ھەرخىل باش ئاغرىقلىرىنى داۋالايدىغان خەلق ئىچى رېتسىپلىرى 3.بۆلىكى

ساقلىق

1.ئەگەر باشنىڭ يېرىمى ئاغرىسا ،7.3 گىرام تۇرۇپ ئۇرۇقى ،3.7گىرام قىچا ئۇرۇقى ، 3.7 گىرام پىياز ئۇرۇقى ، 7.3 گىرام سامساق ،14.7 گىرام قىزىل پىيازنى يۇمشاق سوقۇپ خېمىر قىلىپ پىشانىسىگە چاپسا ،باشنىڭ ئاغرىقى قويۇپ بىرىدۇ .ئەگەر ئۇنىڭ بىلەن ياخشى بولمىسا ،بۇرنىغا سۈيىنى تېمىتسىمۇ بولىدۇ .

2.ئوبدان پىشقان تاۋۇز ئۇرۇقىنىڭ مېغىزىنى يۇمشاق ئېزىپ  پىشانىسىگە چاپسا ،بىر نەچچە مىنۇت ئىچىدىلا ئىسسىقتىن بولغان باش ئاغرىقى توختايدۇ .

3.پىيازنى ئىزىپ پۇراپ بەرسە ياكى ئۇنى تاپانغا تاڭسا ،ئىسسىقتىن بولغان باش ئاغرىقىنى توختىتىدۇ .

4.ئانار سۈيى بىلەن كاسىنە سۈيىنى ئارلاشتۇرۇپ ھەر كۈنى ھاجەتكە لايىق ئىچىپ بەرسە ،ئىسسىقتىن بولغان باش ئاغرىقىغا مەنپەئەت قىلىدۇ .

5.ئارپىبەدىياندىن بىر چىمدىم،نېلۇپەردىن بىر چىمدىم ئېلىپ ، ئۇنى بىر چىنە قايناق سۇغا دەملەپ ئىچسە ،ئىسسىقتىن كىلىپ چىققان باش ئاغرىقىنى توختىتدۇ .

6.كۈنجۈت يېغى بىلەن ئىپارنى ئارىلاشتۇرۇپ ،ئۇنى  ئازراق قىزىتىپ بۇرنىغا تېمىتىپ بەرسە ،باش ئاغرىقى تىز ياخشىلىنىدۇ .

7.بىر دانە ئالمىنى تۈز سۈيىگە يېرىم سائەت چىلاپ ئاندىن  ئۇنى يېسە ،سوغۇقتىن كىلىپ چىققان باش ئاغرىقىغا مەنپەئەت قىلىدۇ .

8.گۈلبىنەپشە بىلەن لاچىندانىدىن مۇۋاپىق مىقداردا ئېلىپ ،ئۇنى كۈندە بىر ۋاق دەملەپ ئىچسە ،زۇكامدىن بولغان باش ئاغرىقىنى توختىتىدۇ

9.ئىسسق سۇغا داكىنى چىلاپ ،باشقا قويۇپ ،ئاندىن بۇغداي كىپىكىدىن مۇۋاپىق مىقداردا ئىلىپ قاينىتىپ ،سۈيىگە ئازراق ناۋات سىلىپ ئېچسە ،زۇكامدىن كىلىپ چىققان باش ئاغرىقىنى توختىتىدۇ.

داۋامى داۋاملىق يوللىنىدۇ .باشقا مۇنبەرلەرگە كۆچرۈپ تارقىتىشقا بولمايدۇ ،ئەگەر شۇنداق ئەھۋال كۆرۈلسە پاش قىلىنىدۇ.  ئەمگىكىمىزگە ھۆرمەت قىلىڭ.