قەۋزىيەت

ساقلىق

قەۋزىيەت
چوڭ تەرەتنىڭ بىنورمال ۋە نورمال بولۇشى
قورساق كۆپۈش،باش ئېغىرلىشىش،باش قېيىش،تەرەت راۋان بولماسلىق قاتارلىق كىشنى بىزار قىلىدىغان ئالامەتلەر قەۋزىيەت بولىدۇ.ئۈچ كۈنگىچە چوڭ تەرەت كەلمىسە،لىكىن چوڭ تەرەت راۋان بولسا ھەم باشقا ئالامەتلەر كۆرۈلمىسە،قەۋزىيەتكە كىرمەيدۇ.
قەۋزىيەتنىڭ تۈرلىرى :فۇنكسىيەلىك قەۋزىيەت (ئادەتلىنىش خاراكتىرلىك بولىدۇ )،فىزىئولوگىيىلىك قەۋزىيەت (ۋاقىتلىق )،ئەزا مەنبەلىك قەۋزىيەت (كىسەللىك مەنبەلىك )تىن ئىبارەت .
قەۋزىيەت قوشۇلۇپ كېلىدىغان كېسەللىكلەر
ئۈچەيدە كېسەللىك بولغان ئەھۋال (ئورگانلىق قەۋزىيەت ):سوزۇلما مەنبەلىك ئۈچەي ياللۇغى ،ئۈچەي توسۇلۇش ،زور بوغماق ئۈچەي كېسىلى ،ئۈچەي تۇبىركۇلوزى،تۈز ئۈچەي راكى ،بوغماق ئۈچەي راكى قاتارلىقلار .
باشقا كېسەللىكلەر :بەزىدە سازاڭسىمان ئۆسۈكچە ياللۇغى ،جىگەر ،ئۆت خالتا ،ئاشقازان ئاستى بىزى كېسەللىكلىرىدىمۇ بولىدۇ.
دوختۇرنىڭ يوليورۇقى بويىچە دورا ئىشلىتىش
قەۋزىيەتنىڭ تۈرلىرى كۆپ خىل بولغاچقا ،كېسەللىك ئالامەتلىرىنىڭ ئوخشىماسلىقغىغا ئاساسەن ،ئىشلىتىدىغان سۈرگە دورىلىرىنى ئىشلەتمەي ،تىنىچلاندۈرغۇچى دورىلارنى ئالماشتۇرۇپ ئىشلەتسىمۇ ئۈنىمى ناھايىتى ياخشى بولىدۇ .ئۇنىڭدىن باشقا ،ھەمەل قىلىش بىلەن سۈرگۈ دورىلىرىنى كۆپ ئىشلەتسىمۇ ئۆزلىكىدىن تەرەت قىلىش رىفلىكىسنىڭ ئىقتىدارى تۆۋەنلەپ كېتىدۇ ،شۇڭا بەزىدە ھەمەل قىلمىسا تەرەت قىلالمايدىغان ئەھۋاللارمۇ كىلىپ چىقىدۇ .
فۇنكسىيەلىك قەۋزىيەت (ئادەتلىنىش خاراكتېرلىك )
سىپازمىلىنىش مەنبەلىك قەۋزىيەت :نۇرغۇن ياشلاردا قەۋزىيەتنىڭ بولۇشى چوڭ ئۈچەينىڭ لۆمۈلدىشى بەك كۈچلۈك بولۇپ كەتكەنلىكتىن بولىدۇ .
تۈز ئۈچەي تىپىدىكى قەۋزىيەت :نۇرغۇن ئائىلە ئاياللىرىنىڭ قەۋزىيەت بولۇشىدىكى سەۋەب ،گەرچە چوڭ تەرەت تۈز ئۈچەيگە بىرىپ بولغان بولسىمۇ ،تەرەت قىلىش ئىنكاسىنىڭ ناچار بولۇشىدىن تەرەت سىرىتقا چىقىپ كىتەلمەي ،تۈز ئۈچەيدە ئۇزۇن تۇرۇپ قېلىشىدىن بولىدۇ .
سۇسلىشىش مەنبەلىك قەۋزىيەت :ياشانغانلارنىڭ چوڭ ئۈچىيىنىڭ لۆمۈلدىشى بەك ئاجىزلاپ كەتكەنلىكتىن ،كۆپۈنچىسىدە بۇ خىل قەۋزىيەت كېلىپ چىقىدۇ .

