|
[خۇرۇچى]
ئۇن بىر كلوگرام،زىرە مۇۋاپىق،لوق گۆش بىر كلوگرام،تۇز مۇۋاپىق مىقداردا،قۇيرۇق ياغ175گرام،قارىمۇچ مۇۋاپىق،پىياز بىر كلوگرام،سۇ750گرام.
[ئېتىش ئۇسۇلى]
1.گۆشنى ئۇششاق توغراپ،يرىم جىڭ ئىلمان سۇ ئارلاشتۇرۇپ سۇ يېدۇرۇپ،ئۇنى ئۇششاق توغرالغان دۈمبەياغ،پىياز،سوقۇلغان زىرە،قارىمۇچ،تۇز بىلەن ئارىلاشتۇرۇپ قىيما قىلىنىدۇ.
2.قۇۋۋەتسىز تۇز سۈيىدە پېتىر خېمىر يۇغۇرۇپ ياخشى ئىشلەپ،15-20مىنۇت تىندۈرۈلىدۇ.ئاندىن20گرامدىن زوۋۇلا ئۈزۇپ تاۋلاپ،پوزا بىلەن ئېچىپ،ھەربىر جىلتىغا قىيما سېلىپ،ئۇزۇنچاق،تۆت بۇرجەك ياكى بەش بۇرجەك قىلىپ سامسا تۈگۈلىدۇ.
3.قىزىتقان تونۇرنىڭ داپخانىسىنى ئېتىپ،تونورنىڭ يۈزىگە تۇز سۈيى سېپىپ،ئوتنى تونورنىڭ ئوتتۇرسىغا يىغىپ كۆمۈپ،ھاۋىسىنى تەڭشىلىدۇ.تۈگۈلگەن تەرىپىنى تونورغا يىقىپ،ئۈستىگەيەنە ئازراق سۇ ئۇرۇپ،تونۇرنىڭ ئاغزىنى ئېتىپ10مىنۇت خۇيلىنىدۇ.خۇي يىگەندىن كىيىن تونورنىڭ ئاغزىنى ئېچىۋىتىپ،سامسنىڭ يۈزى سارغايغىچە پىشۇرۇلىدۇ. خۇيلىماي ئۇدۇللۇق يېقىپ،ئۇدۇللۇق قۇمۇرۇلغىنى شاكال سامسا ياكى بىر ئوتلۇق سامسا بولىدۇ.بۇ ئۇيغۇرخەلقىنىڭ ئەنئەنىۋى تاماقلىرىدۇ.
[ئالاھىدىلىكى]
جىلتى نىپىز،قىيمىسى يۇمشاق،شورپىلىق ھەم تەملىك. |
