كۈدە ئۇرۇقى

بۇ گۈلسامساق ئائىلىسىدىكى ئۆسۈملۈك كۈدىنىڭ ئۇرۇقىدىن ئىبارەت. شەكلى بىر ئاز ياپىلاق، رەڭگى قارا، تەمى، پۇرىقى سۇس بولىدۇ.

ۋەكىل خاراكتېرلىك پىششىق دورا ياسالمىسى

ھەببى مۇقەل، چاۋارىش جالىنۇس.

خىميىلىك تەركىبى

بىئولوگىيىلىك ئىشقار، ئۇچۇچان ماي، ئاقسىل ئامىنو كىسلاتاسى، ياغلاردىن ئىبارەت.

يەل تارقىتىش، توسالغۇلارنى ئېچىش، ئىششىق تارقىتىش، باھنى، پەي – مۇسكۇللارنى، جىگەرنى قۇۋۋەتلەش، بەلغەم بوشىتىش، بەدەننى تازىلاش، پارقىرىتىش خۇسۇسىيىتىگە ئىگە.

ئەكىس تەسىرى

ئىسسىقچان كىشىلەرگە زىيانلىق.

تۈزەتكۈچىسى

بىنەپشە، نېلۇپەر

ئىشلىتىلىشى

ئاشقازان، ئۈچەيگە يەل تۇرۇپ قېلىش، ئاشقازان سوۋۇپ كېتىش، باھ ئاجىزلىقى، چىش ئاغرىقى، قان ۋە يەلدىن بولغان بوۋاسىر، ئىشتىھاسىزلىق قاتارلىقلارغا ئىشلىتىلىدۇ.

1. زىرە، كۈدە ئۇرۇقى، يالپۇز، سۇزاپ ئۇرۇقى قاتارلىقلارنىڭ ھەربىرىدىن 10 گرامدىن، توغرىغىدىن 5 گرام ئېلىپ، تالقان قىلىپ ئىچىپ بەرسە، ئاشقازان ئۈچەي كېسەللىكىرىگە شىپا بولىدۇ.

2. كۈدە ئۇرۇقى، تۇرۇپ ئۇرۇقى، ئوغرىتىكەن، بەدىيان، بىخ سەۋسەن قاتارلىق دورىلارنىڭ ھەر بىرىدىن 10 گرامدىن ئېلىپ چايلىق تەييارلاپ ئىچىپ بەرسە، يەل تارقىتىدۇ، ھەزىمگە ياردەم بېرىدۇ.

فارماكولوگىيىلىك تەسىرى

يۇقىرى ۋە تۆۋەن تېمپېراتۇرىنى تەڭشەش، قېرىشنى كېچىكتۈرۈش رولى بار.

كۈز پەسلىدە مېۋىسى پىشقاندىن كېيىن، قۇرۇتۇلۇپ ئۇرۇقى چىقىرىۋېلىنىدۇ، پاكىز تازىلىنىپ قۇرۇق ھەم سالقىن جايدا ساقلىنىدۇ.^[0]