فىزىئولوگىيەلىك قەۋزىيەت
بۇ تۇرمۇش مۇھىتىنىڭ ئۆزگىرىشى ،روھىي جىددىيلىكتىن بولىدۇ ،يەنى ساياھەت جەريانىدا ئاسان كۆرۈلىدىغان ۋاقىتلىق قەۋزىيەتتىن ئىبارەت .قەۋزىيەت ئۇزۇن مۇددەت داۋاملاشسا ھەمەل قىلىش ئۇسۇلىنى قوللانسا ياكى سۈرگۈ دورىلىرىنى ئىشلەتسە بولىدۇ .
تۆۋەندىكى ئالامەتلەر كۆرۈلسە دوختۇرغا كۆرۈنىشى كىرەك :
1.تەرەت قىلىپ بولسىمۇ ،يەنە تۈگىمىگەندەك سېزىمدا بولسا،قەۋزىيەتتىن كېلىپ چىققان ناچار ئالامەتلەر ئۈزلۈكسىز داۋاملاشسا .
2.تۇرمۇش مۇھىتى ئۆزگەرمىگەن بولسىمۇ ،بۇرۇن تەرىتى ناھايىتى راۋان بولۇپ ،ھازىر قىيىنلاشقان بولسا ياكى چوڭ تەرىتى بەك ئىنچىكە بولسا .
3.توختىماي قۇسقۇسى كېلىدىغان ،كۆڭلى ئېلىشىپ ،قورسىقى ئاغرىيدىغان ،قىززىيدىغان ياكى كېسەللىك مەنبەلىك ئالامەتلەر بولسا ،دەرھال دوختۇرخانىغا بېرىپ تەكشۈرتۈش كىرەك .
سىپازمىلىنىش مەنبەلىك قەۋزىيەتكە قارشى تەدبىرلەر
نۇرغۇن ياش ئاياللاردا بۇ تۈردىكى قەۋزىيەت كۆپ ئۇچرايدۇ .يەنى تەرەت ئىنچىكە تاياقسىمان ياكى توشقاننىڭ تەرىتىگە ئوخشاش دۈگىلەك بولىدۇ .
كۈندىلىك تۇرمۇشتا دىققەت قىلىدىغان ئىشلار :زىيادە چارچاشتىن ۋە ئۇيقۇ يىتەرلىك بولماسلىقتىن ساقلىنىش ،تۇرمۇش رىتىملىق بولۇش ،روھىي جىددىيلىكلەرنى يوقىتىش ،تەرەت قىلغۇسى كەلمىسىمۇ ،تاماقتىن كېيىن ھەر كۈنى بەلگىلىك ۋاقىتتا تەرەت قىلىشقا ئادەتلىنىش .
يىمەك-ئىچمەكتە دىققەت قىلىدىغان ئىشلار :1.چوڭ ئۈچەينى غىدىقلايدىغان يىمەكلىكلەرنى يېمەسلىك ؛2.سۇدا ئاسان ئىرىيدىغان تالالىق يېمەكلىكلەرنى يېيىش (خەيدەي قاتارلىقلار)؛3.پىششىق چۆپ ،يۈمشاق پىشۇرۇلغان گۈرۈچلىك تاماق ،پىششىق پىشۇرۇلغان سەي ،بېلىق ،تۇخۇم قاتارلىقلارنى ئېستىمال قىلىش .
تۈز ئۈچەي تىپىدىكى قەۋزىيەتكە قارشى تەدبىرلەر
نۇغۇن ئائىلە ئاياللىرىدا بۇ خىل قەۋزىيەت كۆپ ئۇچرايدۇ .يەنى تەرەت قاتتىق ھەم توم بولۇش ئەھۋاللىرى كۆرۈلىدۇ .
كۈندىلىك تۇرمۇشتا دىققەت قىلىدىغان ئىشلار :تەرەت قىلغۇسى كەلسىمۇ چىداپ ئۆتكۈزۋەتمەسلىك ،ئورنىدىن تۇرغاندىن كېيىن بىر ئىستاكان سوغۇق سۇ ياكى سوغۇق سۈت،مېۋە شەربەتلىرىنى ئېچىش ،ئەتىگەنلىك تاماقنى چوقۇم يېيىش ،ئەتىگەنلىك تاماقتىن كېيىن چوقۇم ھاجەتخانىغا كىرىش ،شۇ ۋاقىتنىڭ ئۆزىدە تەرەت قىلغۇسى كەلمىسىمۇ مەجبۇرىي قىلىش .
يېمەك-ئىچمەك جەھەتتە دىققەت قىلىدىغان ئىشلار :تەركىبىدە تالا كۆپ بولغان يېمەكلىكلەرنى كۆپ يېيىش كېرەك ،تەركىبىدە ماي كۆپ بولغان يېمەكلىكلەرنى ئىستېمال قىلىپ بەرگەندىمۇ ئۇچەينى سىلىقلاش ۋە غىدىقلاش رولىنى ئوينايدۇ .
ئاياللار تېببىي قامۇسى ناملىق كىتاب.  نەزمۇننى كۆچرۈپ باشقا مۇنبەرلەگە يوللاشقا بولمايدۇ ،ۋە يوللاشقا توغرا كەلسە مەنبەسىنى ئىنىق ئەسكەرتىشى كىرەك .ئەمەگىكىمىزگە ھۆرمەت قىلىڭ

TIWIP

قوللىرىغا دەرت كەلمىسۇن.

ساقلىق

TIWIP يوللىغان ۋاقتى  2016-1-21 17:49
قوللىرىغا دەرت كەلمىسۇن.

قوللىغانلىقلىرىغا تەشەككۈر .سىزلانىڭ قوللىشىڭلا مىنىڭ زور ئىلھامىمنى يۈكسەلدۈرگۈسى ،شۇنداقلا كەڭ تورداشلانىڭ مەنپەئەتلىنىشى ئۇچۈن .