رەيھان ئۇرۇقى

رەيھان ئۇرۇقىرەيھان ئۇرۇقى بولسا كالپۇكسىمان گۈللۈكلەر ئائىلىسىدىكى بىر يىللىق سامان غوللۇق ئۆسۈملۈك رەيھاننىڭ ئۇرۇقى بۇلۇپ،ئۇرۇقى تۇخۇم شەكىللىك، سىرتقى كۆرۈنۈشى كۈل رەڭگە مايىل قوڭۇر ياكى قارا رەڭدە بولىدۇ. سەل پارقىرايدۇ،. 9- ئايلاردا ئۇرۇقى پىشقاندا يىغىۋېلىندۇ، شىنجاڭنىڭ كۆپلىگەن جايلىرىدا تېرىپ ئۆستۈرۈلىدۇ. يەنە ھىندىستان، ئافرىقا، ئەرەبىستان، برازىلىيە قاتارلىق ئەللەردىنمۇ چىقىدۇ،.

 يۈرەكنى قۇۋۋەتلەش، ئاغرىق توختىتىش، كۆڭۈلگە خۇشلۇق يەتكۈزۈش، ئىچىنى قاتۇرۇش.

خاس تەسىرى

يۈرەك مۇسكۇلىنى قۇۋۋەتلەش، ماددا ئالمىشىشنى ياخشىلاش، ئومۇمىي بەدەننى قۇۋۋەتلەش

ئەكىس تەسىرى

ئاشقازانغا زىيان قىلىدۇ.

 ئۇرۇقى تەركىبىدە تەخمىنەن %8 كۈل ماددىسى، %16.40 ئاقسىل، %16.80 ماي، %24.14 تالا، %23.3 كاربون سۇ بىرىكمىلىرى بار. ئۇرۇقىنىڭ يېغـىـدا %3.31 پالـمېـتـىك كـىسلاتـا، %6.4 قـاتتـىـق كـىسلاتاسـى، %15.4ياغ كىسلاتاسى،% 56.03 لىنول كىسلاتاسى قاتارلىقلار بار.

رەيھان ئۇرۇقى1. رەيھان ئۇرۇقىدىن 10 گرام، ئەرەب يېلىمى7 گرام. سوقۇپ تالقانلاپ ئىچسە ئىچ سۈرۈشكە مەنپەئەت قىلىدۇ.

2. رەيھان ئۇرۇقى، پەرەنجىمۇشكى، لاچىندانە، سۇنبۇل قاتارلىقلار 10 گرامدىن. چايلىق تەييارلاپ ئىچسە،  يۈرەك ۋە مېڭىنى كۈچلەندۈرىدۇ.

دورىلىق ئورنى

ئۇرۇقى

مىقدارى

1 ~3 گرام

ساقلاش 

قۇرۇتۇپ، قۇرغاق، سايە جايدا ساقلىنىدۇ.

تۈزەتكۈچىسى

ناۋات، مەرزەنجۇش

ئورۇنباسارى

كىنوچە ئۇرۇقى، چاققاق ئوت ئۇرۇقى.

رەيھان شەربىتى، سوفۇپى رەيھان.

كېسەللىك مىسالى

يۈرەك رېتىمسىزلىقى، يۈرەك ئاجىزلىقى، ئىچى سۈرۈش قاتارلىق كېسەللىكلەرگە ئىشلىتىلىدۇ.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى بىرىنچى توم(سىناق نۇسخا) شىنجاڭ تېببىي ئۇنىۋېرسىتېتى.^[0]