دىئابىت كىسەللىكىگە دىئاگنۇز قويۇش ۋە ئۇنى ئۇيغۇر تىبابىتىدە داۋ...

TIWIP

دىئابىت كىسەللىكىگە دىئاگنۇز قويۇش ۋە ئۇنى ئۇيغۇر تىبابىتىدە داۋالاش

بۇ كىسەللىك قەدىمى كىلاسسىك ئەسەرلەردە قەن سىيىش كىسىلى دىگەن نام بىلەن ئاتىلىپ كەلگەن. ھازىرغىچە بۇ كىسەلنى ھەقىقى داۋالايدىغان دورا تېپىلماي پەقەت، كونتىرول قىلىپ تۇردىغان دورىلار بىلەن كىسەلنى ۋاقىتلىق كونتىرول قىلىپ كەلمەكتە. ئاخىرى بۆرەك، ئۈچەي، ئۆپكە، جىگەر قاتارلىق ئەزالىرى زەھەرلىنىپ ھاياتىغا ئېغىر خەۋىپ كەلتۈرۋاتقان جاھىل خاراكتىرلىك كىسەل بولۇپ بىمارىنى ئۆمۈر بويى غەم-قايغۇىغا سالماقتا.
كىسەللىك ئالامىتى: ئېغىز قورۇش، ئېغىز تەمى ئاچچىق بولۇش، تىلى توم ئاق گەز باغلاش، كۆپ ئۇسساش، كۆپ يېيىش، كۆپ تەرلەش، كۆپ سېيىش، قەۋزىيەت بولۇش، بەدەن ئۇرۇقلاش، پۇت-قوللىرى تېلىپ ئاغرىش، بەل ئاغرىش، كۆز خىرەلىشىش، تىرناق ئۈستىدە بويىغا سىزىقچىلار بولۇش، يۈز ساھەسىدە ئۆمۈچۈك تورىدەك قىزىل تومۇرلارنىڭ كۆرۈنۈپ قېلىشى، نەپەس قىستاش، يۆتەل پەيدا بولۇش، ئاخىرىقى باسقۇچلىرىدا سۈيدۈك ئازلاپ پۇتىدىن باشلاپ پۈتۈن بەدەن ئىشىش، ئىشىغان جاي يېرىلىپ زەخمىلىك جاراھەت پەيدا بولۇپ، گۆشلىرى چىرىپ ئېقىپ كىتىشتەك ئالامەتلەر بولىدۇ.
جىگەر مەنبەلىك بولغاندا ئالدى بىلەن ئۇسسۇزلۇق كۆپ بولۇشتىن باشلىنىدۇ. قان تەكشۈرگەندە قاندا قەنىت بارلىقى سۈيدۈكتە قەنىت يوقلىقى بايلىقىدۇ. بۆرەك مەنبەلىك بولغاندا سۈيدۈك كۆپ بولۇشتىن باشلىنىدۇ، تەكشۈرگەندە قاندا قەنىت يوق سۈيدۈكتە قەنىت بار بايلىقىدۇ.
داۋالاش ئۇسۇلى: بىرىنچى روھىي جەھەتتىن داۋالاش بولۇپ، كىسەلنىڭ ھەقىقى داۋاسى بارلىقىغا چوقۇم ساقىيدىغانلىقى توغرىسىدا ئىشەنچىگە ئىگە قىلىشى لازىم.
ئىككىنچى غىزا بىلەن داۋالاش، كىسەلنىڭ بەدەن قۇۋۋىتىگە قارىتا مۇۋاپىق غىزا بىلەن بەلگىلەش لازىم. جىگەر مەنبەلىك بولغاندا نوقۇت، كەپتەر، قۇشقاچ، ئات، تۆگە، توشقان گۆشلىرى. سەيلەردىن سوڭپىياز، سامساق، ئاق بەسەي، جاڭدۇ، كاللەك بەسەي قاتارلىقلارنى بىرىش كىرەك. بۆرەك مەنبەلىك بولغاندا ئاق چامغۇر، چەيزە، پالەك، سامساق، ياش قوينىڭ بۆرەك يېغى، ئارپا ئېشى، گۈرۈچ ئېشى، ئارپا نېنى بىرىش لازىم. غىزامۇ كىسەلىنىڭ باسقۇچىغا قارىتا بەلگىلىنىشى لازىم، مەسىلەن: قان قەنىتىنى چۈشۈرۈش باسقۇچىدا قان كۆپەيتىدىغان گۆشلەرنى قەنلەرنى بەرمەسلىك لازىم، قان قەنتىنى تۇراقلاش باسقۇچىدا گۆش، گۈلقەنىتلەرنى ھەسەل، توخۇم، ياڭاق قاتارلىق كۈچلۈك غىزالار بىرىلىدۇ.
