قولدا لەززەتلىنىش دەسلەپتە كۆپ ھاللاردا مەقسەتسىز ھالدا جىنسىي ئەزانى ئويناش ياكى ئىشتان بەك تار بولغانلىقتىن جىنسىي ئەزا غىدىقلىنىپ، جىنسىي تەلەپ قانغانلىقتىن كېلىپ چىقىدۇ، ئۇنىڭ ئۈستىگە جىنسىي ئەزا يېتىلگەندە جىنسىي ئەزا قوزغىلىشتىن ساقلانغىلى بولمايدۇ، بۇ ئىختىيارسىز ھالدا قولدا لەززەتلىنىشكە ئېلىپ بارىدۇ. ۋاقىت ئۇزارغانسىرى بۇ، ئۆزىنى تارتقىلى بولمايدىغان ئادەتكە ئايلىنىپ قالىدۇ. قولدا لەززەتلىنىش خۇمارغا ئايلانغاندا ئادەمنىڭ روھىي ۋە جىسمانىي ساغلاملىقى تەسىرگە ئۇچىرايدۇ، كۆڭلىنى زىددىيەتلىك خىياللار ۋە جىددىيلىك قاپلايدۇ، ھەرقېتىم قولدا لەززەتلىنىشتىن ئاۋۋال ھامان غىدىق تەلەپ قىلىدۇ، لەززىتى تۈگىگەندىن كېيىن بولسا، ئادەم ئىنتايىن بىئارام بولىدۇ ۋە پۇشايمان قىلىدۇ. ئۇزاق ۋاقىت مۇشۇنداق غىدىق تەلەپ قىلىش ۋە داۋاملىق ئۆزىنى ئۆزى ئەيىبلەش نەتىجىسىدە ئادەم پىكرى غۇۋالىشىپ، روھىي چۈشۈپ، ئىنتايىن بىئارام ۋە تىت - تىت بولىدىغان بولۇپ قالىدۇ، بولۇپمۇ قولدا لەززەتلەنسەم بۇندىن كېيىنكى جىنسىي تۇرمۇشىمغا تەسىر يېتەرمىكىن دەپ ئەنسىرەپ، كەيپىياتى تېخىمۇ تۆۋەنلەپ كېتىدۇ - دە، ئارتۇقچە روھىي جاراھەت پەيدا بولۇپ، خىزمەت، ئۆگىنىشكە تەسىر يېتىدۇ. قولدا لەززەتلىنىش ئۇزاق داۋاملاشسا ھەمدە قېتىم سانى كۆپ بولسا، جىنسىنى كونتىرول قىلىغۇچى «قوماندانلىق شىتاب»جىددىي ھالەتكە چۈشۈپ قېلىشى، شۇنداقلا جىنسىي ئەزا تەلەپ قىلىدىغان غىدىقنىڭ «چەك قىممتى» ئېشىپ كېتىشى مۇمكىن. قولدا لەززەتلىنىش نەتىجىسىدە جىنسىي ئىقتىدار نورمالسىز بولۇپ قالغانلار ھەقىقەتەن بار. قولدا لەززەتلىنىش شۇنچە زىيانلىق ئىكەن، كىشىنىڭ بېشىنى قاتۇردىغان بۇ يامان ئادەتنى بالدۇرراق تۈزىتىش كېرەك. خوش، قولدا لەززەتلىنىشتىن ئىبارەت بۇ يامان ئادەتنى قانداق قىلغاندا تاشلىغىلى بولىدۇ؟ بۇنىڭ تۆۋەندىكىدەك چارىلىرى بار: 1. توغرا كىشلىك تۇرمۇش قارىشىنى تىكلەش، ئۇلۇغۋار غايە تۇرغۇزۇش، جىنسىي مەسلىگىلا بېرىلىپ كەتمەي، پايدىلىق مەدەنىي، تەنتەربىيە پائالىيەتلىرى بىلەن شۇغۇللىنىش ۋە تەرتىپلىك تۇرمۇش تۈزۈمى ئورنىتىش، جىنسىي مەسلىگە بولغان دىققەتنى ئىمكانقەدەر سۇسلاشتۇرۇش لازىم. بۇنى ئىشقا ئاشۇرۇشتا ئىرادە ۋە جاسارەت بولۇشى كېرەك. 2. كىيىم - كېچەكنىڭ تار بولۇپ قېلىشىدىن ساقلىنىپ، جىنسىي ئەزانىڭ يەرلىك غىدىقلىنىشىنى ئازايتىش، بالىلارنىڭ جىنسىي ئەزاسىنى ئوينىشىنى توسۇش لازىم. 3. جىنسىي ئەزانى پاكىز ساقلاش، يەرلىك ياللۇغلىنىش قاتارلىق كېسەللىك ئۆزگىرىشى تۈپەيلى ئۇنىڭغا قان تولۇپ، ئۇنى قايىم قىلىپ قويۇشۇتىن ۋە جىنسىي قوزغىلىشتىن ساقلىنىش لازىم. 4. ناۋادە قولدا لەززەتلەنگۈسى كېلىپ، كونتىرول قىلىش مۇمكىن بولمىسا، مۇھىتنى دەرھال ئۆزگەرتىش ياكى كىشلەر بىلەن مۇڭدىشىش ئارقىلىق يالغۇزلۇقتا خىيال سۇرۇشتىن ساقلىنىش، يەنى قولدا لەززەتلىش شارائىتىنى يوقىتىش كېرەك. بىلىش كېرەككى، قولدا لەززەتلىنىشكە خۇمار بولۇپ قېلىش تولىمۇ ناچار بىر خىل ئادەت، ئۇ جىنسىي تۇرمۇشقا نۇرغۇن ئاۋارىچىلىق كەلتۈرىدۇ. ئەمما بۇ يامان ئادەت تاشلانسا، ئانچە چوڭ مەسلىمۇ كۆرۈلمەيدۇ. ئۇمۇمەن، كېينكى جىنسىي ئىقتىدارغا تەسىر يەتمەيدۇ. جىنسىي تۇرمۇشقا گەرچە بىر مەھەل ئازراق تەسىر يەتكەن تەقدىردىمۇ ، مەلۇم ۋاقىت ياخشى دۇرا ئىستىمال قىلسا ۋە ياخشى دەم ئېلىنسا، توي قىلغاندىن كېيىن جىنسىي ئىقتىدارنى ئوخشاشلا نورمال جارى قىلدۇرغىلى بولىدۇ. | 
تىۋىپ تورى يانفون تېرمىنالىدا يېزىلدى
يوللىغان ۋاقتى 2012-12-23 02:38:26
يوللىغان ۋاقتى 2012-12-29 02:25:48
مەندېمۇۇزۇنبولدېبۇكېسەل
