ئۆرۈك — شىنجاڭ تاتلىق ئۆرۈكنىڭ ئۆستۈرۈلۈش تارىخى 1000 يىلدىن ئاشىدۇ . ئۆرۈكنىڭ ئۆستۈرۈلۈش كۆلىمى ئۈزۈم ، ئالمىدىن قالسىلا 3 – ئورۇندا تۇرىدۇ . 1999 – يىلى يېتىلگەن ئۆرۈك دەرىخى كۆلىمى 22 مىڭ 300 گېكتار ، بىرلىك مەھسۇلاتى 7130 كىلوگرام ، ئومۇمىي مەھسۈلاتى 159 مىڭ توننا بولۇپ ، مەھسۇلات قىممىتى تەخمىنەن 450 مىليون يۈەنگە يەتتى . ھۆل پېتى ئىستېمال قىلىنىدىغان ئۆرۈك كۆپىنچە ئاپتونوم رايون ئىچىدە سېتىلىدۇ . تەخمىنەن ئۈچتىن بىر قىسمى ئۆرۈك قېقى ، ئۆرۈك خورمىسى قىلىپ ئىشلىنىپ سىرتقا سېتىلىدۇ . ئۆرۈك ئاساسلىقى جەنۇبىي شىنجاڭ ، شەرقىي شىنجاڭدىكى ھەر قايسى دېھقانچىلىق رايونلىرىدا ئۆستۈرۈلىدۇ . ئىلى دەريا ۋادىسىنىڭ ئوتتۇرا ، غەربىي قىسىملىرىدىكى ھەر قايسى ناھىيە – شەھەرلەر ھەم تەڭرىتاغنىڭ شىمالىي ئېتىكىدىكى تۈزلەڭلىكلەرگە ئاز مىقداردا تارقالغان . شىنجاڭ ئۆرۈكىنىڭ سورت سۈپىتى ئەلا ، تەمى ئالاھىدە ياخشى بولۇپ ، مەملىكەت بويىچە ئالدىنقى قاتاردا تۇرىدۇ . بۇنىڭ ئىچىدە كۇچا ، پىچاننىڭ ئاق ئۆرۈكى قىممەتلىك مېۋە ھېسابلىنىدۇ . ئۆلچەپ تەكشۈرۈشتىن قارىغاندا ، خوتەن ۋىلايىتىدىكى 35 سورتنىڭ ئوتتۇرىچە قەنت تەركىبى 20.2 گرادۇس ، ئىلىدىكى 25 سورتنىڭ ئوتتۇرچە قەنت تەركىبى 17.8 گرادۇس بولغان . شىنجاڭ ئۆرۈك مېغىزىنىڭ ئەت نىسبىتى %91 ～ %94 كە يېتىدۇ . تولۇق ئستاستىكىغا قارىغاندا ، 120 دىن ئارتۇق يەرلىك سورت بار . بۇنىڭ ئىچىدە تاتلىق ئۆرۈك سورتى 114 بولۇپ ، %95 نى ئىگىلەيدۇ . بۇ نىسبەت مەملىكەت بويىچە ئالدىنقى قاتاردا تۇرىدۇ .

     شىنجاڭدا ئۈرۈكنىڭ سورتى كۆپ ، سۈپىتى يۇقىرى ، ماسلىشىشچانلىقى كۈچلۈك ، ھازىر شىنجاڭدا ئاساسلىق سەككىز سورت گۇرۇپپىسى ، جەمئىي 198خىل سورتى بار .

1.كىشمىش ئۆرۈك سورت گۇرۇپپىسى . 2.ئاق ئۆرۈك سورت گۇرۇپپىسى .3.جانان ئۆرۈك سورت گۇرۇپپىسى ، 4.توغاچ ئۆرۈك گۇرۇپپىسى . 5. ياغلىق ئۆرۈك گۇرۇپپىسى . 6. تويۇنئۆرۈك گۇرۇپپىسى . 7. خۇەينى ئۆرۈك سورت گۇرۇپپىسى . 8. ئەنجان ئۆرۈك گۇرۇپپىسى دىن ئىبارەت سورتلار بار .

ئۆرۈك دەرىخى