لەقۋا ( يۇز نىرۋا پالىچى )

تونۇش :

بۇ ھەر خىل سەۋەپلەردىن يۈز نېرىپلىرى زەخمىلىنىش ياكى بېسىلىشتىن روھى نەپسانى ۋە قۇۋۋىتى نەپسانى توسقۇنلىققا ئۇچراش  نەتىجىسىدە يۈزنىڭ مۇسكۇل ،  پەيلىرى بوشۇشىپ ئېغىز بىر تەرەپكە مايماقلىشىش ، قاپاق ساڭگىلاش قاتارلىق ئالامەتلەر بىلەن ئىپادىلىنىدىغان  شەكىل بۇزۇلىش خاراكتىرلىك كېسەللىكتىن ئىبارەت .

سەۋەبى :

1. ماددىسىز ھۆلسوغۇق كەيپىياتنىڭ تەسەرىدىن كىلىپ چىقىدۇ .

2. بەلغەم خىلىتىنىڭكۆپۈيىپ كىتىشىدىن كىلىپ چىقىدۇ .

3. گەجسىمان بەلغەم تەسىرىدىن كىلىپ چىقىدۇ .

4. مىڭە ئۆسمىسى سەۋەبىدىن كىلىپ چىقىدۇ .

5. مىڭىگە قان چۈشۈش سەۋەبىدىن كىلىپ چىقىدۇ .

6. مىڭە تىقىلمىسى سەۋەبىدىن كىلىپ چىقىدۇ .

ئالامىتى :

بۇ كىسەللىكتە بىر تەرەپ يۈز مۇسكۇلى ۋە پەيلىرى پالاچلىنىپ بوشاپ كەتكەنلىكتىن ئېغىز ساق تەرەپكە تارتىشىپ مايماق بولۇپ قالىدۇ ، يەڭگىل بولغاندا كۆزدە ئېنىق ئۆزگىرىش بولمايدۇ .ئېغىر بولغاندا ئۇستىنكى قاپاق ساڭگىلاپ كۆزنى ئېچىش توسقۇنلىققا ئۇچرايدۇ . بىمارنىڭ سۆزلەش ، چايناش ، پۈۋلەشۋە يۇتۇش ھەرىكەتلىرى راۋان بولمايدۇ ياكى يوقىلىدۇ . تەم سېزىش ئىقتىدارى سۇسلىشىدۇ ياكى توسقۇنلىققا ئۇچرايدۇ .

دىئاگنوز ئاساسى :

كېسەللىك ئالامىتىگە ئاساسەن دىئاگنوز قويۇلىدۇ .

داۋالاش پىرىنسىپى :

1. مىزاج بۇزىلىشتىن بولغان بولسا تەڭشەش ۋە تازىلاش ئېلىپ بېرىلىدۇ .

2. مىڭە ۋە باشقا ئەزا كېسەللىكلىرى سەۋەبىدىن كىلىپ چىققان بولسا ئالدى بىلەن شۇ خخل كېسەللىكلەرەە قارىتا داۋالاش ئېلىپ بېرىلىدۇ .

3. مىڭە ، نېرۋا ، پەي ، مۇسكۇل ۋە ئومۇمى بەدەننى قۇۋۋەتلەش تەسىرى بولغان دورىلار تاللاپ ئىشلىتىلىدۇ  .

داۋالاش ئۇسۇلى :

بىمارغا كېسەللىك باشلىنىپ 3 كۈندىن 7 كۈنگىچە ھىچقانداق تاماق ۋە دورا بەرمەي مائۇل ھەسەل ۋە مائۇل ئۇسۇل بىرىلىدۇ .

ماددىسىز ھۆل سوغۇقلىقنىڭ تەسىرىدىن بولغان بولسا ھۆللىكنى قۇرتۇش ۋە بەدەننى قىززىتىش مەخسىتىدە دورىلار تاللاپ ئىشلىتىلىدۇ .

بەلغەم خىلىتىنىڭ تەسىرىدىن بولغان بولسا ئالدى بىلەن بەلغەم خىلىتىنىڭ مۇنزىچ، مۇسھىلى تاللاپ ئىشلىتىىلىپ كېسەللىك ماددىسى تازلىنىدۇ .

ماددا تازلىنىپ بولغاندىن كىيىن بەدەندىكى ھۆللىكنى يوقۇتۇش ، پەي مۇسكۇللارنى چىڭىتىش مەخسىتىدە ئىچكى ۋە سىرتقى تەرەپتىن تەڭ ، ماس قەدەملىك داۋالاش ئېلىپ بېرىلىدۇ .

دىققەت قىلىدىغان ئىشلار:

1-كېسەل باشلىنىپ ئۈچ كۈنگىچە تاماق بېرىشتىن چەكلىنىدۇ ھەم زىيادە ئىسسىق زىيادە سوغوق تەبىئەتلىك ،مايلىق، غىدىقلىغۇچى، تەستە ھەزىم بولدىغان يىمەكلىكلەردىن پەرھىز قىلىنىدۇ

2- كېسەل باشلىنىپ ئۈچ كۈنگىچە پەقەت مائۇل ئۇسۇللا بېرىلىدۇ

3- سوغوق سۇدا يۇيۇنۇش، سوغوق سۇ ئىچىش، سوغوق مۇھىتتا تۇرۇشتىن ، ئېغىر جىسمانى ھەركەت قىلىشتىن ، زىيادە چارچاش غەم ئەندىشە قىلىشتىن ساقلىنىش لازىم

 تەييارلىغۇچى : نىرۋا،سۇيدۇك ، ئىچكى ئاجراتما كىسەللىك بولۈمى

يوللىغۇچى : ئالىمجان ماخمۇت