ئاياللار سالامەتلىكىگە پايدا قىلىدىغان 7خىل يىمەكلىكلەر

ساقلىق

بىز ھەر كۈنى نۇرغۇن يېمەكلىك يەيمىز، لېكىن قىزلار بىلەن ئوغۇللارنىڭ يەيدىغان يېمەكلىكى ئوخشاش بولمايدۇ. قايسى خىلدىكى يېمەكلىكلەر قىزلارنىڭ سلامەتلىكىگە پايدىلىق؟ تۆۋەندە، بىز قىزلارنىڭ يېيىشىگە ماس كېلىدىغان 7 خىل ئۇزۇقلۇق يېمەكلىكىنى ئۇلارغا تەۋسىيە قىلىمىز.

سالامەتلىككە پايدىلىق يېمەكلىكلەر

1. قىزىل گۈرۈچ
قىزىل گۈرۈچ تەركىبىدە مول كراخمال ۋە ئۆسۈملۈك ئاقسىلى بولۇپ، سەرپ بولغان جىسمانىي كۈچىنى تولۇقلايدۇ ۋە بەدەننىڭ نورمال تېمپېراتۇرىسىنى ساقلايدۇ.
ئۇنىڭ تەركىبىدە كۆپلىگەن ئۇزۇقلۇق ماددىلار بار، بۇنىڭ ئىچىدە تۆمۈر مىقدارى ئەڭ مول بولۇپ، قان تولۇقلايدۇ ۋە كەم قانلىقنىڭ ئالدىنى ئالىدۇ. بولۇپمۇ مول بولغان فوسفور، ۋىتامىن A، ۋىتامىن B توپى قاتارلىقلار، ئەگەر ئۇزۇقلۇق تولۇقلاش ياخشى بولمىسا، نامازشام قارىغۇسى كېسىلى ۋە بېرىبېرى كېسىلى قاتارلىق كېسەللەر؛ ئاسانلا ھېرىپ-چارچاش، روھىي كەيپىياتى مۇقىم بولماسلىق ۋە ئۇيقۇسىزلىق قاتارلىق ئەھۋاللار كېلىپ چىقىدۇ. تەركىبىدىكى پاتنوتنېىك كىسلاتا، ۋىتامىن E ۋە GSH ئامىنو كىسلاتا قاتارلىق ماددىلار راك پەيدا قىلىدىغان ماددىلارنى تىزگىنلەيدۇ، بولۇپمۇ بوغماق ئۈچەي راكىنىڭ ئالدىنى ئېلىشتا كۆرۈنەرلىك ئۈنۈمگە ئىگە.

2. ئاپېلسىن
مېۋە-چىۋىلەرنىڭ تۈرى ناھايىتى كۆپ. كىسلاتالىق مېۋە-چىۋىلەر ئىچىدە ۋىتامىن C بىر قەدەر كۆپ بولۇپ، بۈگۈنكى كۈندىكى ئۇزۇقلۇقشۇناسلار ۋىتامىنC نى بىردەك ئوكسىدلىنىشقا قارشى تۇرغۇچى خۇرۇچ دەپ قارايدۇ.

ئۇنىڭ 3 چوڭ رولى: (1).  ھۈجەيرىلەرنىڭ بۇزۇلۇشىنىڭ ئالدىنى ئېلىپ، قېرىشنى كېچىكتۈرىدۇ.

(2). چىرىتمەس دورا ناترىي نىتراتتىن مۇداپىئەلىنىش رولىنى ئوينايدۇ ۋە راك پەيدا قىلغۇچى ماددا نىتروزامىننى ناترىي نىترىتقا ئايلاندۇرىدۇ. كېسەللەرگە نىسبەتەن ناھايىتى چوڭ قوغداش رولى، بولۇپمۇ ئاشقازان راكى ۋە قىزىلئۆڭگەچ راكى كېسەللىكلىرىدىن قوغداش رولىنى ئوينايدۇ.

(3). زىيانلىق خولېستېرولنى تىزگىنلەپ ۋە پايدىلىق خولېستېرولنى قوغدايدۇ، قان تومۇر ۋە يۈرەك ساغلاملىقىنى ئاسرايدۇ.


