فەنىرمايە

TIWIP

فەنىرمايە
(初乳chu ru)
[تەبىئىتى]  2ـ دەرىجىدە قۇرۇق ئىسسىق.
[خۇسۇسىيىتى] مېڭە، بۆرەك، باھ، پەي ئاشقازان، يۈرەكنى قۇۋۋەتلەش، سۈت ۋە مەنىي كۆپەيتىش، ئىچ سۈرۈشنى، بۇرنىدىن كەلگەن قاننى ۋە بالياتقۇدىن كېلىدىغان ئارتۇق ھۆللۈكلەرنى توختىتىش، زەھەر قايتۇرۇش، ئوزۇقلۇق تولۇقلاش، قاننى قىزىتىش خۇسۇسىيىتىگە ئىگە.
[ئىشلىتىلىدىغان كېسەللىكلەر]  كىچىك بالىلارنىڭ تۇتقاقلىق كېسىلى، بۆرەك، بەدەن سوۋۇپ كېتىش، باھ ئاجىزلىقى، بالدۇر مەني يۈرۈپ كېتىش، ئەزالارنىڭ قېتىپ قېلىشى، بالياتقۇ بوغۇلۇش، يۇرەك ئاجىزلىغى، قورساق ئاغرىقى، ئىچ سۈرۈش، ئۈچەيدىكى جاراھەتلەر، تەپ كېسەللىكى، بۇرۇن قاناش، بالياتقۇدىن كۆپ خۇن كېلىش، قاتارلىق كېسەللىكلەرگە ئىشلىتىلىدۇ.
[ئىشلىتىش ئۇسۇلى]
1. پەنەرمايدىن بىر گرامنى مۇۋاپىق مىقداردىكى سىركە، ھەسەل بىلەن قوشۇپ ئىچسە، غەيرىي تەبىئىي بەلغەم خىلىتىدىن بولغان تۇتقاقلىق كېسەلگە مەنپەئەت قىلىدۇ.
2.پەنەرمايىدىن 0.2 گرامنى مۇۋاپىق مىقداردىكى رەيھان شەربىتى بىلەن ھەيزدىن كېيىن ئىچسە، ئاياللارنىڭ تۇتقاقلىق كېسەللىكىگە مەنپەئەت قىلىدۇ.
3. پەنەرمايىنى ئېزىپ سۇيۇلدۇرۇپ، بۇرۇن تۈشۈكىگە تېمىتسا، بۇرۇن قاناشقا مەنپەئەت قىلىدۇ.
[ئىشلىتىش مىقدارى]  1 گرامغىچە
[زىيانلىق تەسىرى] پىننە، كەتىرا.
[دىققەت قىلىدىغان ئىشلار] ئارتۇق ئىستېمال قىلسا ئاشقازان ئۈچەيگە زەرەر قىلىدۇ.
[تۈزەتكۈچىسى] زىرە
[ئورۇن باسارى] زىرىخ، ھەسەل
[ۋەكىل خاراكتېرلىك پىششىق دورا ياسالمىسى] لوبوبى كەبىر ،لوبوبى سېغىر