تۇبىركىليۇز كىسەللىىكىنىڭ يۇقۇش يولى

TIWIP

تۇبىركىليۇز كىسەللىىكىنىڭ يۇقۇش يولى1-نەپەس ئارقىلىق يۇقۇش:بۇ ئەڭ ئاساسلىق يۇقۇش يولى بۇلۇپ،تۈكۈرۈك چاچىراندىلىرى ئارقىلىق يۇقۇشنى ئاساس قىلىدۇ.
يەنى يۇقۇشچانلىققا ئىگە ئۆپكە تۇبىركىليۇز بىمارلىرى يۆتىلىش،چۈشكۈرۈش ۋە يۇقۇرى ئاۋازداگەپ قىلغاندا سىرتقا تەركبىدە كۆپ مىقداردا تۇنىركىليۇز باكتىرىيسى بولغان چاچىراندىلارنى چىقىرىدۇ(يەنى بىر قېتىم چۈشكۈرگەندە تەركىبىدە تەخمىنەن بڭر مىليۇن دانە تۇبىركىليۇز باكتىريسى بولغان چاچىراندىسىنى چىقىرىدۇ.بىر قېتىم يۈتەلگەندە تەركىبىدە تەخمىنەن 3500دانە تۇبىركىليۇز باكتىرىيسى بولغان تۈكۈرۈك چاچراندىسى سىرتقا چىقىدۇ.بەش مىنۇت گەپ سۆز قىلغاندا چىقارغان تۈكۈرۈك چاچراندىسىنىڭ سانى بىر قېتىم يۈتەلگەندە چىقارغان تۈكۈرۈك چاچراندىسىغا تەڭ كىلىدۇ)بۇ چاچىراندىلار تەركىبىدىكى تۇبىركىليۇز باكتىرىيلىرى ھاۋادا لەيلەپ يۈرۈپ،نەپەسلىنىش ئارقىلىق ساغلام ئادەم بەدىنىگە كىرىپ يۇقۇملاندۇرىدۇ.ئۇندىنباشقا يۇقۇشچانلىققا ئىگە ئۆپكە تۇبىركىليۇز بىمارلىرى خالىغان جايغا قالايمىقان بەلغەم تۈكۈرسە ،بەلغەنم قۇرىغاندىن كىيىن تەركىبىدىكى تۇبىركلىيۇز باكتىرىيسى ھاۋاغا كۆتۈرىلىدۇ.گەرچە بۇ باكتىريىلەر ھاۋادا لەيلەپ يۈرۈپ ،قۇرۇپ،پارچىلىنىپ دانچە بولۇپ،قۇياش نۇرىنىڭ بىۋاستە ۋە ۋاستىلىك تەسىرىگە ئۇچىراپ ،ھاياتى كۈچى بەلگىلىك دەرىجىدە ئاجىزلىسىمۇ،لىكىن يەنىلانەپەس ئارقىلىق ئادەم بەدىنىگە كىرىپ يۇقۇملاندۇرىدۇ.لىكىن تۇبىركىليۇز باكتىريىسى نەپەس يۇلى ئارقىلىق بەدەنگە كىرىشى بىلەنلا يۇقۇملىنىش پەيدا قىلىشىمۇ ناتايىن.چۈنكى تۇبىركىليۇز باكتىرىيسىنىڭ دىئامىتىرى بەش مىكرومىتىردىن كىچىك بولغانلىرىلا كاناي ۋە ئۆپكە پۈۋەكچىسىگە بارالايدۇ.بارغانلىرىمۇ ئۆپكە پۈۋەكچە سۇيۇقلۇقى ۋە تىۋىتلىرىنىڭ ھەركىتى ئارقىلىق سىرتقا چىقىرۋېتىلىدۇ ياكى ئۆپكە پۈۋەكچە زور يۇتقۇچى ھۈجەيرلىرى تەرىپىدىن يۇتۇلۇپ ئۆلىدۇ ياكى تۇرمۇزلىنىدۇ.ئۇندىن باشقا بۇرۇن بوشلۇقىبن ئەگرى ھەن ئىچىدە شىلشىملىق سۇيۇقلۇق بولغاچقا ،تەركىبىدە تۇبىركىليۇز باكتىرىيسى بار چوڭراق دانچىلار بۇرۇن بوشلۇقىدا قېپقالىدۇ.لىكىن كىرگەن باكتىرىيە سانى كۆپ ،زەھىرى كۈچلۈك بولغاندا ئاسانلا يۇقۇملىنىشنى پەيدا قىلىدۇ.
2-ھەزىم قىلىش يولى ئارقىلىق يۇقۇش:يۇقۇملۇق تۇبىركىليۇز بىمارلىرى ئىشلەتكەن تۇبىركىليۇز باكتىرىيسى يۇقۇندىلىرى قېپقالغان قاچا قۇچىلارنى دىزىنفىكىسىيە قىلماي ئىشلىتىش ۋە ئۇلاردىن ئېشىپ قالغان يىمەكلىكلەرنى يىيىش ۋە كالا سۈتىنى پىشۇرۇپ ئىچمەي خام ئىچىش(كالا سۈتىنىڭ كالا تىپىلىق تۇبىركىليۇز باكتىرىيسىدىن بۇلغىنىش ئېھتىمالى بار)قاتارلىق شەكىللەر ئارقىلىق تۇبىركليۇزباكتىرىيسى ئاشقازان كىسلاتاسى تەرىپىدىن ئۆلتۈرۈلىدۇ.لىكىن كۆپ مىقداردا كىرگەندە يۇقۇملىنىشنى كەلتۈرۈپ چىقىرالايدۇ.
3-باشقا يۇقۇش يوللىرى
تىرە ئارقىلىق يۇقۇش:نورمال ئەھۋالدا تىرە سىرتتىن كىرگەن باكتىرەيەلەرنى تۇسالايدۇ.لىكىن تىرە زەخمىلەنگەندە تۇبىركلىيۇز باكتىرىيسى زەخمىلەنگەن ئورۇندىن كىرىپ يۇقۇملاندۇرىدۇ.
بادامبەز ئارقىلىق يۇقۇش:بادامبەزمۇ تۇبىركليۇز باكتىريسى ھۇجۇم قىلىپ كىرىدىغان دەۋرانلارنىڭ بىرى.تۇبىركىليۇز باكتىريىسى بادامبەزنى يۇقۇملاندۇرغاندىن كىيىن يۇتقۇنچاق ۋە بۇيۇن لىمفا تۈگۈنچىسى يۇقۇملىنىشنى كەلتۈرۈپ چىقىرىدۇ.
بالياتقۇ ئىچىدە يۇقۇملىنىش:ھامىلدار ئايال ھەركەتجان تۇبىركىلىيۇز كىسەللىكىگە گىرىپتار بولغاندا بالياتقۇ ئىچىدكى بالا،بالا ھەمراھى ئارقىلىق يۇقىدۇ