بۇرۇن راكى ( سەرتانۇلئەنفى )

TIWIP

بۇرۇن راكى ( سەرتانۇلئەنفى ، سەرتانى بىينى ) بۇرۇن ئىچى ياكى سىرتىغا ئۇزاق داۋاملاشقۇچى ئۆسمە گۆش ياكى بەز پەيدا بولۇپ ، تەدرىجىي ھالدا يامان سۈپەتلىككە ئايلانغانلىقىغا قارىتىلغان .
سەۋەبى:
بۇزۇلغان سەۋدا ماددىسىنىڭ بۇرۇن ئىچىگە يامان تەسىر كۆرسەتكەنلىكى تۈپەيلىدىن ئىششىق ياكى ئۆسمە گۆش پەيدا بولۇپ ، داۋالانسىمۇ ياخشىلانماستىن ئۇزۇنغا سۇزۇلۇش بىلەن ئاخىرى راكقا ئايلىنىدۇ .
ئالامىتى:
دەسلەپكى مەزگىللەردە بۇرۇن ئىچىگە بەز ياكى گۆشكە ئۇخشاش مۇنەك پەيدا بولغانلىقى بىلىنىدۇ . بۇرۇن بەپەس يوللىرى قىسمەن ياكى پۈتۈن توسۇلغانلىقتىن ئوخشاش بولمىغان دەرىجىدە نەپەس ئېلىش دەخلىگە ئۇچرىغانلىقى بىلىنىدۇ . بەزى كىشىلەردە بۇ مۇنەك چوڭىيىپ بۇرۇن سىرتىغا كۆتۈرۈلۈپ چىققانلىقى مەلۇن بولىدۇ . لېكىن قىچىشىش ، ئاغرىش ، قىزىرىش ، يىرىڭ ياكى زەرداپ چىقىش قاتارلىق ئالامەتلەر بولمايدۇ . بۇرۇن پەرۋاسىرى ياكى بۇرۇن ئاقمىسى ( ناسۇرى ) بىلەن بۇرۇن سەرتانىنىڭ ئالامەتلىرى روشەن پەرقلەرگە ئىگە .

داۋاسى:
ئالدى بىلەن سەۋەبىنى ئېنىقلاش كېرەك . بۇزۇق سەۋدانى تازىلاش ئۈچۈن ھەببى ئىيارەج ،ھەببى قوقيا ، مەتبۇخى ئەفتىمۇن ، مەيبۇخى شاھتەررە قاتارلىق دورىلارنى كېسەلنىڭ ئەمەلىي ئەھۋالىغا قاراپ بېرىش ، سرتتىن مەلھىمى ئاقاقىيا ئىشلىتىش كېرەك .

مەلھىمى ئاقاقىيا
ئاقاقىيا 3 گىرام ، زاك ، زەرنىخ ھەر بىرى 1 گىرام، زەرنگار 2 گىرام، نۆشۈدۈر 2 گىرام ، زەمچە 1 گىرام ، ئاق موم 15 گىرام ، زەرغىنى ۋەرد 5 گىرام ،ھەسەل 15 گىرام .

مەزكۇر دورىلارنى يۇمشاق سوقۇپ ، تاسقاپ ، ھەسەل ، مۇملارنى قائىدە بويىچە ئېرىتىپ ، سوقۇلغان دورىلار بىلەن ئوبدان ئارىلاشتۇرۇپ ، مەلھەم قىلىپ سەرتاننىڭ ئەتراپىنى ياغلاش كېرەك .

ھەببى كىبرىت ، ھەببى سىماب ، مەئجۇنى ئەفئا ( ئوق يىلان مەئجۈنى ) قاتارلىق كۈچلۈك دورىلارنى ئىھتىياجىغا قاراپ ئىشلەتسە بولىدۇ .

قەدىمكى ھۆكۈمالارنىڭ ئېيتىشىچە : بۇ كېسەللىكنى دەستىكارى ئۇسۇلىدا داۋالاش ئۈنۈملۈك چارىدۇر . لېكىن تىغ تەككەندىن كېيىن تېخىمۇ ئەۋج ئېلىپ كېتىش ئېھتىمالى بار . شۇڭا ئۆسمىنى كېسىپ تاشلىغاندىن كېيىن ئىلاجى بار ئۆسمە ئورنىنى داغلاش كېرەك.