كوللېكتىپ: ئابدۇراھمان ئابلىكىمگە مەرسىيەنامىلەر

ئۆلۈم يوقلۇق ئەمەس

ئوسمان تۇرسۇننىياز تۇغلان

(ھۆرمەت بىلەن مەرھۇم ئابدۇراخمان ئابلىكىمگە بېغىشلايمەن)

ئۆلۈم يوقلۇق ئەمەس بارلىق
بارلىق ھايات ئەمەس يوقلۇق.
تېنىڭ تەكلىماكان، روھىڭ ۋەتەندۇر
مۇشتۇمۇڭ تاراتقان ئىدى يورۇقلۇق.

ئۆزىنى تىرىك دېگۈچىلەر تىرىك بولماسلىقى مۇمكىن
ئۆلۈكلەرمۇ تىرىك ئىدى.
ۋەتەن دەپ چۇقان كۆتۈرگەنلەر تىرىك بولماسلىقى مۇمكىن
ئۆلۈكلەرمۇ ۋەتەنلىك ئىدى.

سېنى ئۆلدى دېگۈچىلەر ئۆلۈمنى كۆرمىگەن
ياكى بىر مۇشت ئېتىپ بېقىپ ۋەتەننى سۆيمىگەن.
جۈملىدىن مەن سېنى ئۆلدى دېگۈچى ئەمەس
چۈنكى، ئۆلۈمنىڭ تەمىنى بىلمەيمەن.

ئۆلۈم ئاچچىق بولۇشى مۇمكىن
ئۆلۈم تاتلىق بولۇشى مۇمكىن.
ئاخىرى سەن تىتىپ بەردىڭ ئۆلۈمنىڭ تەمىنى
ئۆلۈم بەلكى
ھەسەلدۇر شېرىن.

2015-يىلى 1-ئاينىڭ 21-كۈنى. كۇچا

ياتققان يىرى جەننەتتە بولغاي، ياش ئكەن نىمە سەۋەپتىن رەھمەتلىك بولۇپ كەتكەندۇ؟

ۋىجدانلىق ئادەمگە 35ياشتىن ئارتۇق ياشاش بىھاجەت دىگەن بايرۇن،ئەخمەتجان گېتتار،نۇرمۇھەممەت تەمبۇرلارمۇ كەتتى،بىرى چېلىش سەھنىسىدىكى باھادىر،بىرى دىلكۈيىگە جور بولغان ناۋاكەش بۇلبۇل،بۇلار مەيلى قايەردە ،نىمە قىلسۇن يەنىلا ئەلنىڭ غېمىدە ئەردەك ياشاپ ئۆتكەنلەر،ئۇلارغا ئەجىر ئەزىم نېسىپ بولغاي...

                    ئەلۋىدا  ئۇيغۇر ئوغلانى    ئابدۇراھمان  ئابلىكىم !  ياتقان يېرىڭىز جەننەتتە  بولغاي !  سىز  مەڭگۈ  قەلبىمىزدە ........

   
بىر چاغلاردا  چاۋاك چالغان  ئالقانلىرىم ،
نەملەندى  ئاھ  مانا  بۈگۈن  كۆز يېشىمدا .
بىر چاغلاردا  يەتكەن  ئىدى  ئاسمانغا  ئاھ ،
  دوۋزاخ  ئوتى كۆيدى بۈگۈن  بۇ  بېشىمدا  .

           ـــ  ئىبراھىم  نىياز            
         

مۇشتۇڭدىن تارىغان قىسسەلەر يورۇق
(ھۆرمەت بىلەن ئاسىيا بوكىس چولپىنى ئابدۇراھمان ئابلىكىمگە بېغىشلايمەن)
يۈسۈپجان مۇھەممەد تۇغيان

سادىر پالۋاننىڭ مۇشتى ئىدىڭ،
سېيىت نوچىنىڭ مۇشتى ئىدىڭ،
«ئەسكى چاپان»نىڭ ئىچىدىن چىقىپ،
«ئالتە شەھەر» لىكنىڭ غېمىنى يىدىڭ.

مۇشت بىلەن دوستلاشقان نوچىلار قوۋمى،
ساڭا گۈل كەلتۈرگەن يۈرەك-باغرىدىن.
سەندىكى كۈچ-قۇۋەت،مۇھەببەت، شەرەپ،
كەلگەن ئانا يۇرتۇڭ بەرگەن زاغرىدىن.

سېنى تۇپراق ئارا كۆمدى دېدىلەر،
رەھمەت دەرياسىغا چۆمدى دېدىلەر.
مۇشتۇڭدىن تارىغان گۈزەل قىسسەلەر،
ئەدلادلار يۈرىكىدە ئۈندى دېدىلەر!

