خوتەننىڭ يىڭى دەۋىردىكى ئەدەبىي ئىجادىيەت ئىشلىرىنىڭ مەنبەسى -«خو

       ...ئۇندىن باشقا  ھازىر ئۇيغۇر ئەدەبىياتى مۇنبىرىدە  تۇنۇلغان يازغۇچى-شائىرلاردىن بولۇپ قالغان  مۇھەممەتتۇرسۇن ھەسەن، دۈلەت قۇربان ، ئابدۇرېھىم زۇنۇن، تۇرسۇنجان مۇھەممەت،ئايمۇھەممەت ساھىبى،   مەتسېلىم مەتقاسىم ، ئايىمنىسا سۇلايمان، ھەبىبە مۇھەممەتئېيسا، روزىمۇھەممەت ياقۇپ ، ئۆمەر مەتنۇرى   قۇتيار، ئىمىننىياز مەتنىياز شەيدائى  قاتارلىقلارمۇ  مۇشۇ گېزىتتە ئۆزلۈكسىز تۈردە  ئەسەر ئېلان قىلىش  ئارقىلىق ئۆزلىرىنىڭ  ئۇقۇرمەلەر  قەلبىدىكى ئورنىنى، ئەدەبىيات تارىخدىكى  نۇپۇزىنى تىكلىگەن قەلەم ساھىبلىرىدۇر...

               

قاشتېشى بېتىنى ئوبدانراق ئوقۇڭ، مۇھاكىمە ۋە تەۋىسيەگە نەزىرىڭىزنى ئاغدۇرۇڭ، قاراشلىڭىز نىسبەتەن ئورۇنلۇقتەك قىلىدۇ. لېكىن ىخوتەننىڭ گېزىتىنىڭ قەلبىمدىكى ئورنىنى باشقا ھېچقانداق مەتبۇئات ئالالمايدۇ، چۈنكى مەن بۇ گېزىتكە ئاشىق، ھەر كۈنى كۈتىمەن.

  بۇ گېزىتتە كۆپ ئەسەر ئېلان قىلغان. ئەسەرلىرىمننڭ ھەممىسىسگە پىشقەدەم مۇھەررىرلەردىن دېسىق قاۋۇز ئپەندىنىڭ، ئۇنىڭدىن قالسا ئەسقەر مەمتىمىن، مەتتۇرسۇن ئوسمان، پاتىگۇل ئوسمان، مەغپىرەت ئوسمان، رۇزەخمەت تۇرا قاتارلىق تەھرىر مۇھەررىرلەرنىڭ جاپالىق ئەجرى سىڭگەن. مەن ئۇلارغا ئالاھىدە رەھمەت ئېيتىمەن، ھەم خوتەن گېزىتىنىڭ بۇنىڭدىن كېيىنكى تەرەققىياتىغا تېخىمۇ ئاق يول تىلەيمە !

گىزىت سۈپەتلىك چىقسا ، مۇشتەرى ئۆزى ئىزدە كىلىدۇ.

ئىنىم مەمەت ئۆمەر مەتتۇرسۇن:
ئۈچ تۈرلۈك پىكرىڭىزنى ئەستايىدىل ئويلىدىم،تەھرىر بۆلۈمىدىكىلەرمۇ پىكىرىڭىزگە كۆڭۈل بولدى.

