تىل ئاستى ئۆسمىسى

TIWIP

تىل ئاستىدا ئۆسۈپ قالغان ئۆسمە گۆش بولۇپ، شەكلى ۋە رەڭگى خۇددى پاقىغا ئوخشايدۇ.   سەۋەبى:   كۆپىنچە قان ياكى بەلغەم ماددىسىنىڭ تىل ئاستىغا چۈشۈپ قېتىپ قېلىشىدىن بولىدۇ.   داۋاسى:   ئالدى بىلەن ماددىنى سۈرۈپ چىقىرىش ئۈچۈن مەتبۇخى ئەفتىمۇن  )تەركىبى: ئەفتىمۇن، كابىل ھېلىلىسى ۋە ئۈستقۇددۇس 33 گرامدىن، شاھتەررە، بىستىپايەج ۋە سانا 17 گرامدىن، غارىقۇن ئۈچ گرام، سەبرىدىن يەتتە گرامدىن ئېلىپ، ئەفتىمۇندىن باشقا دورىلارنى سوقۇپ، ئۈچ كىلوگرام سۇ قۇيۇپ يېرىمى قالغۇچە قاينىتىپ، ئەفتىمۇننى بىر خالتىغا سېلىپ، ئاغزىنى بېكىتىپ قازانغا تاشلاپ قويۇش لازىم. دورىلارنى داكا بىلەن سۈزۈپ، سىقىپ، سۈزۈلگەن سۈيى ئۈستىگە سەبرە ۋە غارىقۇننى >سىم ئەلگەكتىن ئۆتكۈزۈلگەن< سېلىپ تەييارلىنىدۇ( ئىستېمال قىلىنىدۇ. سۆئتەر، زۇپا، تۇز، ئانار پوستى، نۆشۈدۈر، زاك، زەڭگار، گۈلسەۋسەنلەرنى ئېھتىياجغا لايىق ئېلىپ، قاينىتىپ سىركە ئارىلاشتۇرۇپ، ئېغىزىنى چايقاش ئۈچۈن بېرىلىدۇ. ئەگەر بۇ ئۇسۇل نەتىجە بەرمىسە، يىڭنە بىلەن تېشىپ سۈيىنى چىقىرىپ تاشلىغاندىن كېيىن قايچا بىلەن كېسىپ ئېلىنىدۇ