىنى بىللە ئالغاچ بارىدىكەن.سورۇندىكىلەر كىتابلارنى كۆرۈپ سېتىۋالغانلىقىنىڭ راست يالغانلىقىنى دەللىلەپ كىتابلارغا ئالدىنقى چاينىڭ ۋاقتى ئاساسىدا تىلەك، ئىمزالىرىنى قويۇشقاندىن كېيىن سورۇن باشلىنىپ كىتابلارنى ئاساسى تېما قىلغان كىتاب چېيى باشلىنىدىكەن.

مەن ئويلايمەن ، بىزمۇ ئاشۇ ئوقۇتقۇچىلىرىمىزدىن ئۆگۈنۈپ چايلىرىمىزدىكى يىغىلغان پۇلنى يىلدا بىر قېتىم بولسىمۇ مۇشۇنداق كىتاب سېتىۋېلىشقا ئىشلەتسەك بىر قىسىم قىممەت پۇللۇق كىتابلارمۇ شۇ يوسۇندا ئېلىنىپ قالىدىكەن دەپ ئويلىدىم.. ..  بولسا مۇشۇخىل چاينى تەشەببۇس قىلساق، تارقاتساق چېيىمىزدىكىلەرنىڭ قوللىشىدىن ئۆتسە ھەممىمىز كىتاب خالتىلىرىدىن بولغاچ مۇشۇ يولغا كىرىشىۋالساق دەيمەنيا-ئەمدى..


بۇ يازمىنى ئاخىرىدا   (ئۈمىد) تەھرىرلىگەن. ۋاقتى  2015-7-4 20:46  

ياسىنجان، ئابدۇناسىر:
26-قەۋەتتىكى سوئالىمغا جاۋاب بىرىۋېتىڭلار؟

سەئىدىنىڭ بۇرچنى ئالدىغا،تاپاۋەتنى كەينىگە قويغان مەنىۋىيەت «تىجارىتى» گۈللىسۇن!
بىزنىڭ ناھىيىدە يېڭىدىن ئىككى كىتابخانا ئېچىلدى. قارىسام،كىتاب كۆپ،تۈرى ئاز،ژۇرناللار يوق دېيەرلىك. مەسلىھەت بەردىم،بىلگىنىمچە يول كۆرسەتتىم.بىراق ئۇلار بۇ تىجارەتنى نوقۇل پۇل تېپىش ئىسكىتىدە ئاچقاندەك،بۇرچ-مەسئۇلىيەت ئېڭى ئويغانمىغان ياشلاركەن،كېيىن قارىساممۇ،ئەھۋالدا يېڭىلىنىش يوق...
مەن قەلەمگە ئىشتىياقى بار بىر بۇرادىرىمىزگە،چايخانا تىپىدىكى ئارام ئارىلاش كىتاب ئوقۇش سورۇنىدىن بىرنى ئېچىش تەكلىپىنى بەردىم،ئۇنىڭ ئىددىيىسى ھەل بولدى،ئىنشائاللا،شۇ ئىش تەرەددۇتىدا. كىتاب ئوقۇش تەشەببۇسى دىداكتىك تۈس ئېلىپ قالسا،ئۈنۈمىدىن ئۈمىد كۈتكىلى بولمايدۇ،ئۇنىڭغا ھۇزۇر-ئارام ئۈنۈمىنى قوشۇش كېرەك.
گۆدەكلەرنىڭ كۆز ئالدىدىكى دۇنيا رەسىم-شەكىل ھالىتىدە نامايان بولىدۇ.ئۇلارغا خەتمۇ رەڭگا-رەڭ رەسىم بولۇپ كۆرۈنىدۇ.دەل مۇشۇخىل قىزىقىش ئالاھىدىلىكىگە ئويۇن ئۈنۈمى قوشۇلغان بىلدۈرۈش-ئۇلارنى قاشانىڭ ئىچىگە سولۇۋېلىپ ئۈگىنىشكە زورلاشتىن ئۈنۈملىكرەكتۇر. كىتاب بىلەن ئارىسى يىراق چوڭلىرىمىزمۇ خاراكېتىر جەھەتتە گۆدەكلەردۇر. شۇڭا،ھۇزۇر-ئارامغا كىتاب ئارقىلىق بىلدۈرۈشنى قوشۇپ پائالىيەت سورۇنلىرىنى ھازىرلاپ بېرىش كېرەكمىكىن دەيمەن.