تاجىگۈل

تاجىگۈل بولسا قامچىگۈل ئائىلىسىدىكى بىر يىللىق سامان غوللۇق ئۆسۈملۈك تاجىگۈلنىڭ گۈل تىزمىسىدىن ئىبارەت بولۇپ، رەڭگى قىزىل، پۇراقسىز، تەمسىز. بۇ ئۆسۈملۈكنىڭ گۈلى«تاجىگۈل»، ئۇرۇقى «تاجىگۈل ئۇرۇقى» نامىدا دورىغا ئىشلىتىلىدۇ .ئاپتونوم رايونىمىزنىڭ ھەممە يەرلىرىدە تېرىپ ئۆستۈرۈلىدۇ.

ئاساسلىقى قان توختىتىش، ئىچى سۈرۈشنى توختىتىش، ھەيز توختىتىش خۇسۇسىيىتىگە ئىگە.

ئەكىس تەسىرى

سوغۇقجان كىشىلەردە باش ئاغرىقنى پەيدا قىلىدۇ.

تاجىگۈل قايناتمىسى جىنسىي يول مويلۇق تامچە قۇرتىغا نىسبەتەن ئۆلتۈرۈش تەسىرىنى بېرىدۇ.

كامپىرىفترىن (Kam Pferitrin)، پىنتول (Pintol) ۋە كۆپ مىقداردىكى كالىي نىترات بار.

ئىشلىتىلىشى

تولغاق، ھەيز كۆپ كېلىش، ئاق خۇن كۆپ كېلىش، سۈيدۈك ۋە مەنىي تۇتالماسلىق، قان تۈكۈرۈش، بوۋاسىر قاناش، بەل ئاغرىقى قاتارلىقلارغا ئىشلىتىلىدۇ.

1. تاجىگۈل، ئەنجىباھار، ئاقسەندەل قاتارلىقلاردىن 10 گرام، قىزىلگۈل چېچىكىدىن 7 گرام ئېلىپ، قائىدە بويىچە قاينىتىپ ئىچسە، ھەيزنى توختىتىدۇ. 2. تاجىگۈل 7 گرام، سېمىزئوت ئۇرۇقىدىن، يۇمغاقسۈت ئۇرۇقىدىن 5 گرامدىن ئېلىپ، قاينىتىپ ئىچسە، ئىچى سۈرۈشنى توختىتىدۇ.

مىقدارى

 5 ~ 10 گرام 

ساقلاش

8 – 10 – ئايلار ئارىلىقىدا گۈل تىزمىسى چوڭايغان ھەمدە بىر قىسىم مېۋىسى پىشقان چاغدا ئۈزۈپ ئېلىپ قۇرۇتۇلىدۇ.

تۈزەتكۈچىسى

ھەسەل.

ئورۇنباسارى

ئەڭلىكئوت.

ۋەكىل خاراكتېرلىك پىششىق دورا ياسالمىسى

شەربىتى ئەنجىباھار.