ھەسەل (蜂蜜 feng mi)

TIWIP

ھەسەل
(蜂蜜 feng mi)
[تەبىئىتى]  يېڭىسى بىرىنچى دەرىجىدە ئىسسىق ئىككىنچى دەرىجىدە قۇرۇق. ئازراق تۇرۇپ قالغىنى ئىككىنچى دەرىجىدە قۇرۇق ئىسسىق.
[خۇسۇسىيىتى] توسالغۇنى ئېچىش ،مىڭە ھۆللىكىنى تارتىش، پەي نېرۋىلارنى قۇۋۋەتلەش، ئىششىق ياندۇرۇش، تىنىچلاندۇرۇش چىرىشكە قارشى تۇرۇش، يۆتەل توختىتش ئىچىنى يۇمشىتىش، ھەزىمگە ياردەم بېرىش، قىزىتما قايتۇرۇش، قان بېسىمىنى تۇۋەنلىتىش، تېرىگە جۇلا بېرىش، بەلغەم بوشىتىش قاتارلىق خۇسۇسىيىتىگە ئىگە.
[ئىشلىتىلىدىغان كېسەللىكلەر] يۈرەك، ئۆپكە، ئاشقازان، جىگەر كىسەللىكلىرى، پالەچ، لەقۋا ، ئومۇمىي بەدەن ئاجىزلىقى، يۆتەل، باھ ئاجىزلىقى، قۇلۇنجى قاتارلىق كېسەللىكلەرگە ئىشلىتىلىدۇ.
[ئىشلىتىش ئۇسۇلى]
دورىلارنىڭ ئۇنىمىنى كۇچەيتىش ۋە دورىلارنى بۇزۇلۇشدىن ساقلاش ئۈچۈن مەجۇنات ۋە ھەب دورىلارغا يېپىشتۇرغۇچى قىلىپ ئىشلىتىلىدۇ.
ھەسەلنى گۈل يېغى بىلەن قوشۇپ ئىچكۇزۇلسە سوغۇقدىن بولغان يۆتەلگە پايدا قىلىدۇ،ئەرقى بارتەڭ بىلەن ئىچكۈزۈلسە ئۈچەي كىسەللىرىگە پايدا قىلىدۇ،بەدەننى باھنى قۇۋۋەتلەش ئۈچۈن سۈتكە قوشۇپ ئىچكۈزىلىدۇ.يۈتەل دىمى سىقىلىشلاردا تەنھا ئۆزىنى ياكى مۇناسىپ دورىلارنى قوشۇپ يالانچۇق قىلىنىدۇ.لەقۋا،پالەچكە مائىل ھەسەل تەييارلاپ ئىچكۈزىلىدۇ، ئەنزۇرۇت بىلەن چېپىلسا، جاراھەتلەردىكى يىرىڭ سۇلىرىنى تارتىدۇ، يارا ئورنىدىكى ئىششىق گۆشلەرنى يوقىتىدۇ، نۇشىدىر بىلەن چېپىلسا بەرەس بەھەقنى ساقايتىدۇ، ئەنزۇرۇت ياكى تاش تۇز بىلەن قۇلاققا تېمىتىلسا قۇلاقنىڭ تۈرلۈك كىسەللىرىنى داۋالايدۇ، قۇلاقنىڭ يىرىڭلىرىنى توختىتىدۇ.
[ئىشلىتىش مىقدارى] 40 گىرامغىچە.
[زىيانلىق تەسىرى] ئىسسىق مىزاجلاردا باش ئاغرىقى، ئۇسسۇزلۇق پەيدا قىلىدۇ،(ئەمما ھەسەلنىڭ قايسى ئۈسۈملۈكتىن يىغىلغىنىغا قاراش كىرەك. بىزى ئۈسۈملۈكلەردىن چىقىرىلغان ھەسەل باش ئاغرىمايدۇ. چۈنكى ھەرقانداق مىزاجدىكى كىشىلەرگە ئۈزىگە قارىتا تەبىئەتكە ماس كەلگىدەك ھەسەل بىرىش كىرەك)  كونىراپ رەڭگى قارىيىپ ، سولىشىپ، قۇرۇپ ئېچىپ قالغىنى خىلىتلارنى كۆيدۈرۈپ ، مىڭىنى ئاجىزلاشتۇرۇپ ھەر خىل كىسەللىكلەرگە دۇچار قىلىپ يامان ئاقىۋەتلەرنى كەلتۈرىشى مۇمكىن ، شۇڭا ياخشىسىنى ئىشلىتىش كېرەك.
[تۈزەتكۈچىسى]  ئانار سۇيى، لىمون سۇيى، ئۇترۇج سۇيى، سىركە ، يۇمغاقسۇت سۇيى.
[ئورۇن باسارى]  ئۈزۈم قىيامى، قاينىتىلمىغان خوما.
[ۋەكىل خاراكتېرلىك پىششىق دورا ياسالمىسى] مائۇل ھەسەل، ھەسەل شەربىتى