1.        خوتەن گېزىتى دۇنيادىكى گېزىتلەر ئىچىدىكى قەلەم ھەققى ئەڭ تۆۋەن بۇلۇش ئالاھىدىلىكى بىلەن مەشھۇر. ...... بۇ گېپىڭىز ئورۇنلۇق . پات ئارىدا قەلەم ھەققىمۇ ئۆسۈپ قېلىشىمۇ مۇمكىن.
مېنىڭچە قەلەم تۇتقان ھەر قانداق ئەدىب قەلەم ھەققى ئۈچۈن ئەسەر يازماسلىقى مۇمكىن. ئەگەر پۇل ئۈچۈنلا ئەسەر يازىدىغان ئىش  بولسا، نۇرغۇن ئەدىبلەر قەلەمنى تاشلاپ تاشچىلىق، لەڭپۇڭچىلىق، ياكى باشقا كۆپ پۇل تاپقىلى بولىدىغان كەسىپلەر بىلەن شۇغۇللانغان بولاتتى. يېزىقچىلىق زور زېھنى قۇۋۋەت تەلەپ قىلىدىغان ئىجادىي پائالىيەت، چەككەن جاپاغا چۇشلۇق ھەققە ئېرىشىشنى ئويلاش ئىنسان تەبىئىتىگە ئۇيغۇن.مېنىڭچە قەلەم ھەققى ھەرقانداق ئەمگەك ھەققىدىن يۇقىرى بولۇشى كېرەك.
. ‹‹خوتەن گېزىتى›› ئۇيغۇر تىلىنى ساقلاپ قېلىشتىن باشقا ھېچقانداق ئالاھىدىلىكى يوقلىقى بىلەن مەشھۇر
بۇ پىكىرىڭىز ئۆزىڭىزگە ۋەكىللىك قىلىشى مۇمكىن. سىزنىڭ ئالاھىدە ۋاقىت چىقىرىپ، گېزىتىمىزنى تېخىمۇ ياخشى چىقىرىش ئۈچۈن پىكىر – تەكلىپ بېرىشىڭىزنى قارشى ئالىمىز. ئەگەر تېلېفون ئارقىلىق تەكلىپ بەرسىڭىزمۇ بولىدۇ.مەسىلەن قايسى مەخسۇس بەت، قايسى سەھىپە، قايسى ماقالىدىن رازى بولمىدىڭىز ، راستتىنلا گېزىت ئوقۇغان بولسىڭىز ، قانداق مەسىلە ساقلاندى ؟ دېگەندەك مەزمۇنلارنى چۆرىدەپ پىكىر بەرسىڭىزمۇ بولىدۇ ، ئوبزور يازسىڭىز ئۇنى باسىدىغان ‹مۇخبىرلار گۈلزارى ›دەيدىغان مەخسۇس بەت بار ، باھا بەرگەندە پاكىتنى ئاساس قىلىڭ .
ئالاقە نومۇرى: 13899459111
3. خوتەن گېزىتى نۇرغۇنلىغان ئوقۇرمەنلەرنىڭ ئوقۇماسلىقى، بىراق تراژىنىڭ شۇنچە جىقلىقى بىلەن مەشھۇر!
بۇ پىكىرىڭىزگە كونكرېتراق ئىزاھات بېرىشكە توغرا كېلىدۇ. ھازىر ‹‹خوتەن گېزىتى››نىڭ تىراژى 43مىڭغا يېقىنلىشىپ تارىختىكى ئەڭ يۇقىرى سەۋىيەگە يەتتى. شۇنىڭ ئۈچۈن تەھرىر، مۇخبىر، تەرجىمان، كوررېكتور قاتارلىق خادىملار تىرىشىپ خىزمەت قىلىپ، گېزىتنى مۇشتەرىلەر ياقتۇرۇپ ئوقۇغۇدەك چىقىرىش ئۈچۈن تىرىشىۋاتىدۇ. بۇ تىرىشچانلىقنىڭ نەتىجىسى كۆرۈلۈپ، «خوتەن گېزىتى» بۇلتۇر ئاپتونوم رايونىمىز بويىچە «ئاز سانلىق مىللەتلەر يېزىقىدىكى 10 مۇنەۋۋەر گېزىت» نىڭ بىرى بولۇپ باھالاندى. جۈملىدىن «خوتەن گېزىتى» نىڭ «دېھقانلار دوستى» مەخسۇس سانى ئاپتونوم رايونلۇق پارتكوم تەشۋىقات بۆلۈمىنىڭ مۇئەييەنلەشتۈرۈشىگە ئېرىشتى. ھەر قايسى ۋىلايەت، ئوبلاستلارنىڭ گېزىتلىرى «خوتەن گېزىتى» نىڭ «دېھقانلار دوستى» مەخسۇس سانىنى چىقىرىشتىكى تەجرىبىسىدىن ئۆگىنىپ، ئۆرنەك ئېلىۋاتىدۇ.
سىزنىڭ پىكىرىڭىزگە ئوخشاش تەنقىدى پىكىرلەرنىڭ چىقىشى ئاخبارات خادىملىرىنىڭ گېزىتنى تېخىمۇ ياخشى چىقىرىشى ئۈچۈن تۈرتكە بولىدۇ. ئەگەر «خوتەن گېزىتى» گە يەنە بىر‹‹ مەشھۇر›› سۆزىنى قوشۇشقا توغرا كەلسە، «‹خوتەن گېزىتى› مەمەتئۆمەر مەتتۇرسۇننىڭ ئوقۇماسلىقى بىلەن مەشھۇر» دەپ قوشۇپ قويۇش كېرەككەن دەپ ئويلىدىم.
كۆڭلىڭىزگە ئېلىپ قالماڭ، گېزىتكە كۆڭۈل بۆلگىنىڭىزگە تەشەككۈر !
ئەسلىدە سادىر ئەپەندىنىڭ ماقالىسىدە پەقەت گېزىتنىڭ ئەدەبىيات بېتى يادرو قىلىنغان ، ئومۇمىي جەھەتتتىن باھالاش ئېلىپ بېرىلمىغان، بىراق سىز  سادىر ئەپەندىنىڭ ماقالىسىنىمۇ تولۇق ئوقۇمىغاندەك قىلىسىز ، ئەگەر ئوقۇغان بولسىڭىز سادىر ئەپەندى يادروقىلغان تىمىدىن چەتنەپ كەتمەيتتىڭىز ، .......بۇ مۇ ياخشى بوپتۇ ، مۇشۇ سەۋەپ بىلەن سىزنى تونۇۋالدىم. ئالاقىلىشىپ تۇرايلى . بۇ يازمىنى ئاخىرىدا   SADIKSIRDAX تەھرىرلىگەن. ۋاقتى  2014-9-29 10:01  

