تاجىگۈل ئۇرۇقى

TIWIP

تاجىگۈل ئۇرۇقى
(鸡冠花子ji guan hua zi)
[تەبىئىتى] بىرىنچى دەرىجىدە قۇرۇق سوغۇق.
[خۇسۇسىيىتى] كۆزنى روشەنلەشتۈرۈش، جىگەرنىڭ توسالغۇلىرىنى ئېچىش، ھەيىزنى راۋانلاشتۇرۇش، سۈيدۈك ھەيدەش، يەل تارقىتىش، قان توختىتىش تەسىرىگە ئىگە.
[ئىشلىتىلىدىغان كېسەللىكلەر] جىگەر توسۇلۇش، تولقاق، ھەيز كەلمەسلىك، سۈيدۈك تۇتۇلۇش، بەل ئاغرىقى، كۆز بىرىكتۈرگۈچى پەردىنىڭ ئۆتكۈر ياللۇغى، كۆز قارىچۇقىنىڭ كىچىكلەپ كېتىشى، بالىياتقۇنىڭ پائالىيەتچان قانىشى، قان سىيىش، ئۈچەي ياللۇغى، بۇرۇن قاناشلارغا ئىشلىتىلىدۇ.
[ئىشلىتىش ئۇسۇلى]
1. ھەيزنى راۋان قىلىش ئۈچۈن، تاجىگۈل ئۇرۇقى، زاراڭزا چېچىكى، ئاغىچەنىڭ ھەر بىرىدىن 10 گرام ئېلىپ، دورىلارنى قائىدە بويىچە قاينىتىپ مۇۋاپىق مىقداردا ئىچىلىدۇ.
2. بۇرۇن قاناش ۋە بالىياتقۇنىڭ پائالىيەتچان قانىشىنى توختىتىش ئۈچۈن، تاجىگۈل ئۇرۇقى 10گرام، تاباشىر، ئەنجىباھاردىن 7 گرامدىن ئېلىپ، قائىدە بويىچە سوقۇپ سۇپۇپ تەييارلاپ، ئىستېمال قىلىنىدۇ.
3. كۈز بىرىكتۈرگۈچى پەردە ياللۇغى، داۋالاش ئۈچۈن، تاجىگۈل ئۇرۇقى، بەدىياننىڭ ھەر بىرىدىن 10 گرام ئېلىپ، قائىدە بويىچە قاينىتىپ، سۈيىدە كۆزنى يۇيۇپ بەرسە بولىدۇ.
[ئىشلىتىش مىقدارى] 4 ~12 گرام.
[زىيانلىق تەسىرى] سوغۇقچان كىشىلەردە باش ئاغرىق پەيدا قىلىدۇ.
[تۈزەتكۈچىسى] ھەسەل رەيھان ئۇرۇقى
[ئورۇن باسارى] تاجىگۈل
[ۋەكىل خاراكتېرلىك پىششىق دورا ياسالمىسى] شەربىتى ئەنجىباھار