كۇرۇك قوغۇن

كۇرۇك قوغۇن ئاپتونۇم رايۇنىمىزنىڭ يوپۇرغا ناھىيىسىدە تېرىپ ئۆستۈرۈلىدۇ . بۇ خىل سورتنىڭ ئۆسۈش كۈچى ئوتتۇراھال ، ئاساسىي پىلەكنىڭ ئۇزۇنلۇقى 298 سانتىمېتىر ، توملۇقى 1.56 سانتىمېتىر ، شاخلىنىش كۈچى كۈچلۈك ،  پۈتكۈل ئۆسۈپ يېتىلىش ۋاقتى 100 - 110 كۈن ئەتراپىدا ، پىشقاندىكى يەككە ئېغىرلىقى 4.5 كىلوگرام كېلىدۇ ، بۇ خىل سورت توشۇشقا بىر قەدەر چىداملىق ، ساقلاشقا چىدامسىز ، كېسەللىككە قارشى تۇرۇشچانلىقى ئاجىز . 

چېچىكى

بىرىنچى ئاتىلىق گۈل چېچىكى ئاساسى پىلەكنىڭ ئالتىنچى بوغۇمىدا ، بىرىنچى ئانىلىق گۈل چېچىكى ئاساسى پىلەكنىڭ يەتتىنچى بوغۇمىدىن چىققان يان پىلەكنىڭ بىرىنچى بوغۇمدا ئۆسىدۇ . ئانىلىق گۈل ئېچىلىپ 46 -52 كۈن بولغاندا مېۋىسى پىشىدۇ ، گۈلى قوش جىنىسلىق . 

مېۋىسى 

كۇرۇك قوغۇننىڭ شەكلى يۇمىلاق ، دىئامېتىرى 19.5 - 34.4 سانتىمېتىر ، پىشقاندا مېۋە ساپىقى تەبىئىي ئۈزۈلمەيدۇ ، شاپاق تەگ رەڭگى سېرىق ، ئۈستىدە 10 تال يېشىل رەڭلىك تىلىم ئىزى شەكىللەنگەن ، شاپىقىنىڭ قېلىنلىقى 0.9 سانتىمېتىر ، ئېتىنىڭ قېلىنلىقى 4.1 سانتىمېتىر ، رەڭگى قىزغۇچ ، شىرنىلىك ،تالاسى كۆپ ، تەمى ئوتتۇراھال قەنت مىقدارى % 16.7 -8.1 ئەتراپىدا.

ئۇرۇقى

ئۇرۇقى سېرىق رەڭدە ، ئېللىپىس شەكىللىك ، ئۇزۇنلۇقى 1.35 سانتىمېتىر ، كەڭلىكى 0.52 سانتىمېتىر ، مىڭ دانىسىنىڭ ئېغىرلىقى 59 گرام كېلىدۇ . ^[0]