              2015-يىلى 22-قەھرىتان ،ئاۋات بۇ يازمىنى ئاخىرىدا   ي.م.تۇغيان تەھرىرلىگەن. ۋاقتى  2015-1-22 16:41  

پالۋانغا مەرسىيە



يۈسۈپ نەمەنشاھ



پالۋان ئىدىڭ سادىر ئىدىڭ ئابدۇراخمان،
ۋەتەن دىدىڭ خەلقىم دىدىڭ ئابدۇراخمان.
جاسارەتتە جەسسۇر ئىدىڭ ئابدۇراخمان،
بەيگىلەردە شاش تۇلپارتىڭ ئابدۇراخمان،
ئۆزلۈكۈمدىن  نۇر تاراتقان  ئابدۇراخمان.



پالۋان كەتتى، يورۇق يۇلتۇز ئۆچۈپ  كەتتى،
تارىم،باغداش بۇندا سەنچۈن پىغان چەكتى
مانا كەتتىڭ ئەزىز ۋەتەن سەنسىز  قالدى.
سەن بىلەن بىللە  چاپقان دۇلدۇللار  قالدى،
پالۋانلارنىڭ   باھادىرى    ئابدۇراخمان.



ئەلۋىدا !ياتقان يېرىڭ  جەننەتتە بولسۇن
دۇئا بېرەر بۇگۈن ، ئەل شىرزاتى ئۈچۈن !
تۇلپار كىشنەپ،بوتا بوزلار ئاھ! سەن ئۈچۈن
تەڭرى تېغى  پوتا  باغلار   پالۋان   ئۈچۈن،
ۋەتەن ئوغلىسەن زەپەردەس ئابدۇراخمان!



قوي يىلى قەھرىتاننىڭ يىگىرمە بىرى قومۇلدا يېزىلدى

بۇ يازمىنى ئاخىرىدا   نەزەر تەھرىرلىگەن. ۋاقتى  2015-1-22 17:15  

ئوغلانىمىز مەرھۇم ئابدۇراخمان ئابلىكىمنىڭ تەرجىمھالى

بۇ مەرھۇم ئابلەتكامنىڭ يۈرەك كېسىلى سەۋەبىدىن تۈگەپ كەتكەنلىكىنى ئاڭلىغاندىن كېيىنكى يەنە بىر يۈرەك كېسىلى سەۋەبىدىن تۈگەپ كەتكەن ئوغلانىمىزنىڭ مۇسىبەت خەۋىرى بولدى.

ھەي نېمە دەيمىز، مەرھۇم ئوغلانىمىزنى كىچىكىمدە گېزىت – ژورناللار ۋە تېلېۋىزورلاردىن بىلگەن ئىدىم. ئۇ چاغلاردا ئابدۇشۈكۈر ۋە ئابدۇراخمان ئابلىكىملارنىڭ تەسىرىدە مەكتەپلەردە ئوغۇللار ئارا بوكىس پەلىيى سېتىۋېلىپ مەشىق قىلىش مودا بولغان ئىدى. مانا شۇ بىزلەرگە ئوت ياققان ئوغلانىمىزنى ئۇزىتىپ قويدۇق. ئۇنىڭ تەرجىمھالىنى توردىن ئىزدەپ يوللاپ قوياي دېگەن نىيەتتە ئىزدەپ شۇنى بايقىدىمكى، ئۇ ھايات ۋاقتىدا يېزىلغان تەرجىمھالىنى تېپىش تەسراقكەن. ھازىر يېزىلغانلىرىنىڭ كۆپىنچىسى مۇسىبەت خەۋىرىدىن كېيىن يوللانغان تېمىلاركەن. ئويلاپ قالدىم، ئەجىبا بىرى ئارىمىزدىن كەتمىسە ئۇنى ئەسلىمەمدۇق؟! ئارتۇق گەپ قىلىشنى خالىمىدىم.

تولۇقى بۇ يەردە:

http://bbs.izdinix.com/thread-61998-1-1.html

خەلقىمىزنىڭ پەخىرلىك ئوغلانى، ئاسىيا بوكىس چىمپىيونى ئابدۇراخمان ئابلىكىم 21- چىسلا تۇيۇقسىز قوزغالغان كېسەللىك بىلەن 37 يېشىدا ئۇشتۇمتۇت قازا قىلدى. بۇ ئۇيغۇر خەلقى ئۇچۈن زور يوقىتىش ھېسابلىنىدۇ. ئەينى ۋاقىتتا خەلقىمىز ئابدۇراخماننىڭ نەتىجىسىدىن ئىپتىخارلانغان، خىلمۇ- خىل سەۋەبلەر تۈپەيلىدىن بوشىشىۋاتقان روھىنى مەرھۇمنىڭ نەتىجسى ئارقىلىق چىڭىتىپ، ئۆزىگە مەنىۋىي تىرەك قىلغان ئىدى. ھالا بۈگۈنكى كۈندە باتۇرىمىز- غېنى باتۇر، سادىر پالۋان، سىيىت نوچى كەبى بۇ ئەزىمىتىمىز بىزدىن مەڭگۈلۈك ئايرىلدى. يار ھەققىدە كېچە-كۈندۈز بۇلبۇل كەبى سايرايدىغان شائىرلىرىمىزنىڭ ئەل ئوغلانى ھەققىدە ئۆز ئەشئارلىرىدىن ئاز بولسىمۇ ئوتتۇرىغا تاشلىشىنى تەكلىپ ئېتىمەن. ئەتراپىمىزدىكىلەر قەدىرلەشنى قەدىرلەيدىغانلاردىن ئۈگەنسۇن، ئەكسىدىن ئەمەس.

