قەدرىمانە

قەدرىمانە بولسا كۈنلۈكسىمان گۈللۈكلەر ئائىلىسىدىكى ئۆسۈملۈك ياۋا زىرە بولۇپ، بۇ ئۆسۈملۈكنىڭ مېۋىسى يەنى ئۇرۇقى قەرەدمانە ياكى ياۋا زىرە نامىدا دورىغا ئىشلىتىلىدۇ. بۇنىڭ گۈلى ۋە ئۇرۇقى زىرە رۇمىغا ئوخشايدۇ، لېكىن بۇنىڭ ئۇرۇقى كەرۋىيانىڭ ئۇرۇقىدىن ئۇزۇنراق، يوپۇرمىقى ۋە يىلتىزىمۇ كەرۋىيانىڭكىدىن چوڭراق، شېخى ئېگىزرەك ۋە يىرىك بولۇپ، ئۆسۈملۈكى بابۇنە ئۆسۈملۈكىگە ئوخشايدۇ، گۈلى كۆككە مايىل ئاق، ئۇششاق، چېچىلاڭغۇ بولىدۇ.7-8-ئايلاردا يىغىۋېلىنىدۇ. ئەرمەنىستان، ھىندىستاندىن چىقىدۇ،ئاساسەن تاغ، چۆللەردە، باغ ۋە ئېتىز-ئېرىق بويلىرىدا ئۆسىدۇ.

بەدىنىنى قىزىتىش، تېرىنى قىزارتىش ،شىلىمشىق خىلىتلارنى تازىلاش،ئەزالارنى قۇۋۋەتلەش خۇسۇسىيىتىگە ئىگە.

خاس تەسىرى

تېرىنى ئوزۇقلاندۇرۇش، قىزارتىش، تېرە رەڭ ماددىسىنى ئەسلىگە كەلتۈرۈش.

ئەكىس تەسىرى

تالغا زىيانلىق، باش ئاغرىقى پەيدا قىلىدۇ.

قەدرىمانە1. قەردىمانىدىن 10 گرامنى سوقۇپ تالقانلاپ قايناقسۇ بىلەن ئىستېمال قىلسا پالەچ، تۇتقاقلىق كېسەل، ئەزالار بوشىشىش، يانپاش ئاغرىقى قاتارلىقلارغا پايدا قىلىدۇ،

2. قەردىمانە، ئىزخىر  ، بەدىيان قاتارلىقلاردىن 10 گرامدىن ئېلىپ قاينىتىپ ئىچسە جىگەر، تالنىڭ توسالغۇسىنى ئاچىدۇ. ئۈچەي توسۇلۇشقا مەنپەت قىلىدۇ.

3. قەردىمانىدىن مۇۋاپىق مىقتاردا ئېلىپ شاراپ بىلەن قوشۇپ ئىستېمال قىلسا بۆرەك ئاغرىقى ۋە قەن سىيىش كېسىلىگە مەنپەت قىلىدۇ.

4، قەردىمانىدىن مۇئاپىق مىقتاردا ئىلىپ سىركە بىلەن قوشۇپ يەرلىك ئورۇنغا چاپساقوتۇر، قىچىشقاق، قارا داغ، ساپكۇن ۋە تازغا مەنپەت قىلىدۇ.

مىقدارى

4 ~ 1 گرام

تۈزەتكۈچىسى

سەندەل ، بىدەمىشكى، رۇمبەدىيان، ئەمەن، سېرىق چېچەك.

ئورۇن باسارى

زىرە ، سىيادان

جاۋارىش ئۇد، مەجۇنى بەرەس، شەربىتى بەرەس، جاۋارىش ئەنبەر ،سۇپۇپى بەرەس.

پالەچ، سەرئى، ئىستىرخا، كونا يۆتەل، چوڭ-كىچىك بوغۇم ئاغرىقى، يانپاش بوغۇم ئاغرىقى، بۆرەكتە ئۇششاق تاش پەيدا بولۇش، سۈيدۈك تۇتۇلۇش، قوتۇر، قىچىشقاق، قارا داغ، قۇبا، تاز، سەپكۈن قاتارلىقلارغا  ئىشلىتىلىدۇ.

كېلىش مەنبەسى (ئەسەر)

ئۇيغۇر تېبابىتى خام دورىلار ئىلمى2 (شىنجاڭ تېببي ئۇنۋېرسېتىتى تولۇق كۇرۇس نۇسخسى).^[0]