سالامەتلىككە پايدىلىق يېمەكلىكلەر
3. سېرىق پۇرچاق
سېرىق پۇرچاق ھەقىقەتەن ھەم ئەرزان ھەم ياخشى، قىزلارغا نىسبەتەن ئېيتقاندا، ئۇنىڭ تەركىبىدىكى سېرىق ئىزوفلاۋون ئىشلەپچىقارغان ئانىلىق ھورمونىغا ئوخشاش ھورمون، قاندىكى خولېستېرولنى تۆۋەنلىتىپ، يۈرەكنى قوغدايدۇ، سۆڭەك شالاڭلىشىش كېسىلى قاتارلىق ئەھۋاللاردىن مۇداپىئە كۆرىدۇ.

4. موگو تۈرىدىكىلەر
يېمەكلىك موگوسىنىڭ ئۇزۇقلۇق قىممىتى: خولېستېرول يوق، كراخمالسىز، تۆۋەن مايلىق، تۆۋەن قەنت، يۇقىرى ئاقسىل، كۆپ خىل تاماق تالالىرى، ئامىنو كىسلاتاسى، كۆپ خىل ۋىتامىن، مىنېرال ماددىلار بار. يېمەكلىك موگوسىدا يېمەكلىكلەرنىڭ بارلىق ياخشى ئالاھىدىلىكى يىغىلغان بولۇپ، ئۇزۇقلۇق قىممىتى ئۆسۈملۈك تىپىدىكى يېمەكلىكلەر ئىچىدە ئەڭ ياخشى گۆشسىز يېمەكلىك قىممىتىگە يېتىپ، خان ئېشى(ھەم ئۇزۇن ئۆمۈر كۆرۈش يېمەكلىكى دەپ ئاتىلىپ كەلمەكتە.
سالامەتلىككە پايدىلىق يېمەكلىكلەر
5. سەنۋېن بېلىقى
ئۆتكەن يىلى دۇنيا سەھىيە گۇرۇپپىسى بىر تۈرلۈك تەكشۈرۈشلەردە، ياپونىيەلىكلەرنىڭ ئاسيا رايونىدىكى ئەڭ ئۇزۇن ئۆمۈر كۆرگۈچىلەر توپى ئىكەنلىكىنى ئېلان قىلغان. بۇ ئالاھىدە شەرەپلەر ياپونىيەلىكلەر ئەتىۋارلاپ يەيدىغان ياغ تەركىبى تۆۋەن يېمەك-ئىچمەك، يەنى كۆپ يېيىلىدىغان سەنۋېن بېلىقى ۋە دائىم يېشىل چاي ئىچىدىغان ئادەتلىرىدىن ئايرىپ قارىغىلى بولمايدۇ، ئەلۋەتتە. سەنۋېن بېلىقىنىڭ يېغى ۋە ئومىچيې 3-نومۇرلۇق ياغ كىسلاتاسى بولۇپ، ئۇ پايدىلىق تۈرلەرگە تەۋە.

6. غەرب كەترىنى
بىز دائىم ياشانغانلارنىڭ تاماق رىسالىسىدىن غەرب كەترىنىنى كۆرەلەيمىز، ئۇ قىزلارغا ناھايىتى پايدىلىق بولغان ماغدۇرسىزلىنىشنىڭ ئالدىنى ئالىدىغان ياشانغانلار يېمەكلىكى. چۈنكى ئۇ ئوكسىدلىنىشنىڭ ئالدىنى ئېلىپ، قىزلارنىڭ بەدىنىدىكى ئەركىن رادىكالنى ئازايتىپ، قېرىشنى كېچىكتۈرىدۇ.

7. پەمىدۇر
ئۇزۇقلۇقشۇناسلارنىڭ تەتقىق قىلغان تەتقىقات ئۆلچىمى: ھەر بىر ئادەم ھەر كۈنى 50 گرامدىن 100 گرامغىچە پەمىدۇر ئىشلەتسە، ئادەم بەدىنى ئېھتىياج بولىدىغان نەچچە خىل ۋىتامىن ۋە مىنېرال ماددىلارنى تولۇقلايدىكەن
مەنبەسى :
شىنخۇا ئاگېنتلىقى تورى