چارپاقا

چارپاقا ___ بۇ پاقا ئائىلىسىدىكى ھايۋانات چار پاقىنىڭ قۇرۇتۇلغان پۈتۈن تېنىدىن ئىبارەت بولۇپ، چارپاقا نامىدا دورىغا ئىشلىتىلىدۇ.

تەبىئىتى: ھۆل ئىسسىق.

خۇسۇسىيىتى 

زەھەر قايتۇرۇش، قان توختىتىش، ئاغرىق پەسەيتىش، ئىششىق قايتۇرۇش، جاراھەت پۈتتۈرۈش، توسالغۇلارنى ئېچىش، سەيدۈك ھەيدەش خۇسۇسىيىتىگە ئىگە.

ئىشلىتىلىدىغان كېسەللىكلەر

ھەرخىل قاناش، سۇلۇق ئىششىق ۋە ھەرخىل جاراھەتلەر، سۈيدۈك تۇتۇلۇش قاتارلىق كېسەللىكلەرگە ئىشلىتىلىدۇ.

چارپاقا زەھەر قايتۇرۇش ۋە جاراھەتلەرنى پۈتتۈرۈشكە، پىچاق، يىڭنە، قىلىچ كىرگەن جايغا پاقىنىڭ قارنى يېرىلىپ تېڭىلىدۇ ياكى قۇرۇتۇلغان پاقا سۇفۇب قىلىنىپ سېپىلىدۇ. قان توختىتىشقا، بەدەننىڭ سىرتىدىن قان كەلگەندە پاقا سۇفۇپى يالۇز ياكى مۇناسىپ دورىلار بىلەن تېڭىلىدۇ، جاراھەتلەرنى ياخشىلاش، ئىششىقنى قايتۇرۇش، قىزىرىشنى تۈگىتىشكە پاقا سۇفۇپى سېپىلىدۇ ياكى سىركە قوشۇپ تېڭىلىدۇ. 

ئىششىق قايتۇرۇشقا مۇناسىپ دورىلار بىلەن مەلھەم تەييارلاپ سىرتتىن چېپىلىدۇ ياكى زىمات قىلىنىدۇ. پاقىنى ئېزىپ ئۈستىدىن ياغ قوشۇپ دۇغىنى چىقىرىپ جاراھەتكە سىرتتىن سۈركىلىدۇ. 

چىش ئاغرىقىغا پاقا قارنى يېرىلىپ قاينىتىلىپ سۈيى بىلەن ئېغىز چايقىلىدۇ. 

قان توختىتىش ۋە جاراھەتلەرنى پۈتتۈرۈش ۋە ھاشارەت چاققان زەھەرلەرنى قايتۇرۇشقا پاقىنى كۆيدۈرۈپ كۈلىدە سۇفۇپ تەييارلاپ چېپىلىدۇ. چۈشۈپ كەتكەن چاچنى چىقىرىشقا سەۋرى دەرىخىنىڭ يېلىمى بىلەن قوشۇپ باشقا چېپىلىدۇ. چىشنى ئاغرىماستىن تارتىپ چىقرىشتا پاقىنى كۆيدۈرۈپ چىشقا بېسىلىدۇ ياكى ئىسپىرتقا چىلاپ تەككۈزۈلىدۇ. بوۋاسىر قېىنىنى توختىتىشقا پاقىنىڭ پۇت-قوللىرىنى كېسىپ تاشلاپ، ئىچ ئەزاسىنى تازلىۋېتىپ، بۆرەك يېغىدا ئوبدان پىشۇرۇپ، يېغى چىقىرىلىپ سىرتتىن ياغلىنىدۇ، بەدەندىكى ئىچكى زەخمەت قانلىرىنى توختىتىشقا كۆيدۈرۈلگەن پاقا مېڭىسى سىرتتىن سېپىلىدۇ ياكى بۇرۇنغا پۈركۈلىدۇ.

ئىشلىتىش مىقدارى

كېسەل ئەھۋالىغا قاراپ بېرىلىدۇ.

زىيانلىق تەسىرى

مىقدارى ئېشىپ كەتسە ياكى كۆك، سېرىق، قارا پاقا ئىستېمال قىلىپ قالسا، ئىچكى ئەزا ئىششىش، تېرە رەڭگى بۇزۇلۇش، كۆڭۈل ئېلىشىش، يۈرەك ئاغرىش قاتارلىق ئەھۋاللارنى پەيدا قىلىدۇ.

تۈزەتكۈچىسى

تۇز، سېرىقچېچەك سۈيى، سىركەنجىۋىل، دارچىن، داۋائى كۆركەم، داۋائى لوك، شەربەت.

ئورۇنباسىرى

قىزىل قولتۇق پاقا.^[0]