بۇ پىكىرلىرىڭىزنى يەنە بىر قىتىم ئويلۇنۇپ بېقىش تەكلىپىنى بېرىمەن ئىنىم.
ھازىرقى پەيتتە ئۇيغۇر تىلىنى ساقلاپ قېلىشمۇ تۆھپە ھېساپلانماسمۇ!؟ ئۇنىڭ ئۈستىگە سادىر تۇرسۇننىياز ئۇدۇنلۇق مۇئەللىم ئۆز ماقالىسىدا خوتەن گېزىتى ئەدەبىي بېتىنىڭ ئاپتۇرلار قوشۇنىنى زورايتىش جەھەتتىكى تارىخى مۇساپىسىنى مۇئەييەنلەشتۈرگەن.ھەرگىزمۇ ئەسەرلەر ئۈستىدە تەھلىل يۈرگۈزۈش ئېلىپ بارمىغان.مەن يەنىلا،ماقالىنى سالماقلىق بىلەن قايتا ئوقۇپ بېقىشىڭىزنى سەمىمىي تەۋسىيە قىلىمەن.

تېمىدىن چەتنەپ بېرىلگەن باھا ھەققانىي بولماي قالىدۇ.

ھېلىقى «ئۈچ جۈملە››لىك يەكۈننى مەنمۇ توغرا تاپمايمەن. بۇنىڭدىكى ئاساسلىرىم «سادىق سىرداش››نىڭكى بىلەن ئوخشاش. چۈنكى ماقالدىدىكى گەپ خوتەن گېزىتىنىڭ ئەدەبىيات بېتى ۋە يازغۇچى- شائىرلارنى يېتىشتۈرۈشتىكى يارقىن كۆزنەك ۋە پائالىيەت سورۇنى بولغانلىقىدىن ئىبارەت تارىخى رىئاللىقدۇر!!

ھەممىڭلارنىڭ ئىزدىنىش ئىچىدىكى ئەجىر-مېھنىتىڭلارغا ئالىي تەشەككۈر....!

