قاپاقنىڭ سەۋەبسىزلا قىچىشىپ، ھەرە چاققاندەك قىزىرىپ ئىششىشى بىلەن ئىششىقى يانماي توختاپ قېلىشى شىرايى پۇلۇك دەپ ئاتىلىدۇ. بۇنىڭ سەۋەبى كۆپىنچە قان ياكى سەپرادىن بولىدۇ. داۋاسى: قىيپال تومۇرىدىن قان ئېلىش ياكى مەتبۇخى ھېلىلە )تەركىبى: سېرىق ھېلىلە پوستى 33 گرام، تەمرى ھىندى 66 گرام، ئەينۇلا 30 دانە، سەرپىستان، بىنەپشە، كىچىك سېرىق يۆگەي ئۇرۇقى ۋە كاسىنە ئۇرۇقى 16 گرامدىن، پۇنۇس 82 گرام، تەرەنجىبىندىن 66 گرامدىن ئېلىپ، پۇنۇس ۋە تەرەنجىبىندىن باشقىلارنى چالا سوقۇپ، دورىلار چوككۈدەك سۇغا بىر كېچە چىلاپ قويۇپ، ئەتىسى يېرىمى قالغۇچە قاينىتىپ، قازاننى ئېلىۋېتىپ ئۈستىگە تەرەنجىبىن، پۇنۇس سېلىپ تازا ئارىلاشتۇرۇپ، ماتادىن ئۆتكۈزۈپ تەييارلىنىدۇ( دىن كۈندە ئىككى قېتىم، ھەر قېتىمدا 66 ~ 213 گرامغىچە بېرىلىپ، شادىنەج، ئەدەسى مەغسۇلدىن سۈرمە تارتىش كېرەك. شەربىتى شاھتەررە )تەركىبى: سېرىق ھېلىلە، كابىل ھېلىلىسى، بەلىلە ۋە ئامىلىنىڭ پوستى 16 گرامدىن، شاھتەررە، سانا ۋە شۇمشا 13 گرامدىن، قارا ھېلىلە 17 گرام، نېلۇپەر ۋە مامىرانچىنى 33 گرامدىن، ئەفتىمۇن ۋە قىزىلگۈل ئون گرامدىن، بەدىيان، كاسىنە ئۇرۇقى، كەرەپشە ئۇرۇقى، بىستىپايەج، ئۈستقۇددۇس ۋە يالپۇز يەتتە گرامدىن، چىلان ۋە ئەينۇلىدىن 20 دانىدىن >بۇلارنى چالا سوقۇپ، چىلاشقۇدەك سۇ قۇيۇپ بىر كېچە قويۇلىدۇ<. پۇنۇس ۋە تەمرى ھىندىدىن 50 گرام، تەرەنجىبىندىن 33 گرامدىن ئېلىپ، چىلانغان دورىلارنى يېرىمى قالغۇچە قاينىتىپ بولغاندىن كېيىن، ئۈستىگە پۇنۇس، تەمرى ھىندى، تەرەنجىبىننى سېلىپ، تازا ئارىلاشتۇرۇپ ماتا ئارقىلىق سۈزۈپ تەييارلىنىدۇ( دىن مۇۋاپىق مىقداردا ئىستېمال قىلىنىدۇ. بۇ كېسەلگە ياخشى نەتىجە بېرىدۇ | 
يوللىغان ۋاقتى 2012-12-30 02:02:19
