سۈرمە

TIWIP

سۈرمە
(锑 ti)
[تەبىئىتى] ئىككىنچى دەرىجىدە قۇرۇق سوغۇق.
[خۇسۇسىيىتى]ھۆللۈكنى قۇرۇتۇش، كۆزنى مۇھاپىزەت قىلىش، كۆزنى روشەنلەشتۈرۈش. چىرىشكە قارشى تۇرۇش، يىرىڭ تازىلاش، قان توختىتىش، ئارناق كۆڭىنى يوقىتىش، يارا جاراھەتنى پۈتتۈرۈش، قاش كىرپىكنى ئۆستۈرۈش، ئىچى سۈرۈشنى توختىتىش، باغ ئاغرىقىنى پەسەيتىش خۇسۇسىيىتىگە ئىگە.
[ئىشلىتىلىدىغان كېسەللىكلەر] كۆزنىڭ كۆرۈش قۇۋۋىتى ئاجىزلاش، كۆز ياشاڭغۇراش، باش ئاغرىش، كۆز قىچىشىش، باشنىڭ يېرىمى ئاغرىش(شەقىقە)، ھەر خىل قاناش، ئوتتا كۆيگەن كۆيۈك قاتارلىقلارغا ئىشلىتىلىدۇ.
[ئىشلىتىش ئۇسۇلى]
1. يىراقنى كـۆرۈلـمەسلىك ئۈچۈن، سۈرمە 10 گرام، ئىپاردىن 0.5 گرام ئېلىپ ئايرىم – ئايرىم سالايە قىلىپ، ئارىلاشتۇرۇلۇپ كۆزگە تارتىلىدۇ.
2. ياش ئېقىشنى توختىتىش ئۈچۈن، سۈرمە 1 گرام، رۇسۇت 10 گرام، زەمچىدىن 1 گرام ئېلىپ، ئارىلاشتۇرۇپ سوقۇپ، سۇپۇپ تەييارلاپ، كۈندە بىر قېتىم كۆزگە تارتىلىدۇ.
3. قان توختىتىش ئۈچۈن، سۈرمە، ئاقىرقەرھالاردىن  سوقۇپ بۇرۇنغا تارتىلىدۇ.
4. ئادەت توختىتىش ئۈچۈن، سۈرمە، ئاقىرقەرھالاردىن مۇۋاپىق مىقداردا ئېلىپ، سۇپۇپ، ئاياللارنىڭ بالىياتقۇسىغا قويىلىدۇ.
5. قاش كىرپىكنى ئۆستۈرۈش ئۈچۈن، شاپتۇل مېغىزى كۆيدۈرۈپ، سۈرمىگە سۈزۈپ قاش،كىرپىك  چۈشۈپ كەتكەن ئورۇنلارغا سىرتتىن چېپىلىدۇ.
6. باش ئاغرىقىنى پەسەيتىش، شەقىقە كېسەللىكلىرىگە سۈرمە تالقىنى، ئىقىلىسىيا تالقىنى ساپ ھەسەل بىلەن بىرلەشتۈرۈپ، كۆزگە تارتىلىدۇ.
7. ئوتتا كۆيگەن ھەر خىل كۆيۈكلەرگە سۈرمە تالقىنىنى ئېرىتىلگەن چاۋا ياغ، ئۇپا بىلەن ئارىلاشتۇرۇپ، يەرلىك ئورۇنغا چېپىلىدۇ.
[ئىشلىتىش مىقدارى] كېسەل ئەھۋالىغا قاراپ سىرتقى تەرەپتىن ئىشلىتىىدۇ. ئىچكى تەرەپتىن ئىشلىتىلمەيدۇ. 1 – 10 گرام ئىشلىتىلىدۇ.
[زىيانلىق تەسىرى] كۆكرەكتىكى ئەزالارغا، ئۆپكىگە ۋە يوغوڭلارغا زىيان قىلىدۇ.
[دىققەت قىلىدىغان ئىشلار] ئىچىشكە بولمايدۇ، خاتا ئىچىپ قالسا، زەھەرلىنىپ ئۆلۈمنى كەلتۈرۈپ چىقىرىدۇ.
[تۈزەتكۈچىسى] كەتىرا، مەستىكى، ھەسەل.
[ئورۇن باسارى] كۆيدۈرۈلگەن قارا قوغۇشۇن.
[ۋەكىل خاراكتېرلىك پىششىق دورا ياسالمىسى] كۆھلى سۈرمە.

سەۋىر

سۇرمىنىڭ مۇنداق ئالاھىدىلىكلىرمۇ باركەن دە. كۆپ رەھمەت تىمىللىرڭىزگە