ئۈچىنچى دورا بىلەن داۋالاش. دورا بىلەن داۋالاش باسقۇچى تۆت باسقۇچ بولۇپ، بىرىنچى باسقۇچى قاندىكى قەنىت سۈيدۈكتىكى قەنىت چۈشۈرۈش باسقۇچى بولۇپ، بۇ باسقۇچتا مۇنزىچ، مۇسھىل بىرىلىدۇ يەنى جىگەر مەنبەلىك بولغاندا سەۋدا بىلەن بەلغەمنىڭ مۇنزىچى 10-15 كۈنگىچە بىرىلىدۇ ئاندىن مۇسھىل 3 كۈن بىرىلىدۇ. بۇ ئارقلىق قاندىكى قەنىت مىقدارى تۇراقلىشىدۇ. ئىككىنچى باسقۇچ. تەڭشەش باسقۇچى بولۇپ 7 كۈن بولىدۇ. قاندىكى ھەم سۈيدۈكتىكى قەنىت نورماللاشقاندىن كىيىن مەجۈنى دەبىدىل ۋەرىت بىرىلىدۇ. ئۈچچىنى باسقۇچ تۇراقلاشتۇرۇش باسقۇچى بولۇپ بۇمۇ 7 كۈن بولىدۇ. تۆتىنچى باسقۇچ قۇۋۋەتلەش باسقۇچى بولۇپ 1 ئايغىچە بولىدۇ. جىگەر مەنبەلىك دىئابىت كىسىلىگە جاۋارىش ئامىلە، ئامىلە نۇشدارى، جاۋارىش ئۇدشىرىن، ئىسكەنجىبىن، بۇزۇرى بىرىلىدۇ. يۇقاردىكى ئالامەتلەر نورماللاشقاندىن كىيىن ماددەتۇلھايات، جاۋارىش زەرئۇنى ، مەجۈنى ئۇدتۇرۇش بىرىلىدۇ. قۇۋۋەتلەش باسقۇچىدا جاۋارىش ئەنبەر، مەجۈنى مەسھا، لوبۇبى كەبر بىرىلىدۇ.
دىئابىت كىسىلىگە قان بېسىم كىسىلى، نەپەس قىستاش، بوغۇم ئېششىقى، ب تىپلىق جىگەر ئىششقى قاتارلىق كىسەللەر ئەگىشىپ كەلسە داۋالاشتا دىئابىت كىسىلىگە زىيان قىلمايدىغان مەنپەتلىك دورىلارنى ئىشلىتىش كىرەك. مەسىلەن: نەپەس قىستاش، ئىشىش بولسا مەتپۇخزۇپا بىرىش، قان بېسىم يۇقىرى بولسا ئەرقىگاۋزىبان، ئەرقىئەۋرىشىم بىرىش. بوغۇم ئىششقى بولسا قىزىلگۈل ئەرقى، ئەرقى شوخلا بىرىش. جىگەر ياللۇغى بولسا مەجۈنى دەبىدىل، دىلۋەرگە بىرىش .ئەگەربوغماق ئۇچۇي ئششىغى بولسا ھەبىبى زەھرە ئەرقى نانىخا بىرىش كىرەك. بۆرەك مەنبەلىك دىئابىت كىسىلىگە قۇرسى دىئابىت، سۇپۇپ دىئابىت، مەجۈنى كۇندۇر. سۈيدۈكتە ئاقسىل بولسا قۇرسى بانادۇق سۈيدۈكتە قان بولسا قۇرسى كەھرىۋا بىرىش لازىم. يۇقارقى دورىلار مەخسۇس ئالاھىدە رىتىسىپلار بولۇشى كىرەك. قوشۇمچە ئىشلىتىدىغان دورىلار: تەمرىھىندى، خولىنجان، شاقاقۇل، ئەرمىدۇن ئۇرۇقى، خېمىرمۇمسىك بەرسە ئۈنۈمى ناھايىتى تىز. دىئابىت كىسىلىدە ئاقما پەيدا بولسا ئەرقىشىپاھ بىلەن يۇيۇپ سۇپۇپگىل ئەرمىنى سىپىلىدۇ ئەگەر قېتىۋېلىپ يەنە يېرىڭ يىغسا زەيتۇن يېغى بىلەن مايلاپ يۇمشىتىپ يەنە تازلىنىدۇ. يېرىڭ چىقسا مۇزا، زەجىۋە، قىزىلگۈل سىپىلىدۇ.

1741933040

maga  meclihet  bercigiz  uc taz

ئىزدەن

دىئابىت بىمارلېرى بىلىشكە تىگىشلىك ياخشى تېما ئىكەن.ئويغۇر تىبابىتى ئارقىلىق داۋالىنىش ئەكىس تەىسىرى بولمىغان ياخشى ھەم ئۈنۈملۈك تاللاش دەپ قارايمەن ئۆزەمچە.........