قۇرۇق ئۈزۈم ۋە شىپالىق رولى

ساقلىق

قۇرۇق يەل-يىمىشلەرنى كۆپ ئىستېمال قىلىپ بەرسە ئادەم بەدىنىگە ئىنتايىن پايدىلىق. ئەمما قۇرۇق ئۈزۈمنىڭ ئادەم بەدىنىگە بولغان تەسىرى باشقا مېۋىلەرگە قارىغاندا تېخىمۇ ئالاھىدە بولۇپ، تەتقىقاتلاردا قۇرۇق ئۈزۈمنىڭ رولىنى تۆۋەندىكىدەك بىر قانچە تۈرگە يىغىنچاقلىدى.
1. قان تولۇقلايدۇ.
قۇرۇق ئۈزۈمنى تەتقىق قىلىش ئارقىلىق، قۇرۇق ئۈزۈم تەركىبىدىكى تۆمۈر مىقدارىنىڭ ھۆل ئۈزۈم بىلەن سېلىشتۇرغاندا 15 ھەسسە يۇقىرى ئىكەنلىكى، نەچچە خىل مىنېرال ماددا ۋە كۆپ خىل ۋىتامىن بارلىقى بايقالدى. كۈندە نەچچە تالدىن قۇرۇق ئۈزۈم يەپ بەرسە ئادەم بەدىنىدىگە ئوزۇقلۇق تولۇقلاپلا قالماي، قان تولۇقلايدۇ، قان ئازلىق كېسلىگە داۋا بولىدۇ ۋە ماغدۇرسىزلىنىشنىڭ ئالدىنى ئالىدۇ.
2. تاجىسىمان يۈرەك كېسىلىگە داۋا قىلىدۇ
قۇرۇق ئۈزۈم تەركىبىدىكى گلۇكوزا يۈرەكنى كۈچلەندۈرۈپ يۈرەكنىڭ نورمال ئىقتىدارىنى جارى قىلدۇرۇشىغا ياردەم قىلىدۇ. تاجىسىمان يۈرەك كېسىلىگە گىرىپتار بولغان كىشىلەر كۈندە مۇۋاپىق مىقداردا قۇرۇق ئۈزۈم ئىستېمال قىلىپ بەرسە يۈرەكنىڭ قان ئىشلەپچىقىرىشىغا ياردەم قىلىدۇ. لېكىن شۇنىڭغا دىققەت قىلىش كېرەككى: دىئابېت كېسىلى بار كىشىلەر قۇرۇق ئۈزۈمنى كۆپ ئىستېمال قىلسا بولمايدۇ.

3. نېرۋىنى ئوزۇقلايدۇ
نېرۋا چارچاش، ئاجىزلاش، ئىممۇنىتېت كۈچى ئاجىزلاش قاتارلىق ئوزۇقلۇق كەمچىل بولۇشتەك كېسەللىكلەرگە داۋا بولىدۇ. خانىم-قىزلارنىڭ ئەڭ ياخشى ئوزۇقلۇق تولۇقلاش يېمەكلىكى.
4. خولېستېرىن مىقدارىنى تۆۋەنلىتىدۇ
قۇرۇق ئۈزۈمنىڭ يەنە قان-تومۇرلارنى راۋانلاشتۇرۇش رولىدىن باشقا يەنە، خولېستېرىن مىقدارىنى تۆۋەنلىتىپ قان نوكچىسى پەيدا بولۇشنىڭ ئالدىنى ئالىدۇ، قان تومۇر كېسەللىكلىرى پەيدا بولۇشنىڭ ئالدىنى ئالىدۇ. 
5. ئاشقازان ۋە ئۈچەينى ئاسرايدۇ
قۇرۇق ئۈزۈمنى كۆپ ئىستېمال قىلىپ بەرسە ئاشقازان ئۈچەينى راۋانلاشتۇرىدۇ. چۈنكى قۇرۇق ئۈزۈم تەركىبىدىكى تارتارىك كىسلاتاسى ئۈچەيدىكى يىغىلىپ قالغان ماددىلارنى بەدەن سىرتىغا چىقىرىپ تاشلاپ قەۋزىيەت ۋە ئۈچەي توسۇلۇپ قېلىشنىڭ ئالدىنى ئالىدۇ.

6. راك ۋە ئۆسمىنىڭ ئالدىنى ئالىدۇ
قۇرۇق ئۈزۈمنىڭ راك كېسىلىگە قارشى تۇرۇش رولى ئىنتايىن چوڭ بولۇپ، تەتقىقاتلارغا ئاساسلانغاندا قۇرۇق ئۈزۈمنى كۆپ ئىستېمال قىلغان كىشىلەر ئىچىدە راك كېسىلىگە گىرىپتار بولغانلار سانى ئىنتايىن ئاز ئىكەن. ئۇنىڭدىن باشقا يەنە ھۈجەيرە راكى ۋە ئۆسمە پەيدا بولۇشنىڭ ئالدىنى ئالىدۇ.
7. ياشانغانلاردىكى يۈرەك كېسىلىگە پايدا قىلىدۇ
ياشانغانلار مۇۋاپىق مىقداردا قۇرۇق ئۈزۈم ئىستېمال قىلىپ بەرسە يۈرەك كېسىلىگە گىرىپتار بولۇش نىسبىتىنى ۋە تۇيۇقسىز قوزغىلىش نىسبىتىنى تۆۋەنلىتىدۇ.
8. ئادەم بەدىنىكى قالدۇق ماددىلارنى ھەيدەپ چىقىرىدۇ
قۇرۇق ئۈزۈم يەنە ئادەم بەدىنىدىكى يىغىلىپ قالغان زەھەرلىك ئېلېمېنتلارنى بەدەن سىرتىغا چىقىرىپ تاشلايدۇ. ھەزىم قىلىشنى ياخشىلاپ ئىشتىھانى ئاچىدۇ.
9. ئۆپكىنى ياشارتىدۇ
تاماكا چېكىدىغان كىشىلەر قۇرۇق ئۈزۈم يەپ بەرسە ئۆپكىنى ياشارتىپ بەلغەمنى بوشىتىدۇ. نەپەس يولىنى راۋانلاشتۇرۇپ نەپەس سىقىلىش، گەل ئاغرىش قىچىشىشنى پەسەيتىشتەك ئۈنۈمگە ئېرىشكىلى بولىدۇ.