ھەمراخان مەنسۇر

ھەمراخان مەنسۇرجۇڭگودىكى تۇنجى ئۇيغۇر دېڭىز ئارمىيە جەڭچىسى ھەمراخان مەنسۇر 1952-يىلى ئۈرۈمچى شەھىرىدە تۇغۇلغان.

1965-يىلى 13 ياشقا كىرگەن ئۇيغۇر قىزى ھەمراخان مەنسۇر ئۆگىنىش نەتىجىسى ياخشى بولغانلىقى ئۈچۈن مەركىزىي مىللەتلەر ئىنستىتۇتى قارمىقىدىكى ئوتتۇرا مەكتىپىگە ئوقۇشقا ئەۋەتىلگەن. 

1969-يىلى 17 ياشقا كىرگەن ھەمراخاندا ئارمىيەگە قاتنىشىش ئويى پەيدا بولغان بۇلۇپ، ئۇ كۆپ قېتىم ئاكتىپلىق بىلەن ئىلتىماس قىلىش ئارقىلىق ئاخىرى تەشكىلنىڭ ماقۇللىقىغا ئېرىشىپ بېيجىڭدا ئوڭۇشلۇق ھالدا ئارمىيەگە قاتناشقان. شۇ يىلى ئۇ يىراقتىكى گۇاڭجۇ جەنۇبىي دېڭىز فىلوتىغا بېرىپ يېڭى جۇڭگو قۇرۇلغاندىن بۇيانقى تۇنجى ئۇيغۇر ئايال دېڭىز ئارمىيە جەڭچىسىگە ئايلانغان.

ئائىلىسىدىكىلەرنىڭ ئىلھاملاندۇرۇشى، زىممىسىدىكى بۇرچى ۋە ھەر قايسى خىزمەت ئورۇنلىرىدىكى جاپالىق چېنىقىش ئارقىلىق 20 ياشقا كىرگەن ھەمراخان 1972-يىلى رەسمىي ھالدا كادىرلىققا ئۆستۈرۈلۈپ ئايال ئوفىتسېرغا ئايلانغان.

ھەمراخاننىڭ نىڭ ئارزۇسى ھاياتىنىڭ قالغان كۈنلىرىدە يەنە بىر قېتىم ۋەتەننىڭ ئاۋىياماتكىسىغا چىقىش. 

ھەمراخان ئىلگىرى كېيىن بولۇپ ئاپتونوم رايونلۇق ئەمگەن نەمۇنىچىسى، ئارمىيەدىكى مۇنەۋۋەر پارتىيە ئەزاسى، ئارمىيەدىكى مۇنەۋۋەر سېسترا، ئارمىيە بويىچە ئىككىنى ھىمايە قىلغۇچى ئىلغار شەخس، نايتىڭگېل مۇكاپاتى، مەملىكەتلىك خەلق قۇرۇلتىيىنىڭ ۋەكىلى دېگەندەك شەرەپلەرگە ئېرىشكەن ھەمدە ئىككى قېتىم 3-دەرىجىلىك خىزمەت كۆرسەتكەن.

ھەمراخان مەنسۇرھەمراخان ئانىنىڭ ئارزۇگۈل ئىسىملىك بىر قىزى بار، ئۇ چاقچاق قىلىپ «مېنى ئانام تۇغقان، ئەمما ئانامنى خىزمىتى تۇغقان» دەيدۇ.

ھەمراخان ئانا دەسلەپتە ئۆيىدىكىلەرنىڭ ئۆزىنى ئانچە چۈشەنمىگەنلىكىنى، ئەينى چاغلاردا ئازراق ئازار يېگەن بولسىمۇ قىلغان ئىشلىرىدىن ناھايىتى پەخىرلىنىدىغانلىقىنى، ھازىر ئۇلارنىڭ ئۆزىنى ناھايىتى قەدىرلەيدىغانلىقىنى ئېيتقان. ئۇ «بىر ئادەم ئۇنچە كۆپ يىل ئۆمۈر كۆرمەيدۇ، بىر ئىشنى ياخشى قىلسىلا شۇنىڭ ئۆزى يېتەرلىك» دېگەن.