|
پىستە — دورا قىلىپ ئىشلىتىلىشى ئاساس قىلىنغان ، ھەم دورا ، ھەم يېمەكلىك بولىدىغان قۇرۇق مېۋە . ئەسلىي يۇتى ئوتتۇرا شەرق ، 1300 يىل ئىلگىرى شىنجاڭغا كىرگۈزۈلۈپ ئۆستۈرۈلگەن . ئەسلىدىكى ئۆستۈرۈش كۆلىمى ئانچە كۆپ ئەمەس ئىدى . يېقىنقى بىر قانچە يىلدىن بۇيان ، بىر قەدەر تېز راۋاجلاندى . كۆلىمى تەخمىنەن 30 نەچچە گېكتار بولۇپ ، مەھسۇلات كۆلىمى تېخى شەكىللەنمىگەن . مېۋىسى بىر قەدەر كىچىك . يەككە مېۋىسىنىڭ ئېغىرلىقى 0.7–1.5 گرام ، ياغ تەركىبى %57.3 ، ئاقسىل تەركىبى %21 ، قەنت تەركىبى %11 ، مېنرال ماددا تەركىبى %2.9 ، سېللولوزا تەركىبى %3.6 . ئۇنىڭدىن باشقا يەنە كاروتىن ۋە ۋىتامىن B1 , B2 , C , D قاتارلىقلار بار . پوستى ، يۇپۇرمىقى ۋە ياغىچى تەركىبىدە %5～%12 تاننىن بار .
پىستىنىڭ بۆرەكنى قۇۋۋەتلەش ، ئاشقازاننى ساغلاملاشتۇرۇش ، ئىچى سۈرۈشنى توختىتىش ، جىنسىي ئاجىزلىقنى ياخشىلاش ، ھەزىم ياخشى بولماسلىق كېسەللەرگە شىپا . ئۇ ئۇيغۇر تىبابىتىدىكى بىر خىل مۇھىم دورا ماتېرىيالى ھېسابلىنىدۇ . ئۇنى قۇرۇق مېۋە قاتارىدا ئىستىمال قىلغاندىن باشقا يەنە پېچىنە ، پىرەنىك ، ماروژنا قاتارلىقلارنى ئىشلەپچىقىرىشتىكى خۇرۇچ قىلىشقىمۇ بولىدۇ . پىستىنىڭ تەركىبىدە ۋىتامىن E مول بۇلۇپ ، ئۇنىڭ قېرىشنى كېچىكتۈرۈش رولى بار ، ھەمدە ئورگانىزىملارنى قۇۋۋەتلەش رولىمۇ بار . پىستە دۆلىتىمىزدىكى ساغلاملىق يېمەكلىكى بولۇپ ، مىڭ يىلدىن يۇقىرى تارىخقا ئىگە . |
