لېپەكگۈل

TIWIP

لېپەكگۈل
(牛膝niu xi)
[تەبىئىتى] بىرىنچى دەرىجىدە قۇرۇق ئىسسىق.
[خۇسۇسىيىتى] بالىياتقۇ ۋە تۇخۇمداننى، جىگەر ۋە يۈرەكنى قۇۋۋەتلەش، قاننى جانلاندۇرۇش، ئۇيۇپ قالغان قاننى تارقىتىش، ئىششىق ياندۇرۇش، ئاغرىق پەسەيتىش قاتارلىق خۇسۇسىيەتلەرگە ئىگە.
[ئىشلىتىلىدىغان كېسەللىكلەر] بالىياتقۇ، جىگەر، بۆرەك ئاجىزلىقى، بەل – پۇت ئاغرىقى، بەدەن ئاجىزلىقى، بالا ھەمرىيى چۈشمەسلىك، ھەر خىل ئىششىق، قان ئۇيۇپ قېلىش قاتارلىقلارغا ئىشلىتىلىدۇ.
[ئىشلىتىش ئۇسۇلى]
1. لېپەكگۈل، بۇۋانە، چۈچۈكبۇيا، قاقىر تۇمشۇق ۋە داڭگۇيلارنىڭ ھەربىرىدىن 12 گرام ئېلىپ، قارا شېكەر، ئاق شېكەر ۋە ناۋاتلارنىڭ ھەر بىرىدىن 250 گرام قوشۇپ، قاينىتىپ، ھەر قېتىمدا 5 – 10 مىللىلىتىر، ھەر كۈنى ئىككى قېتىم ئىچىپ بەرسە، بالىياتقۇ، تۇخۇمداننى قۇۋۋەتلەيدۇ. بەل – پۇت ئاغرىقىغا شىپا بولىدۇ.
2. لېپەكگۈل 12 گرام، سېرىق يۆگەي 20 گرام ئېلىپ، قاينىتىپ ئىچىپ بەرسە، بالىياتقۇ، تۇخۇمدان ۋە جىنىسي ئەزا ئاجىزلىقى، بەل – پۇت ئاغرىقىغا مەنپەئەت قىلىدۇ.
3. لېپەكگۈل 12 گرام، داڭگۈي 24گرام، شاپتۇل مېغىزىدىن 12 گرام، ئېلىپ، قاينىتىپ، كۈندە 2 قېتىم ئىچىپ بەرسە، ھەيىزنى راۋانلاشتۇرىدۇ.
4. بالا ھەمرىيى چۈشمىگەندە لېىپەكگۈل 12 گرام، داڭگۈي 12 گرام، چۈەنچۇڭ 12 گرام، خام يىكەن سېرىقى 12 گرام، مۇدەن يىلىتىزى پوستى 12 گرام، قۇرۇتۇلغان زەنجىۋىل 4 گرام، ھەممىنى قوشۇپ قاينىتىپ ئىچىپ بەرسە، بالا ھەمرىيى چۈشمىگەنگە مەنپەئەت قىلىدۇ.
[ئىشلىتىش مىقدارى] 7 ~ 12 گرامغىچە.
[زىيانلىق تەسىرى] ئىسسىق مىزاج كىشىلەرگە زىيان قىلىدۇ.
[دىققەت قىلىدىغان ئىشلار] ھامىلىدار ئاياللار ئىشلىتىشكە بولمايدۇ.
[تۈزەتكۈچىسى] كاسىنە.
[ئورۇن باسارى] سېرىق يۆگەي.
[ۋەكىل خاراكتېرلىك پىششىق دورا ياسالمىسى] شەربىتى مۇدەركۇمەس.