ئاق قىچا ئۇرۇقى

ئاق قىچا ئۇرۇقىئاق قىچا ئۇرۇقى بولسا  ئۆسۈملۈك ئاق قىچا بولۇپ، بۇ ئۆسۈملۈكنىڭ قۇرۇتۇلغان پىششىق ئۇرۇقى خەردىل ياكى ئاق قىچا ئۇرۇقى نامىدا دورىغا ئىشلىتىلىدۇ. شار شەكىللىك، سىرتى كۈلرەڭگە مايىل ئاق رەڭلىك، تەمى ئاچچىق، پۇراقسىز  ، كىرېست گۈللۈكلەر ئائىلىسىدىكى بىر ياكى ئىككى يىللىق سامان غوللۇق ئۆسۈملۈككە تەۋە بۇلۇپ قۇرۇتۇپ،ئۇرۇقى ئاجرىتىۋېلىنىدۇ. رايونىمىزدا تېرىپ ئۆستۈرۈلىدۇ. ئاسىيا، ياۋرۇپادىكى دۆلەتلەردىنمۇ چىقىدۇ.  

خۇسۇسيىتى

تېرىنى قىزارتىش،  پارقىرىتىش، مېڭە، ئاشقازان ۋە باشقا ئەزالاردىكى ئارتۇق ھۆللۈكلەرنى يوقىتىش، ھەزىمنى ياخشىلاش، توسالغۇلارنى ئېچىش، تەرەتنى يۇمشىتىش قاتارلىق خۇسۇسىيەتكە ئىگە.

تەبىئىتى

ئۈچىنچى دەرىجىدە قۇرۇق ئىسسىق.

خاس تەسىرى

تېرىنى ئوزۇقلاندۇرۇش، قىزارتىش، تېرە رەڭ ماددىسىنى ئەسلىگە كەلتۈرۈش.

ئەكىس تەسىرى

 ئىسسىق مىزاج كىشىلەرگە زىيان قىلىدۇ،

فارماكولوگىيىلىك تەسىرى

بىنەپشە رەڭلىك تۈك تەمرەتكىسى زامبۇرۇغى قاتارلىق زەمبۇرۇغلارنى تورمۇزلايدۇ.

1. ئاق قىچادىن 10 گرام، سامساقتىن 7 گرام، سىياداندىن 10 گرام، زەيتۇن يېغى قاتارلىقلاردىن 15 گرام ئېلىپ مەلھەم تەييارلاپ يەرلىك ئورۇنغا تاڭسا بەھەققە مەنپەت قىلىدۇ.

2. ئاق قىچىنى مۇئاپىق مىقتاردا ئىلىپ سوقۇپ ئەنجۈر بىلەن قوشۇپ خېمىر قىلىپ چاپسا يانپاش بوغۇم ئاغرىقىغا ۋە تەڭگىسىمان چاچ چۈشۈشكە مەنپەت قىلىدۇ.

3.قىچا ،ئاقىرقارھا ،سۆئىلەپ قاتارلىقلاردىن 10 گرامدىن ئېلىپ 3 دانە تۇخۇم سېرىقىغا ئارلاشتۇرۇپ يىسە باھنى قۇۋۋەتلەيدۇ، بۆرەكنى سەمرىتىدۇ.

4. بىرەر ئەزاغا قاپارتقۇ پەيدا بولغان بولسا، ئۈستىدىن قىچا ئۇرۇقىنى سوقۇپ سۈرتسە ئاۋۋال ئېچىشتۇرۇپ، كېيىن ئاغرىق توختىتىدۇ.

5. قاينىتىپ ۋاننا قىلىنسا سوغۇقتىن بولغان ھەيز توسۇلۇشنى داۋالايدۇ.

دورىلىق ئورنى

ئۇرۇقى

مىقدارى

3~5 گرام

ساقلاش

قۇرۇتۇپ،ئۇرۇقى ئاجرىتىۋېلىنىدۇ.

تۈزەتكۈچىسى

 كاسىنە،بادام يېغى،سىركە،

ئورۇنباسارى

ھەببى رىشات، زاغۇن ئۇرۇقى، ئادراسمان، چامغۇر ئۇرۇقى،

 قۇرسى خەردەل ، سىيادان ئوكۇلى

تېرىدىكى يىرىڭلىق قوتۇر،كونا جاراھەت، خانازىر، سەۋدا مەنبەلىك قاتتىق ئىششىقلار، پالەچ، لەقۋا، رىماتىزىم، يانپاش ئاغرىقى، ئۆپكە يىرىڭلىق ئىششىقى، سوغۇقتىن بولغان باش ئاغرىقى، زۇكام، جىگەر ئاغرىقى، ئىشتىھاسىزلىق، تال ئاغرىقى قاتارلىقلاردا ئىشلىتىلىدۇ.

 ئۇرۇقىنىڭ تەركىبىدە %5.2  سىنالبىن(Sinalbin) ، مىروزىن (Myrosin) ، سىناپىنې (Sinapine)  ۋە %20 -%26 ماي بار.

كېلىش مەنبەسى(ئەسەر)

ئۇيغۇر تېبابىتى خام دورىلار ئىلمى2 (شىنجاڭ تېببي ئۇنۋېرسېتىتى تولۇق كۇرۇس نۇسخسى). ^[0]