تەنلىرى ساغلام بوغاي ،سىلە بەك تىرىشچان .

   «خوتەن گېزىتى» نىڭ «قاشتېشى» ئەدەبىيات بېتىنى نادىر ئەسەرلىرى بىلەن قوللاپ كېلىۋاتقان بارلىق قەلەم ساھىبلىرىغا بولغان ھۆرمىتىم چوڭقۇر، مۇمكىن بولسا «خوتەن ئەدىبلىرى سالۇنى» دەپ بىر سەھىپە ئېچىپ ئىجادىيتى «خوتەن گېزىتى» دىن باشلانغان ھازىر ئۇيغۇر ئەدەبىياتىدا مۇئەييەن ئورۇن تۇتقان ئاپتۇرلارنىڭ ئىجادىي پائالىيەت ئەھۋالى توغرسىدا يازغان ماقالىلىرىنى ئوقۇرمەنلەر ھوزۇرىغا سۇنۇلغان بولسا، يېڭىدىن يېتىشىپ چىقىۋاتقان ماڭا ئوخشاش ھەۋەسكارلارنىڭ ئىزدىنىش روھىغا ئىلھام بولۇپ قالاتتى دەپ ئويلايمەن! قالغانغا جاپاكەش مۇھەررىرلەرنىڭ مۇشۇ ھەقتە بىر ئويلىنىپ بېقىشىنى ئۈمىد قىلىمەن !

ياخشى!

سادىق سىرداش ئەپەندى، سىزنىڭ باش مۇھەررىر ئەسقەر مەمىتىمىن بىلەن ناھايىتى سىرداش يېقىن ئىكەنلىكىڭىزنى بىلىمەن، مۇمكىن بولسا بىزمۇ خوتەن گېزىتىنىڭ ئىناۋىتىنى ئۆستۈرۈش، ئەل قەلبىدىكى نوپۇزىنى تىكلەش، باشقا قېرىنداش ۋىلايەتتىكى قېرىنداشلىرىمىزغا خوتەن گېزىتىنى تونۇشتۇرۇش ئۈچۈن بولسمۇ خوتەن گېزىتىنىڭ مۇھاكىمە ۋە تەۋىسىيە، ئارامباغ، قاشتېتىشى بېتى، ئەدەبىيات بەتلىرىدىكى نادىر يازمىلارنى تاللاپ بۇ يەردە ئېلان قىلىپ تۇرساق، ھېلىقىدەك « مەشھۇر »سۆزنى قوشۇپ ئىنكاس يازىدىغانلارنىڭ ئېغىزى بېسىققان بولاتتى. بىلىسىز، مەن خوتەن گېزىتىنىڭ سادىق ئوقۇرمىنى، بۇ جەھەتتە ئادەم كۈچىدىن قىينىلىدىغان ئىش بولسا ئېغىرچىلىقنى كۆتۈرۈشكە تەييارمەن.

   مەنمۇ ماۋۇ ئىنكاسقا ئەگەشتىم! «خوتەن گېزىتى» دىلىم سۇ ئىچكەن خورىماس مەنىۋى بۇلاق! ئېنىقراق قىلىپ ئېيىتقاندا مېنىڭ بۈگۈنۈم- ھازىر ئىشلەۋاتقان خىزمەت ئورنۇم «خوتەن گېزىتى»نىڭ رەھبەرلەر قەلبىدىكى نوپۇزى بىلەن بارلىققا كەلگەن. دىلىمغا مەنىۋى زەم-زەم تامچىلىرى بىلەن ئىلھام بەخىش تويغۇ ئاتا قىلغان «خوتەن گېزىتى»نىڭ كەلگۈسى تەرەققىياتى ئۈچۈن بىر كىشلىك تۆھپە قوشۇشقا مەن ھەر ۋاقىت تەييار! ھەر قانداق ئىش بولسا ھەر دائىم قولۇم كۆكسۈمدە!   بۇ يازمىنى ئاخىرىدا   shaidayi تەھرىرلىگەن. ۋاقتى  2014-10-13 01:28