بىر جۈپ پەلەي بوش قالدى

ئىدىرىس رۇسۇل تەمكىن


(ئابدۇراخمان ئابلىكىمگە مەرسىيە)

ۋەتەن قوينىدىن ئۇزىدى بىر قۇش
دىل قېتىدا قالدى ئۇۋىسى.
ۋەتەن ئۈچۈن سوققان يۈرەكنىڭ
ۋەتەن ئۈچۈن قاققان قاناتنىڭ
ۋەتەن بولۇپ قاتتى توپىسى.
ئىككى بىلىكىدە دەس كۆتۈرۈپ ۋەتەننى
پۈتۈن دۇنياغا كۆرسەتكەن
ئۇيغۇر بولۇپ ئۆتكەن ھاياتنىڭ
ئېچىلدۇرۇپ ھەر بىر شېخىنى...
يىغا بىلەن تولدى ئۇۋىسى.

ئابدۇراخماننى كەتتى دىدى
ئۇنى بىلگەنلەر
ئۇنى سۆيگەنلەر
ئۇنى دۇنيا دىگەنلەر
كۆزلىرىگە ئىسسىق ياش ئالدى.
بوكۇس سەھنىسىدىن ئۆچۈپ بىر ۋەتەن
ئېگىسىز بويۇن قىسىپ
بىر جۈپ پەلەي بوش قالدى !

2015-يىل 1-ئاينىڭ 22-كۈنى خوتەن بۇ يازمىنى ئاخىرىدا   تەمكىن تەھرىرلىگەن. ۋاقتى  2015-1-22 17:33  

يۈرەك جىغ قىلىدىكەن ،
يۈرەكلىكلەر كەتسە .
مۇشى بىلەن يۈرىكى ئوخشاش ،
قۇۋۋەتلىكلەر كەتسە ،
ئارام ئالغىلى كەتتىڭمۇ؟
ۋە يا مۇڭداشقىلى
ئابلىكىم ئاكا بىلەن
سىرداشقىلى
ئېچىشتى يۈرەك
سىلكىندى ۋۇجۇد

ياتقان يىرىڭ جەنەتتە بولسۇن قىرىندىشىم؟

ھەي، كۆڭلۈم بىئارام بولدى، ئاللاھ ياتقان يىرىنى جەننەتتە قىلغاي.

ئ‍ۆزۈم بىلەن ئ‍ۇچۇرۇشۇپ قالدىم شۈكران  

ئ‍انام ئۈچۈن يىغلاۋاتاتتىم
گۈل كۆتۈرۈپ كەلدى بىر توپ كىشىلەر
تېخى چانىقىمدىكى يېشىم قۇرىماستا ئ‍ابدۇراھمال كەتتى دىيىشتى
قاراپ قالدىم تاڭنىڭ كۇڭكىرىگە.

شۇ تاپتا
بىر ئ‍ەزىم دەريانى كۆردىم سۈيى كۆپىيىۋاتقان
ئ‍ېقىن بويلاپ بارسام قېشىغا
كوئ‍ىنلۇن باغرىدا ساناقسىز ئ‍ادەم يىغلاۋېتىپتۇ
ئ‍ادەم توپلاشقان جايغا بارمايتىم ئ‍ەسلى
بىردىنلا توپقا قېتىلىپ قالدىم ئ‍ۆركەشلىگەن  تۈمەن دەرياسى
نەخ پۈتۈن  قەشقەرنى ئ‍وتتۇردىن ئ‍ىككىگگە بۆلىۋەتتى.

يىغلىمايتىم
ھەسرەت بىلەن يىغلىغۇم كەلدى
چۈنكى، ئ‍انام كەتتى
ۋەتەن كەتتى.

پايتەخىتمۇ كەتتى دېگەنلەر
ئ‍اداشقاندەك بىلىندى ماڭا
تەڭرىتاغنىڭ قەددىنى يۆلەپ
تۇرار يەنە نۇرغۇن ئ‍وغلانلار

مەن كېچىنى ئ‍ۇخلىتىۋاتىمەن
كېچە مېنى چۈشەۋاتىدۇ
ئ‍ايغا مۈن دەپ ئ‍ىتتىرىپ تۇرۇپ
قوياش مىنى يۆلەۋاتىدۇ
يەنە ئ‍ۇ چۈشتە
ئ‍ابدۇراھمان مەغرۇر كىتىۋاتاتتى
ئ‍ارقىسىدا ساپلا مۇشتىنى تۈگىۋالغان كىشىلەر
ئ‍ەڭ ئ‍اخىرىدا كۆرۈشۈپ قالدىم مەن ئ‍ۆزۈم بىلەن.

بۇ يازمىنى ئاخىرىدا   begturk تەھرىرلىگەن. ۋاقتى  2015-1-23 02:19