ھامىلدارلىقنىڭ ئالدى كەينىدە دىققەت قىلدىغان ئىشلار

ساقلىق

1. ئاياللار قورساق كۆتۈرۈشنىڭ ئالدىدا : ئەر-ئاياللار ئىمكان بار كەيپىياتىنى ياخشى ساقلىشى، قالايمىقان دورا ئىشلەتمەسلىكى، سۈپەتلىك ئوزۇقلىنىشقا ئەھمىيەت بىرىشى كېرەك. ھاراق -تاماكا، زەھەرلىك بويۇملارنى ئىستىمال قىلماسلىقى كېرەك. ئەر-ئايال ئىككىسىنىڭ بىرسىدە ياكى ھەر ئىككىلىسىدە بىرەر خىل يۇقۇملۇق كېسەل بولۇپ، ھامىلىگە يۇقۇش ئىھتىمالى بولغان ئەھۋالدا ھامىلدار بولۇشتىن ساقلىنىش كېرەك. پەرزەنتلىك بولۇش ئارزۇسىدا يۈرگەن مەزگىللەردە يېڭى بېزەلگەن ئۆيلەردىكى سىر ۋە باشقا زىيانلىق، سۈپەتسىز بېزەك ماتېرياللىرىنىڭ ھامىلىگە بولىدىغان تەسىرىنى ئويلىشىش كېرەك.
2. ھامىلدار بولغان دەسلەپكى مەزگىلدە: ياخشى ئارام ئىلىش، كەيپىياتنى ئازادە تۇتۇش، ئوزۇقلىنىشقا ئەھمىيەت بىرىش، تاماكا تۈتۈنىدىن ۋە باشقا بۇلغانغان موھىتتىن يىراق تۇرۇش كېرەك. سوغۇق ئۆتكۈزىۋېلىش، چاڭ-توزان، زىيادە چارچاش دېگەندەك سەۋەبلەر بىلەن زۇكام بولۇپ قىلىشتىن ساقلىنىش كېرەك. كومپيۇتېر ، تىلۋېزۇر ئالدىدا ئىمكان بار ئۇزۇن ئولتۇرماسلىق، رېنتېگىن دېگەندەك تەكشۈرۈش سايمانلىرى ۋە شۇنىڭدەك رادئاسىيەلىك موھىتتا تۇرماسلىق كېرەك. ئۇندىن باشقا ھامىلدارلىقنىڭ دەسلەپكى مەزگىللىرىدە ئىت، مۈشۈك دېگەندەك ئۆي ھايۋانلىرىدىنمۇ يىراقراق تۇرغان ياخشى. جىنسىي تۇرمۇش مۇۋاپىق، يەڭگىل رەۋىشتە ئىلىپ بىرىلىشى، ئايالغا ئېغىرلىق چۈشۈپ كەتمەسلىكى زىيادە ھاياجانلىشتىن ساقلىنىشى كېرەك. سېىزىك كۈچىيىپ ، كۆڭۈل ئىلىشىپ ، ياندۇرۇپ، تاماق يېيەلمىگەن ئەھۋالدا بىھى سۈيى، لىمون سۈيى، ئانار سۈيى، ھەسەل، گۈلقەنت دېگەندەك تەبئىي مېۋە سۇلىرىنى ئىچىپ بەرسە سېزىكنى پەسەيتىپ كەيپىياتنى تۇراقلاشتۇرۇش بىلەن بىرگە ئوزۇقلۇق تولۇقلاش مەقسىتىگىمۇ يەتكىلى بولىدۇ.
3. ھامىلدارلىقنىڭ ئوتتۇرا ۋە ئاخىرقى باسقۇچلىرىدا: ھامىلىنىڭ تېز يېتىلىدىغان، ئوزۇققا ئىھتىياجلىق بولىدىغان مەزگىلى بولغاچقا ئوزۇقلۇقلارنىڭ مول ۋە سۈپەتلىك بولىشىغا ئەھمىيەت بىرىش كېرەك. سۈت، ھەسەل، گۈلقەنت ۋە شورپىلىق تاماقلار، يېڭى سەي-كۆكتات، نۇرمال پىشقان مېۋىلەرنىڭ ھەر خىللىرىدىن يەپ بىرىش كېرەك. ئاپتاپقا كۆپرەك قاقلىنىپ بىرىش بىلەن بىرگە ساپ ھاۋالىق يېشىللىقلاردا پىيادە مېڭىپ بىرىشى كېرەك. قان بېسىمى ئۆرلەپ كېتىشتىن ساقلىنىش، تۇزسىزراق غىزالىنىش كېرەك. ئەگەر جىنسىي يولدىن قان كىلىش دېگەندەك ئەھۋاللار كۆرۈلسا ۋاقتىدا دوختۇرغا كۆرۈنۈش لازىم.

مېھر

يارايسز