جاڭ ۋېنيۈ

جاڭ ۋېنيۈجاڭ ۋېنيۈ فۇجيەننىڭ خۇيئەن ناھىيەسىدىكى بىر دېھقان ئائىلىسىدە تۇغۇلغان بولۇپ، ئائىلىسىنىڭ نامراتلىقى سەۋەبىدىن ئەمگەك قىلغاچ ئوقۇيدۇ، ئۇنىڭ قەيسەر ئىرادىسى ۋە جاپاغا چىداش روھى مەكتەپ مۇدىرى بىلەن ئوقۇتقۇچىلارنى تەسىرلەندۈرىدۇ، ئۇ كۆپچىلىكنىڭ ياردىمى بىلەن ئوتتۇرا مەكتەپنى پۈتكۈزگەندىن كېيىن، ساۋاقداشلىرى تەييارلاپ بەرگەن 20 يۈەن يول خىراجىتىنى ئېلىپ يەنجىڭ ئۇنىۋېرسىتېتىغا ئوقۇشقا كېلىدۇ. ئۇ قورساق مەسىلىسىنى ھەل قىلىش ئۈچۈن، كۈندۈزى دەرستىن چۈشكەندىن كېيىن، مەكتەپنىڭ دېھقانچىلىق ئېتىزىدا ئىشلەيدۇ، كېچىدە دەرسىنى تەكرارلايدۇ. دەرس ئۆتۈلۈۋاتقاندا مۈگدەپ قالسا بارماقلىرى قان يۇقى بولۇپ كەتكۈچە يىڭنە سانجىيدۇ. ئۇ مەكتەپ پۈتكۈزگەندىن كېيىن، ئەلا نەتىجە بىلەن دۇنياغا مەشھۇر كامبرىج ئۇنىۋېرسىتېتىغا ئاسپىرانتلىققا كىرىدۇ، 1938-يىلى دوكتورلۇق ئۇنۋانىغا ئېرىشىدۇ.

 1954-يىلى، جاڭ ۋېنيۈ نۇرغۇن ئەگرى-توقايلىق ۋە مۇشەققەتلەرنى باشتىن كەچۈرۈپ، ۋەتەنگە قايتىپ كېلىدۇ .

 1956-يىلى، جۇڭگو پەنلەر ئاكادېمىيەسى ئاتوم ئېنېرگىيەسى تەتقىقات ئورنىنىڭ مۇئاۋىن باشلىقلىقىغا تەيىنلىنىپ، چيەن سەنچياڭنىڭ ئاساسىي زەررىچە تەتقىقاتى خىزمىتىگە رەھبەرلىك قىلىشىغا ھەمكارلىشىدۇ. ئۇ يەنە رۇسىيە فېدېراتسىيەسى دۇنيا بىرلەشمە يادرو تەتقىقات ئورنى جۇڭگو گۇرۇپپىسىنىڭ باشلىقلىقىنى ئۈستىگە ئالىدۇ. ئۇ نەچچە 10 يىلدىن بۇيان ۋەتەننىڭ ئاتوم فىزىكىسى، ئالەم نۇرى نەزەرىيەسى، زەررىچە فىزىكىسى تەتقىقاتىغا نۇرغۇن تۆھپىلەرنى قوشىدۇ.^[0]